Thursday, December 22, 2011

උගත් පාඩම් කොමිසමෙන් යුද ජයග‍්‍රහණ පාවා දීලා – ෆොන්සේකා

උගත් පාඩම් හා ප්‍රතිසංවිධාන කොමිසම යටතේ අප ලද යුද ජයග්‍රහණය පාවා දී ඇතැයි සරත් ෆොන්සේකා මහතා පවසා තිබේ. එතුමා ප්‍රථම වතාවට “අපේ ජයග්‍රහණය” කියලා බහු වචනයෙන් කතා කිරීම විශේෂ ලක්ෂණයක්. කෙ‍සේ වුදද TNA සහ කොටි, විදෙස් NGO සහ දැන් උන්ගේ පදයට කස්තිරම් අල්ලන ජවිපෙද මේ කොමිසම නිශ්ඵල බව කියා තිබිණි. කොමිසම නොබෝදා විවේචනය කළේ හිටපු යුද වීරයාය. "චැනල් 4 නාලිකාවේ චිත්‍රපටය ගැන රජය විධිමත් පර්යේෂණයක් පැවැත්විය යුතුයි. ජයවේවා!" යැයි කීවේ ද ඔහු බව අමතක නොකළ මනාය.

දැන් එතුමාට කීමට අපට කරුණු කිහිපයක් තිබේ.
"ඉතින් ඔයා සම්බන්ධන් එක්ක ගිවිසුමක් ගැහුවා නේද උතුරු නැගෙනහිර යළි එක් කරනවා, ඉඩම් පොලිස් බලතල දෙනවා, හිරේ ඉන්න කොටි නිදහස් කරනවා කියලා. ඒ ගිවිසුම නිසානේ ඔයා අපේ යුධ වීරයා වෙලා ඉඳලා පස්සේ කොටි වීරයා වුණේ.

ඒ ගිවිසුම ඉටු කරන්නනේ සම්බන්ධන්ලා සිහින ඊළාම් දේශයේ සියලු ආයතනවල ජනතාවගේ ඡන්ද ඔයාට අරන් දීලා දිනෙව්වේ. ජාතියේ පිනට දකුණේ ජනතාව ඔයා පරාද කළා ඡන්ද ලක්ෂ 18න්.

එහෙම නොවුණා නම් අද ඇමරිකාව යුද්ධයට අණ දුන්නා කියලා නඩු පවරන්න මාර්ග හොයන මහින්දත්, චැනල් 4 වීඩියෝ, සුදු කොඩි චෝදනාවලින් දංගෙඩියට යවන්න වළි කෑ ගෝඨාභය, ශවේන්ද්‍ර වගේ අයට මොකද වෙන්නේ. එහෙනම් නඩුත් නෑ. ඔයා ඒ අය ඔක්කෝම මරනවා.ඔයා තමා නියම ද්‍රෝහියා.

මහින්ද තාම ද්‍රෝහියා වුණේ නෑ. එයා ද්‍රෝහියෙක් වෙන එකක් නෑ. එහෙම වුණොත් අද ඔයාට ද්‍රෝහියා කියන විදිහට ම හෙට එයාටත් මම ද්‍රෝහියා කියනවා. ඔයා මේ රට පාවදෙන ගිවිසුමක් ගහපු තුන්වෙනියා. පළවෙනියා දොන් ජුවාන් ධර්මපාල, දෙවැනියා දොන් ජුවාන් වික්‍රමසිංහ, තුන්වෙනියා දොන් ජුවාන් ෆොන්සේකා.

එදා ජනාධිපතිවරණය වෙලාවේ කවුද ඔයා වටේ හිටියේ. යුද්ධය දිනන්න යද්දි ගල් පෙල්ලපු ද්‍රෝහියෝ. කොටි, බෙදුම්වාදීන්, ටැමිල් ඩයස්පෝරාව. මැදවච්චි රවි, හමුදාවේ ඉන්නේ ගොන්නු කියලා නොකියා කියපු කිරිඇල්ල, ගැලවීමේ හමුදාවේ මංගල, තොප්පිගල රනිල්. නියම දේශප්‍රේමියෙක් වටේ කොහොමද රටේ හතුරෝ රොද බඳින්නේ? දේශපාලනයට ආ දවසේ ඉඳලා ඔයා ද්‍රෝහීන්ගේ අතකොලුවක්. අදත් එහෙමයි. හෙටත් එහෙමයි."

Saturday, December 17, 2011

දෑ හිතැති විද්වතුන්ගේ වගකීම සහ TNA කොටි රංචුව

අද ආණ්ඩුවේ ඇතැම් කටයුතු පිළිබඳ අපට සතුටු වෙන්න බැහැ. ඒවා අපට අද විවේචනය කරන්න වෙනවා. එස්.එල්.ගුණසේකර මහතා ආණ්ඩුව පිළිබඳ දිවයින පුවත්පතට විවේචනාත්මක අදහස් පළ කරලා තිබුණා.

ඔන්න දැන් කියන්න පුළුවන් එස්.එල්.ගුණසේකර විපක්ෂයට කඩේ යනවා කියලා. ආණ්ඩුවෙන් මුකුත් නොලැබුණු නිසා දැන් බනිනවා කියලා. මොකද තමන්ගේ බඩ වෙනුවෙන් දේශපාලනය කරන එවුන් හිතන්නේ එහෙම. ඒ වගේ පර හැත්ත හැම තැනම නිසා සාමාන්‍ය මිනිස්සු හිතන්නේ එහෙම.

ඒත් මේ රටේ ජනතාව තේරුම් ගන්න ඕන මේ ආණ්ඩුවේ සමහර අය කරන වැඩ වැරදියි. සමහර හොඳ වැඩ කරන්නෙත් කරන්න පුළුවන් තක්කඩිම විදිහට. රට වෙනුවෙන් ක්‍රියාත්මක කළ යුතුව තිබූ එළවළු පළතුරු බහාලුම් වැඩපිළිවෙළ හොඳ උදාහරණයක්.

ඊට පස්සේ මේ පංචතන්ත්‍රයේ රජතුමා ආරක්ෂා කළ වඳුරා වගේ එතුමා වටේ ඉන්න කේවට්ටයෝ ටික රටේ පොදු කක්කුසියක් හැදුවොත් ඒකට නම තියනවා "මහින්ද රාජපක්ෂ කක්කුස්සි සංකීර්ණය"කියලා.මේවා මෝඩ වහේලාට චූන් වුණාට ජනතාව තුළ ආණ්ඩුව සහ ජනාධිපතිතුමා කෙරෙහි ඇති ප්‍රසාදය බිඳ වැටෙනවා.

අද මේ ආණ්ඩුවට සාධනීය විවේචනයක් අවශ්‍යයයි.ඒ සඳහා විපක්ෂය කළ යුතු කාර්යභාරය අද සිදුවන්නේ නෑ. ඒ නිසා ආණ්ඩුවට සහාය දක්වන අයට ම එහි වරදානවලට බිලි නොවුණු අයට ලොකු වගකීමක් තියෙනවා මේ ආණ්ඩුවේ වැරදි නිවැරදි කරගන්න. වරද පෙන්වා දෙන්න. ගුණදාස අමරසේකර, එස්.එල්.ගුණසේකර, ගෝමින් දයාසිරි වගේ අය මේ සඳහා පෙරමුණ ගතයුතුයි.

TNA මන්ත්‍රී කෙනෙක් ආයෙමත් කියලා පොලිස් බලතල, ඉඩම් බලතල ඕන කියලා. කාටද? දෙමළ ජනතාවටද? නෑ. ඔය පළාත් සභාවලට දීපු බලතලවලින් ජනතාවට ලැබුණු දෙයක් නෑ. ලැබෙන දෙයකුත් නෑ. සිදුවන එකම දෙය බෙදුම්වාදී දිශානතිය කරා රට ආපහු ගමන් කිරීම පමණයි. ඒ නිසා ඒ සඳහා අංශු මාත්‍රයක හෝ සහයක් දීමේ අයිතියක් ආණ්ඩුවට නැහැ. ඒ සඳහා ජනතාව ආණ්ඩුවට බලය දීලාත් නැහැ.

අවුරුදු 30ක් කොටි යුද්ධ කළෙත් ඔය ටික ගන්න තමයි. යුද්ධය අවසන් වුණේ නෑ. අසාධාරණ ඉල්ලිම් ඉල්ලමින් කරපු ත්‍රස්තවාදය දේශමාමක ජනතාව පරාද කළා. පරාද කළේ ඔය තුප්පහි ඉල්ලීම්. ඒ නිසා මේ ගැන නැවත කතා නොක යුතුයි.

අද මේ රටේ දෙමළ ජනතාවට ඉන්න ලොකු ම හතුරා තමයි මේ කොටි රූකඩ රෑණ. මුන් සමග සාකච්ඡා කිරීමෙන් කිසිම පලක් නැහැ. දෙමළ ජනතාවට තියෙන පරිපාලන ප්‍රශ්න විසඳිය යුතුයි. ඔවුන්ට සිය බසින් තම පළාත්වල වැඩ කරන්න ඉඩ ලබා දිය යුතුයි.

දකුණු ඉන්දියාවේ දෙමළ මංකොල්ලකාරයෝ උතුරේ ජනතාවගේ මාලු අස්වැන්න මංකොල්ල කෑම වහාම නතර කළ යුතුයි. ඒ වගේ ම අහිංසක හිංදු ජනතාව අන්තවාදී රංචු විවිධ වරදාන ලබා දෙමින් උන්ගේ ආගම්වලට හරවා ගැනීම වැළැක්විය යුතුයි.

දෙමළ ජනතාවට ගෞරවනීය ලෙස ජීවත්වීමේ අයිතිය ලබා දිය යුතුයි. ඒ අයට වැදගත් විදිහට සැලකිය යුතුයි. ආදරය කළ යුතුයි. එකම ජාතියක් ලෙස එක රෑණක් ලෙස ජාතික අභිලාෂයක් මුදුන් පමුණුවා ගැනීමට එක රෑණේ පියඹා යායුතුයි. ඒ සඳහා අද ඇති විශාලතම ගැටලුව මේ බෙදුම්වාදී රංචුවයි. මේ බල‍ලෝභී පාහරයින්ගෙන් සිදුවන ජාතික අපරාධය වළක්වාලීම ආණ්ඩුවේ වගේ ම සමස්ත ජ්‍නතාව‍ේග පරම වගකීමයි.

Wednesday, December 14, 2011

යුද හමුදාව එළවළු අලෙවියට හා ප‍්‍රවාහනයට සූදානම් - යුද හමුදා මාධ්‍ය ප්‍රකාශක

මේ පිළිබඳ ගුවන්විදුලියේ සභාපතිතුමා මැති ඇමති(-)රු සමග කිරීමට නියමිත කෙටි සාකච්ඡා කිහිපයක් මෙසේ ලියා පළ කරමි.

"මහින්ද රාජපක්ෂ එයාගේ සහෝදරයත් එක්ක එකතු වෙලා මේ රට සම්පූර්ණයෙන් මිලිටරීකරණය කරමින් සිටිනවා. ප්‍රජාතන්ත්‍රවාදය වළ දමනවා. අර ගැලවීමේ හමුදාවටවත් සුදුසු නැති හාදයා . . . වැරදුණා වැරදුණා. රට බේරාගත් යුද විරුවා හිරකරලා. ගොවි ජනතාවගේ අරගලය කඩා කප්පල් කරන්න හමුදාව යොදවනවා." මංගල සමරවීර

"එතකොට මේ උත්සව සමයේ රටේ එළවලු හිගයක් ඇති වුණොත් මේ රටේ ජනතාව අපහසුතාවයට පත් වෙනවා නේද? ඔබතුමාට ඡන්දේ දීපු ජනතාව නේද මේ නිසා අපහසුතාවට පත් වෙන්නේ" හඩ්සන් සමරසිංහ

"නෑ නෑ මගේ ඡන්ද දායකයින්ට කිසිම ප්‍රශ්නයක් නෑ. එයාලා කන්නේ තණ කොළනේ" මංගල සමරවීර

"ඔව් ඉතින් නැත්නම් ඔබතුමාට ඡන්දේ දේවිද නේද?" හඩ්සන් සමරසිංහ
-------------------------------------------------------------------------------------------------------------
"මේ දුප්පතාගේ දුක නොහඳුනන ආණ්ඩුවක්. අද මහින්ද රාජපක්ෂ තනිකර ඒකාධිපති ගමනක් යන්නේ. තමන්ට ඡන්දය දුන් ජනතාවට සලකන විදිහ දැන් පැහැදිලියි. මේ වෙලාවේ පක්ෂය ඇතුළේ ගැටුම් ඇති කර ගැනීම ආණ්ඩුවට වාසියි. ඒ නිසා සියලු වාද භේද පසෙකලා රනිල් වික්‍රමසිංහ මහතාගේ අභීත නායකත්වය යටතේ ආණ්ඩුව ගෙදර යැවීමේ සටන අරඹන්න අපි සුදානම් විය යුතුයි. අපි අපේ බලවත් විරෝධය ප්‍රකාශ කරනවා මේ විදිහ‍ට ජන මතයට ඇහුන් කන් නොදී කටයුතු කරන ආණ්ඩුවේ ක්‍රියා පිළිවෙතට" තිස්ස අත්තනායක

"ඒත් ගරු ලේකම්තුමනි, මේ උත්සව සමයේ රටේ භාණ්ඩ හිගයක් ඇති වුණොත් ජනතාව අපහසුතාවට පත් වෙනවා නේද?"හඩ්සන් සමරසිංහ

"ඒකට මේ අසාර්ථක ආණ්ඩුව සම්පූර්ණයෙන් වගකිව යුතුයි. මේක එළවළු ටිකවත් බෙදාගන්න බැරි ආණ්ඩුවක්"තිස්ස අත්තනායක
--------------------------------------------------------------------------------------------------------------
"මේ රට කොටි ත්‍රස්තවාදයෙන් නිදහස් කරගත් අපේ විරෝධාර හමුදා විරුවෝ ගිනි අව්වේ කැරට් බොංචි විකුණන්න දාලා. මෙහෙමද මේගොල්ලෝ යුද වීරයින්ට සලකන්නේ. මගේ පපුව හොස් ගාලා යනවා. අපේ සදාදර යුදවිරුවා හිරේ දාලා. මේ ආණ්ඩුව කිලිනොච්චි යනවා කියලා මැදවච්චි යන්නේ" රවි කරුණානායක

"ඒත් මන්ත්‍රීතුමනි, මේ නත්තල් සමය. නව අවුරුස්ස අත ළඟ. උත්සව සමයේ රටේ භාණ්ඩ හිගයක් ඇති වුණොත්....?"හඩ්සන් සමරසිංහ

"නෑ නෑ එහෙම වෙන්න කිසිම විදිහක් නෑ. අපි දුර දිග හිතලා එදා ආරම්භ කළ වැඩ ටික මේ ආණ්ඩුව කරගෙන ගියා නම්. බලන්න මං වෙළඳ ඇමතිවෙලා රට පුරා භාණ්ඩ බෙදා හරින්න සතොස දියුණු කළා. නෑ නෑ වැරදුනා මං මං මං මං ...." රවි කරුණානායක

"එතුමාගේ දුරකථනය විසන්ධි වුණා. අපි ආපහු උත්සාහ කරලා බලමු එතුමා සම්බන්ධ කරගන්න."හඩ්සන් සමරසිංහ
--------------------------------------------------------------------------------------------------------------
"ඇත්තට ම මේක අතිගරු මහින්ද රාජපක්ෂ ජනාධිපතිතුමාගේ දැක්ම යටතේ ලංකාව ආසියාවේ ආශ්චර්ය කරා යන ගමන දිහෑ බලගෙන ඉන්න බැරි එවුන්ගේ කුමන්ත්‍රණයක්. මේ ගොවියෝ, සුළු වෙළන්දො, නට්ටාමිලා විදිහට රඟපාන සුළුතරය මේ රටට විරුද්ධ බලවේගයක අතකොලුවන් පිරිසක් ලෙස ක්‍රියා කරනවාද කියන සාධාරණ සැකය අපට තියෙනවා. මං ඊයෙත් මගේ ගමට ගියා. මග දිගට ම ජනතාව පාරට බැහැලා කෑ ගහලා කිව්වේ මොකක්ද? මේ ප්ලාස්ටික් කූඩ නීතිය ඉතා ම හොඳයි කියලා. හැමෝම ප්ලාස්ටික් කූඩවල එළවලු අරගෙන යනවා. මූණුවල සතුට පිරිලා. ඇයි මාධ්‍යවලින් මේවා පෙන්වන්නේ නැත්තේ. ආණ්ඩුවේ මාධ්‍යවලට ලොකු වගකීමක් තියෙනවා මේ ජනතා මතය රටට පෙන්වන්න." කෙහෙළිය රඹුක්වැල්ල

"ඇත්ත ඇමතිතුමනි, අපි දැක්කා මැනිං මාකට් එක ළඟ කිහිප දෙනෙක් කෑ ගැහුවා. මේ අය විපක්ෂයේ ආධාරකරුවෝ. ඔක්කොම කොළ පාට කමිස ඇඳගෙන හිටියේ. කිහිපදෙනෙක් ඇමරිකන් කොඩි සහිත කමිසත් ඇඳ ගෙන හිටියා. රටේ සතුරු බලවේග දතකනවා ලංකාවත් ලිබියාවක් කරන්න. එහෙම නේද ඇමතිතුමා."හඩ්සන් සමරසිංහ

"ඒක ඇත්ත. යුද්ධය ඉවර වුණාට තවම කොටි සටන අතෑරලා නෑ. මේ රටේ දේශප්‍රේමි ජනතාව සුදානම් විය යුතුයි පරිප්පුයි බතුයි කාලා හරි මේ කැරලිකාරයින් මෙල්ල කරන්න. අපේ හමුදාව ඕන දේකට සුදානම්. ප්ලාස්ටික් කූඩ අස්සේ සැඟවී එන ත්‍රස්තවාදී බලවේග අපි හඳුනාගත යුතුයි." කෙහෙළිය රඹුක්වැල්ල

Monday, December 12, 2011

උතුරට, නැගෙනහිරට දෙමළ බසින් වැඩකළ හැකි පොලිස් නිළධාරීන්- වාසුදේව

මේ රටේ පල්ල හැලිච්චි කොමියුනිස්ට් මාක්ස්වාදීන් දෙස සමාජය වපරැහෙන් බැලීම පුදුමයක් නෙමේ. මොකද මේ රට බෙදා පාලනය කිරීමේ සුද්දාගේ ක්‍රියාදාමය ඉදිරියට ගෙනි යන්න උන් බෝ කරපු ඇම්බැට්ටයෝ ටික තමා මේ.

හැබැයි උන්දැලා බෝතල් කළ වතුර නොබී අධිරාජ්‍යවාදයට බනිනවා රූපවාහිනියට ඇවිත්. දෙමළ ජනතාවට තමන්ගේ බසින් වැඩ කිරීමේ අයිතියට අපි ගරු කළ යුතුයි. ඒ සඳහා අවශ්‍ය පහසුකම් සැලසිය යුතුයි. ඒ නිසා රාජ්‍ය සේවයට දෙමළ භාෂා දැනුම විශේෂ සුදුසුකමක් කිරීම වගේ ම මේ විදිහට දෙමළ භාෂාව දන්න පොලිස් නිලධාරීන් බඳවා ගැනීමත් වැදගත්.

ඒ අය සිංහල දෙමළ මුස්ලිම් වෙන්න පුළුවන්. හැබැයි මේ අය සමස්ත රටේ පොලිස් නිලධාරීන් විදිහට ක්‍රියා කරන අය විය යුතුයි. බෙදුම්වාදයට පක්ෂපාති අය මේ සේවා සඳහා බඳවා නොගත යුතුයි. එහෙම වුණොත් අතීතය ආපහු වර්තමානය බවට පත් වීමේ අවදානමක් තියෙනවා. කොටි උතුරු නැගෙනහිර පොලිස් නිලධාරීන් 600 ගණන් මරා දමද්දි ඒ සඳහා කොටින්ට ඔත්තු සැපයූවේ බෙදුම්වාදයට පක්ෂපාතී දෙමළ පොලිස් නිලධාරීන් බව අමතක නොකළ යුතුයි.

ඒ වගේ ම දෙමළ දන්නා සිංහල පොලිස් නිලධාරීන් ද උතුරට යැවීම ඉතා වැදගත්. ඒ වගේ ම ඒ ජනතාවට ආදරයෙන් සලකන ඔවුන්ගේ අනන්‍යතාවට ගරු කරන වැදගත් මිනිසුන් මේ රාජකාරී සඳහා යැවීම වැදගත්. දකුණට දෙමළ පොලිස් නිලධාරීන් යැවීමත් වැදගත්.

අප දන්නා පමණින් දැනටමත් දෙමළ පොලිස් නිලධාරීන් 600ක් පමණ ද කොස්තාපල්වරු 1500ක් පමණ ද පොලිසියට බඳවා ගෙන තිබේ. එය ඉතා වැදගත්ය. පොලිසිය යනු තමන්ගේ ආයතනයක් ලෙස දෙමළ ජනතාවට හැඟෙන්න නම් එය කළ යුතුය. වසර 30ක් සිවිල් නීතියක් නොමැති පරිසරයක සිටි පිරිසකට සිවිල් නීතිය හඳුන්වා දීමේ දී එය ඉතා වැදගත්ය.

Wednesday, December 7, 2011

තේරීම් කාරක සභාවට ප‍්‍රධාන පක්‍ෂ නොපැමිණේ නම් ව්‍යවස්ථා සංශෝධනයක් - වාසුදේව

කාල් මාක්ස් ‍යුරෝපීය සමාජ දේශපාලනය ව්‍යුහය සලකා බලා ඒකී සංස්කෘතිය අනුව එක්තරා පරමාදර්ශී සමාජ දේශපාලන ක්‍රමයක් යෝජනා කර තිබේ. මාක්ස්වාදය නැමති මේ අදහස දේව වාක්‍යයක් ලෙස අදහන්නට වූ පිරිසක් බිහි වුයේ අප රටවලය.

සුළු ජාතික අයිතීන්, ස්වයං නිර්ණය අයිතිය ආදී කුණු හරුපවලින් මොලේ ආසාධනය වූ මේ පිරිස් හැම විට ම බලය බෙදීම වෙනුවෙන් පෙනී සිටියි. සෙසු ජාතීන් මහ ජාතියට සම්බන්ධ කර ගනු වෙනුවට ඔවුන් වෙන් කර තැබීම සඳහා විවිධ අදහස් ඉදිරිපත් කරයි. සෙසු ජාතීන්ට අවශ්‍ය වන්නේ මේ පල්ල හැලුනු වළව්කාරයින්ගේ අනුකම්පාව නොව ගෞරවය ආදරය කරුණාව බව මොවුන් වැටහෙන්නේ නැත.

බලය බෙදීම ඉඩම් පොලිස් බලතල ආදි සියල්ල දෙමළ ජාතිවාදී නායකයින් උතුරේ රජවීම සඳහා ඉල්ලා සිටින දොළ පිදේනි මිස අනෙකක් නොවේ. දකුණේ අපට පළාත් සභාවලින් ලැබී ඇති දෙයක් නැත. එහි එකම වාසිය තවත් බූරුවන් පිරිසකගේ බර ජනතාවගේ කර මත පැටවීම පමණි.

ඒත් මේ මාක්ස්වාදියෝ එදා ඉඳලා උත්තර හොයනවා. හැබැයි ප්‍රශ්නයක් නෑ. සියබලාණ්ඩුවේ සිරිසේන මාමාටයි යාපනේ සිද්ධාර්ථන් මාමටයි තියෙන්නේ එකම ප්‍රශ්න. ඒ ප්‍රශ්න විසඳන්න කළ යුත්තේ රටේ ආර්ථික තත්ත්වය ඉහළ දැමීම. හොරු නොවන ජීවත් වෙන්න යමක් කමක් ඇති පිරිසක් පාලකයින් ලෙස පත්කර ගැනීම මුලින් ම කළ යුතුයි.

රට බෙදලා කෑලිවලට කඩලා ඊනියා බලය බෙදීම් ෆෙඩරල්වලින් මේ ප්‍රශ්නවලට උත්තර සෙවීම කෙසේ වෙතත් නිය පොත්තෙන් කැඩිය හැකි දේ පොරවෙන්වත් කපන්න බැරි තත්ත්වයට පත් කරන්න නම් පුළුවන්. ඒ නිසා මේ පිස්සු විකාර පළාත් සභා අහෝසි කරලා පෙර පැවති ගම් සභා ක්‍රමය ගෙන ආ යුතුයි. එය ගම දක්වා බලය බෙදී යන ක්‍රමයක්. ඒ නිසා මාක්ස්වාදී බරවයෙන් ගැලවී මේ පොළවේ පය ගසා ජීවත් වන මිනිසෙකු මෙන් ප්‍රශ්න දෙස බැලීමට සියලු ම මාක්ස්වාදීන් හුරු විය යුතුය.

Tuesday, December 6, 2011

බස් ගැමුණු බොරු කියයි

පෞද්ගලික බස් හිමියන්ගේ සංගමයේ ගරු සභාපති තැන්පත් ගැමුණු විජේරත්න මහතා මෙදා ටොම් පචයක් ඇද බා තිබේ. ලංගම, දුම්රිය, කාර්යාල සේවා රිය, පෞද්ගලික වාහන, ත්‍රීරෝද රථ ආදි විකල්ප සේවා නිසා මගී ජනතාව දිනකට ලක්ෂයක් පමණ සිය බස් සේවා අතහැර යන බව ය. කොටින් ම කියනවා නම් මගී ජනතාවගෙන් 49%ට පෞද්ගලික බස් සේවය එපා වී තිබේ.

මෙය ටොම් පචයක් වන්නේ අන් දෙයක් නිසා නොව මගී ජනතාවට 100%න් පෞද්ගලික බස් සේවය අරහං වී ඇති නිසාය. 51%ක් පෞද්ගලික බස්වල යාමෙන් හෙළි වන්නේ ඔවුන් එය ප්‍රිය කරන බවද? ඒ අසරණයින්ට වෙන කිසිම විකල්පයක් නැති බවද?

1977 සිට ලංගමය විනාශ කර පෞද්ගලික බස් සේවය ආරම්භ කළේ අති උතුම් සද්ගුණවත් ජේ. ආර්. උතුමාය. ඒ ඉතිහාසය දන්නා මගීන් දිනපතා උදේ හවා ජේ. ආර්. උතුමාට සහ එතුමාගේ මව්පියන්ට පවා පුණ්‍යානුමෝදනා කරන බැවින් මම ඒ ගැන වැඩි යමක් නොලියමි.

කෙසේ වුව ද සිදුවූයේ ගැමුණු කියන දෙය නොව එහි සපුරා අනිත් පැත්ත ය. එනම් ඔහු පවසන පරිදි විකල්ප සේවා නිසා මගීන් බස් හැර ගියා නොව තක්කඩි අශික්ෂිත පෞද්ගලික බස් සේවය ගැන කලකිරී ජනතාව වෙනත් නේවා සොයා ගිය බවය. ඒ ඉල්ලුම සපුරාලන්නට අනෙක් සේවා බිහි වූ බවය.

මෙසේ පෞද්ගලික බස් සේවය පිරිහීමේ රෝග නිධානය හඳුනා නොගැනීම නිසා සිදුවන්නේ තව තවත් එම කර්මාන්තය ප්‍රපාතයට ඇද වැටීම පමණි. නිතරම අතීසාරයට අමුඩේ ගසන ගැමුණු ලංගම බස් ඇනිය වැඩි කිරීම පිළිබඳ වර්ජන තර්ජන කළේ වරක් දෙවරක් නොවේ. මිනිසුන් ලංගමයට ප්‍රිය කරන්නේ, දූවිලි වැකි මළ කෑ ලදරන් බස්වල එල්ලී යන්නේ එහි රියදුරු කොන්දොස්තර ළඟ තවමත් මානව ගති ඇති නිසාය.

එහෙයින් ගැමුණු කළ යුත්තේ පය බරවාට පිටිකර බෙහෙත් බැඳීම නොවේ. සිය බස්වලට ශික්ෂිත, අවම මානව ගතිවත් ඇති මිනිසුන් රියදුරන් සහ කොන්දොස්තරවරුන් පත් කිරීමය. හැමදාම කියන දිනකට මිලියන ගාණක් කප්පම් ගන්නා එවුන්ට විරුද්ධව ආණ්ඩුව ක්‍රියා මාර්ග නොගනී නම් ඊට එරෙහිව වර්ජනයක් කිරීමය.

එහෙත් ඔලුවෙන් හිට ගෙන ප්‍රශ්නය දෙස බලන ගැමුණු කරන්නේ වහාම ත්‍රිරෝද රථ ගෙන්වීම නවතනු කියා උඩු බෙරිහන් දීමය. ලංගමයට බස් නොගෙනනෙනු නැතහොත් ලංගමය විනාශ කොට මගීන් සිය මරු කටේ ලා ගැනීමට ඉඩ දෙනු කියා උඩු බිරීමය. එසේ කිරීමෙන් තව නොබෝ කලකින් පෞද්ගලික බස් දුටු තැන මගී ජනතාව ගල් මුගුරු කැට කැබිලිතිවලින් සංග්‍රහ කරන තත්ත්වයට පත්වීමේ භාග්‍ය උදා වනු ඇත.

Sunday, December 4, 2011

සාකච්ඡා හරියන්නේ නෑ – TNA

ඔයාලා කතා කළේ පලාත් සභා බලතල වැඩි කරලා ඊඝමට පලාත් සභෘ හරහා යන විදිහක් ගැනනේ. ඒ සාකච්ඡා සාර්ථක වෙන්න විදිහක් නැහැ. ඒක සාර්ථක වෙන්න දෙන්නත් බැහැ. ප්‍රභාකරන් යන්න හැදු ගමන වෙන පාරකින් යන්නයි මේ අය හදන්නේ. ඒකට අත්වැල් ගායනා කරන්න මේ ආණ්ඩුවට කිසි බලයක් නැහැ. එහෙම වුණොත් ආණ්ඩුවට අනිච්ඡාවත සංකාරා. මේ මර උගුලින් ගැලවීම පිළිබඳ මගේ උණුසුම් සුබ පැතුම් ආණ්ඩුවට.

කළ යුත්තේ ලබා දී ඇති බලතලත් අහෝසි කර පලාත් සභා නමැති සුදු අලියා ද අහෝසි කිරීමය. පලාත් සභාවකට දෙන සෑම බලතලයක් ම ඊළම තනන්නට ලබා දෙන අල්ලසක් වේ. එහෙයින් ම එසේ දෙනවුන් දේශද්‍රෝහියෝ වෙති. ලංකාවේ සුළු ජාතීන්ට මහ ජාතීන්ටත් නැති බලතල දිය යුත්තේ ඇයි?

අපි කිසි විටක ඉඩම් හෝ පොලිස් බලතල ඉල්ලා නැත. එසේ ඉල්ලන්නේ කොටි සහ කොටි අවතාර ය. එහෙයින් මේ අළු යට ඇවිලෙන කොටි ගිනි පුපුරු නිවා වනසා දමනු මිස ඒවාට රොඩු බොඩු එක් කිරීම ආණ්ඩුවේ වගකීම නොවේ.එවන් දේශද්‍රෝහී ක්‍රියාවක් කොට මේ ආණ්ඩුව සියතින් සිය ගෙළ සිඳ නොගනු ඇතැයි අපි උදක්ම බලාපොරොත්තු වෙමු. මේ ආණ්ඩුවේ පැවැත්ම තීරණය කරන ප්‍රධාන සාධකය බවට පත්ව ඇත්තේ කොටි ත්‍රස්තවාදයට බෙදුම්වාදයට එරෙහිව එකසරව නැගී සිට අභිතව සටන් කිරීම බව ආණ්ඩුවට අවබෝධ වෙත්වා!

හම්බන්තොට ඉහත්තාවේ ජීවත් වෙන දුප්පත් සිංහල මිනහෙකුට නැති යාපනේ ජීවත් වන දෙමළ මිනිසෙකුට ඇති ප්‍රශ්නය මොකක්ද? මොකුත් නැහැ. හැබැයි බෙදුම්වාදය ඔස්සේ තමන් බලතල අරගෙන පර්චස් 10 හරි රජ වෙන්න බලා ඉන්න සිංහල දෙමළ ඕනෑම ජාතිවාදියෙකුට අර මිනිස්සු දෙන්නා ම තමන්ගේ පටු අරමුණ වෙනුවෙන් පාවිච්චි කරන්න පුළුවන්. මේ දෙන්නාගේම දුප්පත්කමට ප්‍රශ්නවලට හේතුව ආණ්ඩුව කියලා කියන්න පුළුවන්.හැබැයි ඇත්ත කාරණාව වෙන එකක්.

Thursday, December 1, 2011

ප‍්‍රභූ ආරක්‍ෂකයන්ට අධිවේගය නොමිලේ . . .

"මේක ආරම්භයක් විතරයි අපේ හාමුදුරුවනේ. ඊළඟට කැබිනට් ඇමතිවරුන්ට, ඊළඟට ඇමතිවරුන්ට නොමිලේ යන්න දෙනවා. පාර්ලිමේන්තු මන්ත්‍රීවරුන්ට, පලාත් සභා මන්ත්‍රීවරුන්ට අපි ඊළඟට චාන්ස් එකක් දෙනවා. නගර සභා, මහ නගර සභා මන්ත්‍රීවරු, ප්‍රාදේශීය මන්ත්‍රීවරු ගැන වුණත් මම නොසලකා ඉන්නේ නැහැ. මම එදා කීවා වගේ අදත් කියනවා මම ඔබේ පාලකයා නොව සේවකයායි. සේවකයෝ නොමිලේ අධිවේගයේ නොගිහින් මේ රට ආසියාවේ ආශ්චර්ය කරන්නේ කොහොද? මේ රටට සේවය කරන්න නේද සේවකයෝ දහදුක් විඳගෙන වැඩ කරන්නේ? එහෙම නේද අපේ හාමුදුරුවනේ ...

ඒ නිසා ඔබ තමුන්නාන්සෙලා මේ රට ආරක්ෂා කරන ජනතාව විදිහට පොඩ්ඩක් ඉවසලා ඉන්න ඕනෑ. අපි අපේ ජනතාවටත් නොමිලේ අධිවේගී මාර්ගය බලන්න දෙනවා මීටර් 100ක් ඈතින් ඉඳගෙන. ඒ වගේ ම නියමිත ගාස්තුව ගෙවන්න පුළුවන් හැම ශ්‍රී ලාංකිකයෙකුට ම කිසිම ජාති ආගම් භේදයකින් තොරව හිතේ බයක් හැකක් නැතිව මේ අධිවේගී මාර්ගයේ යන්න අවශ්‍ය සියලු ම පහසුකම් අපි රජයක් විදිහට ලබා දෙනවා කියලාත් මම අද ඉතාම අඩම්බරෙන් කියනවා. "

ඕං ඔහොම මේ හැම එකාගේ ම ගෙදර ඉන්න බල්ලොත් ඕකේ නිකං තමා යන්නේ ඉස්සරහට. අපිට කොයින්ද පූසෝ මාලු අපි යනවයැ මූදු. අපිට ඉතින් සල්ලිත් නෑ වාහනත් නෑ. පතාළේ යාළුවෙක්වත් හිටියා නම් ප්‍රභූ ආරක්ෂකයෙක් වෙන්න තිබ්බා. අපි ආශ්චර්යය බල බල සුපුරුදු ගාලු පාරේ යනවා. එක අතකින් ඕකුන් නොයන පාරක යන්න ලැබීමත් සතුටක්නේ. හැබැයි මගේ පොඩි ආසාවක් තියෙනවා හිතේ කොනක. එකම එක පාරක් හරි ඔය පාර දිගේ ගාල්ලට යන්න. ඒ මේ මගේ රට නිසා. අද ඉඳලා ම මං කැටේකට සත පනහ රුපියල දානවා. කැටේ පිරුණාම අධි වේගය දිගේ ගාලු යනවා. ඔව් වාතයේ වේගයෙන් ඉගිල්ලිලා යනවා, මිටෙන් හළ කුරුල්ලෙක් වගේ.

යාපනයේ සරසවියේ සිංහල සිසුන් ලවා ප‍්‍රභාකරන්ගේ පින්තූරයට වන්දවලා

යාපනය අතීතයේ හැඳින්වූයේ නාගදීපය යනුවෙනි. දිවයිනේ උතුරේ ප්‍රදේශය වාසභූමිය කරගෙන විසූ සිංහලයෝ භාරත චෝල රාජ්‍යයේ බලපෑම් වැඩිවත් ම දකුණට ක්‍රමයෙන් රට මැදට සංක්‍රමණය වූහ. කලින් කල විවිධ ආක්‍රමණිකයින් උතුර පාලනය කළ ද ඒ දකුණේ ප්‍රධාන රාජ්‍යයට යටහත්වය. එසේ නොවන හැම විට ම ඊට පහර දීමට සිංහල රජවරු පසුබට නොවීය.

එහෙත් යටත්විජිතවාදී ආක්‍රමණ සමග තේසවළාමේ නීතිය සම්පාදනය කර (1707) යාපනය දෙමළ නිජබිම බවට පත්කිරීමේ ව්‍යාපෘතිය ආරම්භ කෙරිණි. එදා සිට ‍බොහෝ ද්‍රවිඩ නායකයෝ ආක්‍රමණිකයා ලබා දුන් විවිධ වරප්‍රසාදවලට ආශාවෙන් ඔවුන්ට පක්ෂව කටයුතු කළහ.

සුද්දා රට හැර යන විට රටේ පාලනය රදළ දෙමළ පවුල් කිහිපයකට පවරා යාමට ගත් උත්සාහය අසාර්ථක වූ තැන උතුරේ වෙනම රාජ්‍යයක් හදා ගැනීමේ උවමනාව පහළ විය. මන්ද බහුතර සිංහලයින් නියෝජනය කරන ආණ්ඩුවක් යටතේ තමන් පෙර විඳි වරප්‍රසාද නොලැබෙන බව ඔවුහු දත්හ. එයට අවශ්‍ය පසුතලය තේවසලමේ නීතිය විසින් තනා තිබිණි.

රජය විරෝධාර හමුදා යවා 2009 වෙල්ලමුල්ලිවයිකාල් කලපුවේ ගිල්වා දැමුයේ ඒ සිහිනයයි. එහෙත් එවන් සිහින යළි නොදකින්නට කළ යුතු දෑ මේ රජය තවමත් කර නැත. මුලින් ම කළ යුත්තේ තේසවලාමේ නීතිය අහෝසි කිරීමයි. උතුරේ බිම් තමන්ට පමණක් අයිතිය යන මිත්‍යාවට නෛතික වටිනාකමක් දීම භයානකය. එය අහෝසි කළ පසු සිංහල දෙමළ මුස්ලිම් ඕනෑම අයෙකුට උතුරේ ඉඩම් මිලයට ගත හැකිය. එවිට උතුර අපේ යැයි ඔවුන්ට කිසිවෙකුට කිව නොහැකිය.

එසේ නොකිරීම නිසා සිදුව ඇත්තේ මිත්‍යාවේ ගිලී සිටින අන්තවාදීන්ගේ බල පුලුවන් කාරකම්වලට යාපනයේ සරසවියට ගිය සිංහල සිසුන්ට මුහුණ දීමටය. එමෙන් ම 1980 දශකය පමණ වන විට යාපනයේ 40 000ක් සිහලයෝ ‍විසූහ. කිලිනොච්චියේ පමණක් 35 000ක් සිංහලයින් විසූ අතර සිංහල මහා විද්‍යාලයක් තිබිණි. එහෙත් 1987 යාපනේ අවසන් සිංහලයින් පිරිස ද ත්‍රස්තයෝ මරා දැමූහ. එහෙයින් දැන් කළ යුත්තේ නැවත ඒ ජනතා අදාළ මුල්බිම්වල පදිංචි කිරිමය. ඒ ජනතාව තවමත් යුද අනාථව තැන් තැන්වල ජීවත් වෙති.

එසේම දකුණේ සිටින අහිංසක දෙමළ ජනතාවට කිසිදු හිරිහැරයක් නොවන්නට රජය වගබලා ගත යුතුය. එනම් 1983ක් යළි උදා නොවන්නට වගබලා ගත යුතුය. මන්ද එවැන්නක සම්පූර්ණ වාසිය යන්නේ බෙදුම්වාදයට බව අවබෝධ කරගත යුතුය. අපි උතුරේ අන්තවාදයට මෙන් ම ඊට පොහොර දමන දකුණේ අන්තවාදයට ද විරුද්ධ විය යුතුමය. එය කළ හැක්කේ රජය අතීසාරයට අමුඩ නොගසා රෝග නිධානයට බෙහෙත් කළ හොත් පමණි.

Wednesday, November 30, 2011

හම්බන්තොට වරායේ ගලේ කතාව සහ මන්ත්‍රීවරුන්ට දඬුවම් දීම

හම්බන්තොට වරාය පිළිබඳ සිහිනය දුටුවේ ලෙනඩ් වුල්ෆ් මහතා. ඒ සිහිනය සැබෑ කළේ වත්මන් රජය. මේ වරායට ලෙනාඩ් වුල්ෆ් වරාය කියලා දැම්මා නම් අගෙයි. ඒ වුණාට ඉතින් මේ රටේ ඉන්නවා කේවට්ටයෝ ටිකක් ටිකක් ලොකු කක්කුස්සියක් හැදුවත් ඒ මහින්ද රාජපක්ෂ කක්කුස්සි සංකීර්ණය කියලා දාන්න ඕන කියලා හිතන ගොයියෝ ටිකක්. ජනාධිපතිතුමාත් ඉතින් පෘථග්ජන මනුස්සයානේ.

වරාය හදපු ගමන් විපක්ෂය කීවේ වරායේ ගලක් තියෙනවා කියලා. ආණ්ඩුව කීවේ මේ ඉරිසියාවට කියන කතා කියලා. විපක්ෂය මේ ගල දැක්කේ වරායට වතුර පිරෙව්වාට පස්සේ. ඇත්තට ම සැබෑ විපක්ෂයක යුතුකම ආණ්ඩුව කරන කටයුතු අධීක්ෂණය කරමින් වරද නිසි අවස්ථාවේ පෙන්වා දී ඒක නිවැරදි කිරීමනේ. ඒත් අපේ විපක්ෂය ඉන්නේ ගහෙන් ඇන්න මිනිහාට අනින්න බලා ගෙනනේ.

ඔන්න කොහොම හරි ආණ්ඩුව නෑ කීව ගල ආණ්ඩුව විසින් ම පුපුරුවලා. මේ ගල වතුර පුරවන්න කලින් පිපිරෙව්වේ නැත්තේ ඇයි කියලා මට තේරෙන්නේ නැහැ. මේක වතුරේ පුපුරුවන වර්ගයේ ගලක් වෙන්න ඇති කියලා මම හිත හදා ගත්තා. එහෙම නැත්නම් වරාය බඳින්න කලින් වතුර පුරවන්න කලින් මේ ගල නොතිබෙන්න ඇති. වතුරට ගහ ගෙන ආපු එකක් වෙන්නත් ඇතිනේ දෙයියනේ. සුවල්ප වතුරක් යැ ආවේ මුහුදෙන්.

දැන් ඉතින් විපක්ෂයට හරි ම සතුටුයි. මොකද ආණ්ඩුවට කෙළ වුණා කියලා. මේකට වියදම් වුණු ධන සම්භාරය ගැන සැබෑ කැක්කුමක් ඇති එක මිනිහෙක් හිටියේ නැද්ද අහන්න "ඇයි ගොන් තඩියෝ උඹලා මේ ගලක් වටේ බැම්මක් බඳින්නේ? උඹලා හදන්නේ මූදු පතුළේ ගල් කොරියක් දාන්න ද?" කියලා. ඒ නිසා මේ වරද කළ ආණ්ඩුවටවත් එය නිසි කල පෙන්වා නොදුන් විපක්ෂයටවත් බෑ තමන්ගේ වගකීමෙන් පැනලා යන්න. අශ්වයා ගියාම ඉස්තාලය වහන්න විපක්ෂයක් ඕන නැහැ.

යම් වරදක් කරන්න කලින් පෙන්වා නොදී වරද කළා ම ඇඟිල්ල දිගු කරලා වැඩක් නැහැ. නැව් එන්න බැරි වුණා ම ඕන ම ගොනෙකුට තේරෙනවා මේක. හැබැයි ආණ්ඩුවට නම් ඒත් ‍තේරුණේ නැහැ. ඒ ආණ්ඩුවේ ඉන්නේ ගොන්නු නොවන නිසා වෙන්න ඇති කියලා මං හිත හදා ගන්නම්. මට මතක් වුණේ මහදැනමුත්තා අර එලුවා බේර ගනිපු කතාව.

ඒක නෙමේ ජනාධිපතිතුමා කියලා තියෙනවා විනය විරෝධි ලෙස හැසිරෙන මන්ත්‍රීවරුන්ට දඬුවම් කරනවා කියලා. මාත් එක්ක අපේ ගෙදර ප්‍රවෘත්ති බල බල හිටිය එකසිය දහය (හා කලබල වෙන්න එපා ඒ අපේ බල්ලාගේ නම) පැන්න ගමන් අහපි "එතකොට ඔබතුමාගේ උපදේශක මරපු මන්ත්‍රීතුමාට මොනවාද කරන්න ඕන අතිගරු ජනාධිපතිතුමනි?" කියලා. විනය විරෝධි ලෙස හැසිරෙන විපක්ෂයේ මන්ත්‍රීවරුන්ට වෙන්න ඇති මේක කීවේ කියලා ඌට තේරෙන එකක් යැ.

ඔන්න කිව්වා වගේ ම සරණ ගුණවර්ධන නියෝජ්‍ය ඇමතිතුමාට සතියක් පාර්ලිමේන්තුව තහනම් කරලලු. ඕකට ගියත් වැඩක් නැති එකේ දැන් එතුමාට සතියක් කොහේ හරි වන්දනා ගමනක් යන්න පුළුවන්. හැබැයි මම කිසිම මාධ්‍ය වාර්තාවක දැක්කේ නෑ සරණ ගුණවර්ධන මේ ගැටුමට සම්බන්ධ වෙලා ඉන්නවා.

එතන හිටියේ කවුද කියලා රට ම දන්නවා. මර්වින් සිල්වා මහත්තයා නම් කීවා අතපය විසිවුණා කියලත්. මම නම් එතුමා දැක්කෙත් නෑ. මට මතක් වුණේ අර කැකිල්ලේ රජ්ජුරුවෝ හංදියේ කඩේ මුදලාලි අලියා ලවා පාගපු කතාව. නිකරුණේ අලියාට රිද්දන්න බෑනේ. ඒ නිසා හොඳට මස් තියෙන එකෙක් එපායැ පාගවන්න.

Tuesday, November 29, 2011

ෆොන්සේකා නිදහස් කළ යුත්තේ ඇය?

ෆොන්සේකා නිදහස් නොකලොත් යුධ අපරාධ චෝදනා ගේනවා – ඇමරිකාව

ඇමරිකානු විදේශ ප්‍රතිපත්තියේ නිරුවත මැනවින් පිළිබිඹු කළ අවස්ථාවකි මේක. මානව හිමිකම්, ප්‍රජාතන්ත්‍රවාදය, මාධ්‍ය නිදහස වගේ විවිධ මාතෘකාවලින් සරසලා ලෝකයට වහං කරන මේ කැත හෙළුව කෙතරම් බිහිසුණු ද ත්‍රස්තවාදී ද අමන ද කියලා අවබෝධ කරගත යුතුයි.

මේ රටේ නීතියට බලපෑම් කරන්න ඇමරිකාවට අයිතියක් නැහැ. ජනතාව ලබා දී ඇති පරමාධිපත්‍ය බලය ආණ්ඩුව අත්තනෝමතික ලෙස භාවිත කරනවා නම් එයට ජනතාව පිළිතුරු සපයනු ඇත. අයුක්තිය හමුවේ ජනතාව නිහඬව නොසිටිනු ඇත.

අනෙක් අතට සැබවින් ම යුද්ධයේ දී මානව හිමිකම් කඩවිනි නම් කළ යුත්තේ ෆොන්සේකාගේ හිර දඬුවමට එම වරද හිලව් කිරීම ද? එසේ කිරීමෙන් උක්ත වරද නිවැරදි වේද? මානව හිමිකම් කඩ කළවුන්ට දඬුවම් ලැබේද? අසාධාරණයට ලක්වුවන්ට ඉන් සිදුවන යහපත කුමක්ද?

මින් අපට නම් මනාව ප්‍රත්‍යක්ෂ වන්නේ ඇමරිකාව ප්‍රමුඛ බටහිර රටවල් මානව හිමිකම්, ප්‍රජාතන්ත්‍රවාදය, මාධ්‍ය නිදහස ආදී විවිධ වචන සංකල්ප ගණිකා වෘත්තියේ යොදවමින් අන්‍ය රටවලට ඇඟිලි ගසන පාදඩ විදේශ ප්‍රතිපත්තියක් අනුගමනය කරන බවයි. ඔවුන් මේ සාධු සංකල්ප වෙනුවෙන් පෙනී සිටින්නේ යුක්තිය සාධාරණය ඉටු කරන්නට නොව ඇවිලෙන ගින්නෙන් සුරුට්ටු පත්තු කරන්නටය. බොර දිය මාලු බාන්නටය.

මේ බොරු සටන් පාඨ නිර්මාණය වීමට වර්තමාන රජය ද වගකිව යුතු ය. මේ රජය බටහිර ගැති යැංකි පංකි රජයක් නොවන නිසා ඇමරිකාව ප්‍රමුඛ බටහිර රටවල් ඉතා ම සුළු දෙයට පවා ඇඟිල්ල දිගු කිරීමට බලා සිටින බව රජය තවමත් අවබෝධ කර ගෙන නැත.

2009 ලක්ෂ 18න් ජනතාව විසින් පරාද කළ ෆොන්සේකාට අද ජනාධිපතිට බිය වන්නට කිසිදු කාරණයක් නැත. එදා අභීත යුද විරුවා ලෙස අප සිත් පොබ කළ ෆොන්සේකාට තමන් හා තරඟ වදින්නට ඔහුගේ මාණ්ඩලික ප්‍රධානී ධූරයේ ඉල්ලා අස්වීම නොබියව භාර ගත් මහින්දට අද ඇති ප්‍රශ්නය කුමක්ද?

එදා කළ නොහැකි වූ දේ අද ඔහු කෙසේ කරන්න ද? එදා සිටි අපාය සහාය මිත්‍රයෝ ටිකවත් අද ඔහු වටා නැත. ජවිපෙ පවසන පරිදි 2004 පමණක් නොව 2009 සන්ධානගත වීම ද වරදකි. එය ඔවුන් යළි නොකරන බව ද පවසා තිබේ. කළ ද ජවිපෙ දැන් තවත් ත්‍රීවිල් පක්ෂයකි. එජාපය තුළ නියෝජ්‍ය නායක තනතුරකින්වත් ෆොන්සේකාට නොසලකන බව නිසැකය.

කළ යුත්තේ විදෙස් සමුළුවකට යන බව පවසා සිංගප්පූරු සාප්පු සවාරි ගොස් එතනින් හිර ගෙදරට ගිය මහනුවර හිටපු නගරාධිපති නිදහස් කළ කුප්‍රකට විධායක බලය පාවිච්චි කර ෆොන්සේකා නිදහස් කිරීමය. එසේ නිදහස් නොකිරීම මගින් ආණ්ඩුව ෆොන්සේකාට මහජන අනුකම්පාව දිනා ගැනීමේ මගක් පාදා දී තිබේ. එය ඔහුට කරන යහපතකි. එහෙයින් වහාම ඔහු නිදහස් කළ යුතුය. ඔහුට කළ හැකි කෙං ගෙඩියක් නැත. ෆොන්සේකා නිදහස් කළ යුත්තේ ඇමරිකාව කියන නිසා නොව උක්ත කරුණු නිසා ය.

Saturday, November 26, 2011

TNA ඉල්ලීම් දෙසම්බර් 31ට පෙර දිය යුතුයි – රනිල්

TNA ඉල්ලීම් ඉටු කරන්න මේ ආණ්ඩුව බැඳිලා නැහැ. ඒ වගේ ම ජාත්‍යන්තරයේ ඉල්ලීම් ඉටු කරන්නත් මේ ආණ්ඩුව බැඳිලා නැහැ. හැබැයි මේ ආණ්ඩුව පත් කළ ජනතාවගේ ඉල්ලීම් ඉටු කරන්න ආණ්ඩුව වග බලා ගත යුතුයි.

මේ රටේ ඈත පිටිසර සිංහල මිනිස්සුන්ට මුහුණ පාන්න වන ප්‍රශ්න ම අඩු නැතිව ඈත පිටිසර දෙමළ මිනිස්සුන්ටත් තියෙනවා. ආණ්ඩුව ඒ ප්‍රශ්නවලට විසඳුම් දිය යුතුයි. රටේ සිංහල දෙමළ භේද නැතිව ජීවත් විය හැකි පරිසරයක් නිර්මාණය කළ යුතුයි.

TNA එක සැබෑ දෙමළ ජනතාවගේ ප්‍රශ්නවලටයි විසඳුම් සෙවිය යුතු. ඔවුන් යටත්විජික සමයේ සිට දිනා ගන්න උත්සාහ කළ ස්වයං රාජ්‍ය පිළිබඳ හෝ ෆෙඩරල් රාජ්‍ය පිළිබඳ කතා කොට පලක් නැහැ. අපි ඒ සටන වෙල්ලමුල්ලිවයිකාල්වලදී දිනුවා.

කොටි විතරක් නෙමේ රනිල්, රවි, ජයලත්, මංගල, බාහු, සුනන්ද, නිමල්කා සහ ඊනියා ජාත්‍යන්තර ප්‍රජාව රටක් එකතු වෙලා පරාද කළා. නැවත බෙදුම්වාදයට ඉඩ දිය යුතු නැහැ.

ඒ වගේ ම රනිල් වික්‍රමසිංහගෙත් යුතුකම තමන්ගේ ඡන්දදායකයින්ට ඇහුම්කන් දීලා දැන්වත් ඔය පුටුව අතෑලරා දාන එක. කෙනෙක් නැහැ තමා. ඉතින් ඔබතුමා හිටියත් නැහැ වගේ තමා.

තමන්ගේ පක්ෂයේ ප්‍රශ්න විසඳගන්න බැරිව ආණ්ඩුවට රටේ ප්‍රශ්න විසඳන්න උපදෙස් දෙන්න යනවා. පේන්නේ නැද්ද ඇහේ තියෙන පරාලේ?

Friday, November 25, 2011

දෙමල ඩයස්පෝරාව සතුරන් නෙමෙයි, අපි එකට වැඩ කරන්නයි හදන්නෙ - ජී. එල්. පීරිස්

ජී.එල්.පීරිස් එදා ප්‍රංශයෙන් ආනයනය කළ චන්ද්‍රිකා එක්ක එකතු වෙලා පැකේජ් හදපු, ෆෙඩරල් වෙනුවෙන් කටයුතු කළ යුගයට සාපේක්ෂව අද එතුමා ඉන්න තැන පිළිබඳ මම සතුටු වෙනවා.

අද එතුමා රටේ ඒකීයත්වය වෙනුවෙන් කටයුතු කරනවා. රට වෙනුවෙන් පෙනී සිටිනවා. එතුමා නායකත්වය අනුව හෝ ජන මතයට හෝ වෙනස් වෙලා තියෙනවා.

අපිට අතීතය පිළිබඳ අමතක කරලා එතුමාගේ වර්තමාන ක්‍රියා කළාපය අගය කරන්න පුළුවන්. ටැමිල් ඩයස්පෝරාව වුණත් වහාම යථාර්ථයට ගමන් කරාවි. ඔක්කොම නැතත් වැඩි පිරිසක්. අපි ඒ පිරිස සමග අත්වැල් බැඳ ගතයුතුයි.

රට වෙනුවෙන් රටේ අනාගතය වෙනුවෙන් එය කළ යුතුයි. සදාතනික වෛරයකින් පළක් නෑ. මට පෞද්ගලිකව නම් කිසිම මනුස්සයෙක් එක්ක තරහක් වෛරයක් නැහැ. කිසිම ආගම් ජාති භේදයකින් තොරව සමගියෙන් ඉන්න පුළුවන් රටක් මගේ හීනය.

හැබැයි මගේ රට මට හැම දේට ම වඩා උතුම්. අපේ සංස්කෘතිය, ආගම, හර පද්ධති අපේ අනාගත පරපුර වෙත දායාද කිරීමේ වගකීම අපට තියෙනවා. ඒවාට තර්ජනයක් වෙන්න නම් කාටවත් ඉඩ දෙන්න බැහැ.

අපි මිත්‍රත්වයේ හස්තය දිගු කරද්දි ටැමිල් ඩයස්පෝරාව ඒක උණුසුම් හැඟුමින් පිළිගනී නම් එහි කවර වරදක් ද? විය යුත්තේ ද එයමය. අප සහ ඔවුන් අතර ඇති අවිශ්වාසය දුරු කළ යුතුය. ඒ සඳහා ඔවුන්ට අනුකම්පාව නොව ආදරය රැකවරණය අප ලබා දිය යුතුය. එකිනෙකා දෙස ගෞරව බහුමානයෙන් බැලිය යුතුය.

එහෙම නැතුව මළ අතීත මිනී වළක ළැග ගෙන ඕක එදා මේක කළා අරක කළා කියමින් තව තවත් වෛරය අවිශ්වාසය වැපීරීම රටට කරන හතුරුකමක්. ද්‍රෝහීකමක් නැහැ ඊට වඩා, රටට කළ හැකි.

Wednesday, November 23, 2011

විදෙස් කොටින්ගෙන් දෙමළ සන්ධානයට අප‍්‍රසාදය, එජාපයට ප‍්‍රසාදය

මෙතනදී එජාපය ගැන කතා කළ යුතු නැහැ. රවි, ජයලත් වගේ අය වැඩ කරන්නේ කා වෙනුවෙන් ද අද එජාපය පිනවන්නේ කවුද කියලා අපි දන්නවා. දැන් අනෙක් අයත් දැනගත්තා. රටේ හතුරෝ ප්‍රසාදය පළ කරන්නේ කාටද කියලා කිව යුතු නැහැනේ.

දෙමළ සන්ධානයට බැණ වදින ටැමිල් ඩයස්පෝරාව එජාපයට මල් මිටක් පුදන්න අමතක නොකරන්නේ ඔවුන්ගේ මනදොළ සැපිරුවේ එජාපය නිසා. එදා 2009 ෆොන්සේකා වෙනුවෙන් උතුරු නැගෙනහිර ඡන්ද ලබා දුන්නේ ටැමිල් ඩයස්පෝරාව සහ එජාපය සහ දෙමළ සන්ධානය එකතු වෙලා. එදාත් ඔවුන් රටේ හතුරා කවුද කියලා හඳුනා ගත්තා. අදත් එහෙමයි. ඒ නිසායි එජාපයට මේ මල් මිට.

මට වැදගත් වෙන්නේ දෙමළ සන්ධානය මේ වැදගත් අවස්ථාවේ මහත්වරු ලෙස හැසිරීම. ඔවුන් නියම මහත්වරු විදිහට අය වැයට ඇහුම්කන් දුන්නා විතරක් නෙමේ ජනාධිපතිවරයාගේ සම්ප්‍රදායානුකූල තේ පැන් සංග්‍රහයටත් පැමිණියා. ඔවුන් ටැමිල් ඩයස්පේරාව සන්තර්පණය සඳහා උත්සාහ නොගත් නිසා තමා උදහස. මම හිතන්නේ දෙමළ සන්ධානය වහාම ටැමිල් ඩයස්පෝරාවෙන් වෙන්ව ස්වාධීනව වැඩ කළ කිරීම ආරම්භ කළ යුතුයි. එය පහසු නැහැ. කොහොම වුණත් වලිගයට බල්ලා නටවන්න ඉඩ දීම ප්‍රඥා ගෝචර නැහැ.

මේ විදිහට දෙමළ සන්ධානය හැසිරුණේ සමහර විට ඉතිහාසයේ පළමු වතාවට වුණා වෙන්න ඇති. අපි වරදට විරුද්ධව කතා කරනවා වගේම හොඳක් කළා ම ඒක අගය කරන්නත් නිහතමානි විය යුතුයි. ඒ නිසා මම ඒක අගය කරනවා. මේක රටේ අනාගතය පිළිබඳ සුබ පෙර නිමිත්තක් විදිහටයි මම දකින්නේ.

ඒ සුබ නිමිත්ත විදෙස් අගුපිල්වල ඉන්න අයට සුබ නැහැ. මොකද ඒ රටවලින් ලැබෙන පහසුකම් අඩු වෙයි කියලා ඔවුන් බයයි. ඔවුන් දැන් වසර 30-40ක් ඉන්නේ රටින් පිට වර්තමාන රටේ තත්ත්වය පිළිබඳ අවබෝධයක් නැහැ.

අනෙක් අතට ඔවුන්ට අවශ්‍ය මේ රටේ අරගලවලට මුවා වෙලා ඒ රටවලින් ලැබෙන වරප්‍රසාද භුක්ති විඳින්න පමණයි. එසේ නොමැති නම් ඔවුන් කළ යුත්තේ එජාපයට ප්‍රසාදය පළ කිරීම නොව දෙමළ සන්ධානයට සිය ප්‍රසාදය පළ කිරීම සහ සුබ පැතීම. රජය සමග සහයෝගයෙන් වැඩ කොට දෙමළ ජනතාවගේ යහපත වෙනුවෙන් වැඩ කිරීමට දෙමළ සන්ධානය දිරි ගැන්වීමයි සැබෑ දෙමළ ජනතා ප්‍රේමීන් කළ යුත්තේ.

ඉතිහාසය නිවැරදි කෙරේ, රාජ ද්‍රෝහීන් ජාතික වීරයන් වේ

එවකට පැවැති සුදු ආණ්ඩුවට එරෙහිව කැරලි ගැසීමේ චෝදනාවට දේශප්‍රේමීන් 177 දෙනෙකුට රාජද්‍රෝහී චෝදනාව එල්ල විය. 1948 අප නිදහස ලැබුවද මෙතෙක් පහළ වූ කිසිදු ආණ්ඩුවකට එම වරද නිවැරදි කිරීමට නොසිතිණි.

සුද්දා ද්‍රෝහී ලේබලය අලවන්නේ යමෙක්ද ඔහු සිය රටට ආදරය කරන පුද්ගලයෙකි. සුද්දාගේ සම්මාන වනාහි සුද්දාට ගැතිකම් කිරීම නිසා ලැබෙන මස් කටුවකි. නැතහොත් කපන්න බැරි අත සිඹීමකි. අපේ රටේ නම් පළමු වර්ගයේ සම්මාන ලාභීන් ගැන මිස දෙවැන්නන් ගැන අසන්න නොලැබෙත්.

අප සැබෑ නිදහස ලැබුවේ 2005 බැව් සනාථ කරමින් දැන් ඒ වරද නිවැරදි වී තිබේ. මේ පිරිස සැබවින් ම දේශප්‍රේමී පිරිසකි. ඔවුන් එරෙහිව නැගී සිටියේ තම රට උපායෙන් යටත් කරගෙන නොපනත් කම් කළ සුදු පාලකයින්ට විරුද්ධවය. ඔවුන් සටනින් පරාද වූ බව සැබෑය. එහෙත් ඔවුන් අප සිත්වල සදාතනික වීරයෝ ය. වීරයින් උපදින්නේ ජයග්‍රහණයෙන් නොව අරමුණ මතය.

එමෙන්ම වීරයා වනාහි කිසිදා ද්‍රෝහියෙකු නොවේ. දේශප්‍රේමියකු ලෙස වරක් පුද ලද්දෙකු සතුරා හා එක් වේ නම් කලින් ලද පිදීම් එසැනින් අහෝසි වෙයි. ඔහු වීරයෙකු ලෙස ලියා තැබුව ද අනාගතය විසින් ඒ ඉතිහාසය වෙනස් කරනු ඇත. කවර විරුවෙකු වුව ද රටේ සතුරන් සමග ගිවිසුම් ගසයි නම් ඔහු වීරයෙකු නොවේ. නියම ද්‍රෝහියෙකි. වීරයා ලේබලයට මුවා වී කිසිවෙකුට රටට ද්‍රෝහී විය නොහැකි ය. ඔහු වීරයෙක් නම් දොන් ජුවාන් ධර්මපාල ද දොන් ජුවාන් වික්‍රමසිංහ ද ජාතික වීරයින්ගේ ලැයිස්තුවට යා යුතු ය.

Tuesday, November 22, 2011

මන්ත‍්‍රී පවුලත් රක්‍ෂණයට වසරකට ලක්‍ෂ 70ක්

මේ පාර ආණ්ඩුව ටිකක් දුර දිග හිතලා වගේ. මේ පාර්ලිමේන්ත්‍තුවේ ඉන්න සමහර එවුන් පවුල් පන්සල් පිටින් රක්ෂණය කරන එක හොඳයි. මොකද එවුන් කරන නොහොඹිනා වැඩ නිසා ජනතාව කවදා හරි මුන්ට ගහනවා පවුල් පිටින් පන්න පන්න.

ඉස්සර කොටි හිටි නිසා 'මේ කාලකන්නි කොටියා ම කාපිය' කියලා ජනතාව ඉවස ගෙන හිටියා. මුන් රටේ උත්තරීතර තැනක හැසිරෙන්නෙත් උන්ගේ පුතාලා නයිට් ක්ලබ් ගිහින් හැසිරෙනවා වගේ.

අනෙක මුන් වැඩි හරියක් පාර්ලිමේන්තු යන්නේ බොක්සිං මල්ලව පොර සූමෝ වගේ ක්‍රිඩා කරන්න මිසක් රට පාලනය පිළිබඳ තීන්දු තීරණ ගන්න නෙමේනේ. ඡන්දේ කාලෙට අනෙක් පක්ෂවල එවුන් එක්ක විතරක් නෙමේ තමන්ගේ එවුන් එක්කත් මරා ගන්නවා. ඒක ජනාධිපතිවරණයේ ඉඳලා ගමේ සමූපකාර ඡන්දය දක්වා යනවා. ඉතින් රක්ෂණය අනීවාර්යයි.

රට පාලනය පිළිබඳ තීන්දු තීරණ ගන්න වැදගත් වැඩකට ගියා නම් රටේ ජනාධිපති පාර්ලිමේන්තු ඇවිත් රටේ ඊළඟ අවුරුද්දේ අයවැය, ඒ කියන්නේ ආර්ථික සැලැස්ම ඉදිරිපත් කරද්දි බෝඩ් එකයි සරමයි උස්ස ගෙන කෑ ගහවිද?

අදාළ සාකාච්ඡාවට කිසිම සම්බන්ධයක් නැති ෆොන්සේකා ගැන කියවාවිද? බල්ලො පොරකනවා වගේ ඕක ඇතුළේ පොරකාවිද? අපිට ගැහුවා කියලා මාධ්‍ය සාකච්ඡා තියාවිද? රූපවාහිනියේ ගෑණු මළ මුත්‍ර ගහලා එළවපු එක්කෙනා ඇවිත් පුරසාරම් දොඩාවිද?

දැන් පාර්ලිමේන්තුව තනිකර යක්ෂ පිටියක්. රජ කරන්නේ කැලෑ නීතිය. බලය ඇති එකා දුබලයාට ගහනවා. ගුටි කාපු එකා බලයට ආපු ගමන් පළිගන්නවා. සුද්ද කරන විදිහට හැම එකම කරන මුන්ට ඇයි බැරි එංගලන්තේ පාර්ලිමේන්තුවෙත් මෙහෙම ද කියලා පොඩ්ඩක් හොයලා බලන්න?

අට පාස් නැති හොර තක්කඩි මැරයින්ටත් නාම යෝජනා දෙන පක්ෂ වගේ ම ඒ ලයිස්තුවේ ඉන්න ජරාම එවුන් ටික පාර්ලිමේන්තුවට තෝරා යවන එවුනුත් මේකට වග කියන්න ඕන. මෙහෙම ගිහින් කවදා හරි මුන්ට ජනතාව වග කියාවි. ඒ නිසා රක්ෂණය කළ එක හොඳයි. තමන්ගේ ආරක්ෂාව තමන් සපය ගන්න එපායැ.

1977 පස්සේ තමා මේ තරම් ජරාජීර්ණ තත්ත්වයට රට පිරිහුණේ. 77 අවගමනයේ හැරවුම් ලක්ෂය පේන තෙක් මානයක නම් නැහැ.


Monday, November 21, 2011

ෆොන්සේකාගේ නඩු තීන්දුවෙන් ජනතා විශ්වාසය බිඳුනා - තිස්ස අත්තනායක

ෆොන්සේකා වරදක් කළා. එයා කටකතා පැතිරෙව්වා. ඔය ෆෙඩ්‍රිකාලාගේ පත්තරේ ඒ ජනාධිපතිවරණ කාලේ වැඩ කළේ ෆොන්සේකා වෙනුවෙන්. සතියකට රු. ලක්ෂ දහයක් එජාපයෙන් ෆෙඩ්‍රිකාලාට දුන්නා.

ඔය කට කතාව ෆොන්සේකා කීවෙත් ෆෙඩ්‍රිකාලා ලීවෙත් ගෝඨා ද්‍රෝහියා කරලා ෆොන්සේකා වීරයා කරලා ජනාධිපති කරන්න. අන්තිමට දිට්ඨධම්මවේදනීය කර්මය පඩිසන් දුන්නා.

වරද රාජද්‍රෝහී වීම නෙමේ ජනතාව නොමග යවන කටකතා පැතිරවීම. මේ කතාවෙන් ශවෙන්ද්‍රගේ නම අයින් කරන්න මංගල සමරවීම, අනුරකුමාර උත්සාහ කළත් ශවේන්ද්‍ර එක්ක තියෙන වෛරය නිසා ෆොන්සේකා ඒකට විරුද්ධ වුණා.

කරන කලට පව් මීරිය මී සේ කියන්නේ ඕක තමා. ෆොන්සේකා හමුදාපති කාලේ එයාට සුදු වෑන්වලින් ඇවිත් මීනී මරනවා කියලා චෝදනා කළේ රනිල්. ෆොන්සේකා ගැලවීමේ හමුදාවටවත් සුදුස නෑ කියලා කීවේ මංගල. මේ දෙව්දත්ලා ටික තමා එදා ජාතියේ වීරයෙක් වුණු මේ මනුස්සයා විනාශ ක‍ළේ. අනිත් එවුන් ජවිපෙ.

ඊට පස්සේ එයාගේ රංගනය දේශප්‍රේමයෙන් දේශද්‍රෝහීත්වය ගියා. පහුගිය විකිලීක්ස් පණිවිඩවලින් අනාවරණය වු පරිදි ෆොන්සේකා සම්බන්ධන් එක්ක ගිවිසුම් ගැහුවා. ෆොන්සේකා දිනුවාම උතුරු නැගෙනහිර ඒකාබද්ධ කරනවා, එහේ හමුදාව අයින් කරනවා, කොටි නිදහස් කරනවා, ඉඩම් බලතල දෙනවා කියලා ගිවිසුම් ගැහුවා. එහෙම අශුද්ධ ගිවිසුම් දිනූ රට පාව දෙන්න පුළුවන් ද සැබෑ දේශප්‍රෙමියෙකුට. දේශප්‍රේමියෙක් වුණත් එහෙම ගිවිසුම් ගහන්න එයා තනියම දිනපු එකක් නෙමේ.

මේ රටේ සියලු දේශප්‍රේමීන් එක්වෙලා දිනපු යුද්ධයක් මේක. ෆොන්සේකා යුද හමුදාපති විතරයි. තව නාවික ගුවන් හමුදාපතිවරු හිටියා. සිවිල් ආරක්ෂක බලකාය, පොලිසිය තිබුණා. ඒ හැමෝටම අණ දුන්නේ ජනාධිපති සහ ආරක්ෂක ලේකම්. මේ හැම දේටම වඩා ඉහළින් තිබුණේ මේ රටේ දේශප්‍රේමී ජනමතය.

ඒ ජනමතය තමා මේ හැම දෙයක්ම නිර්මාණය කළේ. ඒ ජනමතය නිර්මාණය ක‍ළේ මේ රටේ දේශප්‍රේමී බුද්ධිමතුන් සහ මහ සංඝ රත්නය. ඒ නිසා මේක කාගෙවත් තනි බුක්තියට ලියා ගන්න පුළුවන් දෙයක් නෙමේ. සමස්ත රටේ ජයක්. ඒ ජය තනියම අයිති කරගන්න දේශද්‍රෝහී රංචුවක් එක්ක ගිය ගමතක කෙළවර තමා මේක.

Thursday, November 17, 2011

දරුස්මාන් කමිටුව ශ‍්‍රී ලංකාවට කැඳවිය යුතුයි – රොහාන් ගුණරත්ත

මේ රටේ මෑත අතීතයේ හතු පිපෙන්නා සේ දේශප්‍රේමීන් බිහි විය. ඒ මේ රටට ආදරය කරන මිනිසුන් එක් වී ලබා ගත් ජයග්‍රහනයේ විවිධ පියවරවලදී ය. සමහරු මාවිල්ආරු සොරොව්ව ළඟ ද තවත් සමහරු කිලිනොච්චියේ දී ද තවත් සහමරු පුදුමාතලන්වලදී ද දේශප්‍රේමී හැව දා ගත්හ. මෙසේ දේශප්‍රේමී හැවට මුවා වූ බොහෝ දෙනා පරගැති පරාධීනයෝ ය. මෙහි කතානායකයාගේ භූමිකාව කුමක් ද යන්න නැවත නැවත කිව යුතු නැතැයි නොසිතමි.

දැන් මේ බම්බු වාර්තාව හදලා ඉවරය. උන් උන්ගේ මතය කියලාත් ඉවරය. අහවල් බම්බුවකට ද දැන් එවුන් ලංකාවට ගේන්නේ දැයි අපට නම් සිතාගත නොහැකිය. මට ඔය ආචාර්ය පට්ටමක් නැති නිසා විය හැකිය. ඔයා ජාත්‍යන්තර ත්‍රස්තවාදී මහාචාර්ය වෙන්න පුළුවන්, මේක නම් මොන්ටිසෝරි ටෝකක් කියලයි මට හිතෙන්නේ.

මේ ආණ්ඩුව නොදන්න දේවල් තියෙනවා. ඒ තමා දුර සිටින හතුරාට වඩා ළඟ සිටින මිතුරාගෙන් පරිස්සම් විය යුතු බව. ඒත් අශ්වයා ගියාම ඉස්තාලයේ වහන්න අපේ අය හරි දක්ෂයි. දරුස්මාන් උන්නැහේ ලංකාවට වඩම්මලා අපට ලබා ගත හැකි දේ නම්,
1. දරුස්මාන් උන්නැහේගේ වාර්ථාවට නිල පිළිගැනීම ලබා දීම.

2. එය එ.ජාතීන්ගේ නිල වාර්තාව ලෙස පිළිගැනීමට දැන් කිසිදු බාධාවක් නැතැයි බෑන් කී මූන් ලවා ප්‍රකාශ කරවා ගැනීම.

3. මේ බොරුවට නිදා ගෙන සිටින දරුස්මාන් උන්නැහේගේ ඇහැරවීමට රට පුරා කැන්දා ගෙන යාමට රටේ මුදල් මිලියන 56-60ක් වියදම් කළ හැකි වීම.

4. දරුස්මාන් උන්නැහේගේ සමග ප්‍රවෘත්ති සාකච්ඡාවකට එකට ලැගීමට අපේ ඇතැම් මැති ඇමතිවරුන්ට ඉඩ ප්‍රස්ථා ලැබීම.

5. රටෙන් පිට වී ගොස් පැය කිහිපයකින් අපේ වාර්තාව ඉතාම නිවැරදිව ශ්‍රී ලංකාවේ පැවති තත්‍ත්වය විග්‍රහ කර ඇති බවත් ඒ අනුව කටයුතු කිරීම ලංකා රජයේ වගකීම බවත් ඒ සඳහා ජාත්‍යන්තර ප්‍රජාව බලපෑම් කළ යුතු යැයි දරුස්මාන් උන්නැහේගේ ප්‍රකාශ කිරීම.

6. කෙහෙළිය රඹුක්වැල්ල මහතා මාධ්‍ය සාකච්ඡාවක් කැඳවා “අපි ඇත්තට ම රජයක් විදිහට කනගාටු වෙනවා දරුස්මාන් මහතාගේ ප්‍රකාශය සම්බන්ධයෙන්. මොකද අපි රජයේ පූර්ණ අනුග්‍රහය යටතේ එතුමාට උතුරු නැගෙනහිර පවතින සැබෑ තත්ත්වය පෙන්නුවා. කොහොම වුණත් අපේ මිත්‍ර රටවල් සමග අපේ තානාපති සේවාය යොදා ගෙන මේ වාර්තාවේ ව්‍යාජ බව ලෝකය ඉදිරිය සනාථ කරන්න අපි සියලු පියවර ගන්නවා” සිංහනාද කිරීම.

සිදුවන්නේ මේ ටික බැවින් රජයේ වගකීම වන්නේ සිය තානපති සේවය, රාජ්‍ය තාන්ත්‍රික සබඳතා, විදෙස් මිතුරන් යොදා ගෙන දරුස්මාන් උන්නැහේගේ බේගල් වාර්තාවට එරෙහිව ජාත්‍යන්තරය දැනුවත් කිරීම මිස අතීසාරයට අමුඩෙ ගැසීම නොවේ.

Wednesday, November 16, 2011

දුමින්ද අත්අඩංගුවට ගන්නැයි අධිකරණ නියෝගයක්

නැවතත් සුපුරුදු පරිදි අශ්වයා ගිය පසු ඉස්තාලය වසා තිබේ. මේ සියලු කටයුතු යුක්තිය සාධාරණය වෙනුවෙන් සමාජය පුරා බුර බුරා නැගෙන ජනතා හඬ යටපත් කිරීමේ සෙප්පඩ විද්‍යා යැයි නොසිතාම බැරිය. ඉතිහාසය අනුව අපට මේ තීන්දුව සමග ඊළඟ පියවර අනුමාන කළ හැකිය.

1. මේ අහිංසක විනිසුරුතුමා දිගාමඩුල්ලට මාරු කිරීම.

2. භාරතගේ පවුලේ අයිතිවාසිකම් වෙනුවෙන් කතා කළ නීතිඥයින්ට මරණීය තර්ජන එල්ල වීම සහ ඒ පිළිබඳ පොලිසියට පැමිණිලි කිරීම.

3. තවමත් ප්‍රතිකාර ලබන භාරතගේ රියදුරා සිය ඊළඟ සාක්ෂිය මගින් භාරත ඝාතනය කළ අවස්ථාවේ දුමින්ද එහි සිටිනු තමා හරිට ම නොදුටුවේ යැයි ප්‍රකාශ කිරීම.

එහෙත් මේ වන විට සිදුනොවෙතැයි සක්සුදක් සේ පැහැදිලි කරුණු කිහිපයක් ද තිබේ.

1. කේ.පී. සිංගප්පූරුවේ සිට කුදලා ගෙන පැමිණි අතිදක්ෂ නිලධාරීන් ලවා දුමින්ද සිල්වා රැගෙන ඒම.

2. නීති විරෝධි ආයුධ ළඟ තබා ගැනීම, මිනිස් ඝාතන කුමන්ත්‍රණ කිරීම, ඝාතනයට අනුබල දීම, වෙඩි තැබීම, ඝාතනය කිරීම යටතේ නඩු පවරා වරදට දඬුවම් දීම.

මෙසේ මහ දවල් නීතිය අවඥාවට ලක් කරමින් රනිල් වික්‍රමසිංහ මහතා බලයට ගෙන ඒමට කළ හැකි සියල්ල මේ ආණ්ඩුව දැන් කරමින් සිටියි. ඔහු බලයට එන්නට කිසිදු උත්සාහයක් දැරිය යුතු නොවේ. මේ ආණ්ඩුව විසින් ඔහු සිහසුන කරා පෙරහැ‍රින් වඩම්මා ගෙන යමින් සිටියි.

මේ අනුව මට ඉඳුරාම කිව හැකි එක දෙයක් තිබේ. ඒ අන් කිසිවක් නොව රනිල් වික්‍රමසිංහ ජනාධිපති කළ හැකි එකම පුද්ගලයා මහින්ද රාජපක්ෂ බවය. ඔහුගේ කැබිනට් මණ්ඩලය මෙන් ම කිට්ටුවන්තයෝ ද ඊට හැකි පමණින් උපකාර කරමින් සිටිති. එවිට උදේ සිට වතුර ඇද හවස කලේ බිඳ ගත්තා වැනි තත්ත්වයට ජනතාව පත්වනු ඇත.

එදා සිරිමා ආණ්ඩුව අක්කර 50ට වැඩි ඉඩම් රජයට ගත් අතර පසුව බලයට ආ ජේ. ආර්. ඒ ඉඩම් සිය ඥාතීන් මිතුරන් සමග දැහැමෙන් සෙමෙන් බෙදා හදා ගත්තේය. තමාගේ කනාටු පොල් වතුවලට සරු පොල් වතු මාරු කර ගත්තේය. ජී.ඇම්. ප්‍රේමචන්ද්‍ර වැන්නන්ට අක්කරය රුපියල් 100ක පමණ මුදලකට අක්කර 550ක පමණ තේ වතු ලබා දුන්නේය.

මෙසේම රනිල් වික්‍රමසිංහ බලයට පත්වු පසු අප මෙතෙක් අත්පත් කරගත් සියලු ජයග්‍රහණ ගඟට කැපූ ඉණි බවට පත්වනු ඇත. ජෝන් අමරතුංග වැන්නන් දැන්ම ම කියන පරිදි රජයට ගත් ආයතන නැවත සිය මිතුරන්ට ලබා දෙනු ඇත. ඒ ආයතන රජය සතුව තිබී ඔවුන්ට ලබා දුන්නේ පහුගිය ආණ්ඩුය. හැකි නම් රනිල් වික්‍රමසිංහ උතුරු නැගෙනහිර කොටින්ට ලබා දී නොබෙල් ත්‍යාගය දිනාගනු ඇත.

Sunday, November 13, 2011

භාරත ඝාතනයේ අවසන් සැකකරු ‘ගලබොඩ’, ඔහු සොයා ගිරිතලේ පීරයි

වශේෂ කාර්ය බලකාය සහ රහස් පොලිසිය ප්‍රියන්ත ගලබොඩ නැමැති භාරත ඝාතනයේ අවසන් සැකකරු සොයමින් ගිරිතලේ රක්ෂිතය සෝදිසි කරමින් සිටියි. ගලබොඩ අවසන් සැකකරුය යන ප්‍රකාශයෙන් ගම්‍ය වන්නේ සෙසු සියලු සැකකරුවන් (පොලිස් පොතේ නම් සඳහන්) පොලිස් අත් අඩංගුවට ගෙන ඇති බවය.

මිනිස් ඝාතනය සඳහා කුමන්ත්‍රණය කිරීම, ඒ සඳහා අවි ආයුධ සහ පිරිස් රැස් කිරීම, ඊට අනුබල දීම ලංකාවේ නම් මිනි මැරුම හා සමාන වරදකි. ඒත් කටුනායක, කොළොන්නාව, ජයවර්ධනපුර ලංකාවේ ප්‍රදේශ නොවන නිසා හොඳය. ලංකාවේ ආණ්ඩුවට වෙන එවුන්ගේ රටවල නීති ක්‍රියාත්මක කොරන්නට පුළුවන් කමක් නැත. ඒවා උන්ගේ රටවල ආණ්ඩු බලාගත යුතුය.

ගලබොඩයා අහිංසකයා. ඇගේ මස් කළඳක් නෑ. අන්න ඒකට අපේ හංදියේ කඩේ මුදලාලි. හයිය හත්තිය තියෙන සද්දන්ත පුරුසයා. මිනිහාට තමා භාරත මැරුවට දඬුවම් කරන්න ඕන. මගේ නම් අවංක අදහස ඒකය.

රෑට රෑට ගමරාලගේ කුඹුරට පැන පැල ගොයමට හානි කරන්නේ ගමේ එවුන්ගේ ගෙවල්වල ඇති වං ගෙඩි බව කාගෙන් හැංගුවත් ගමරාලගෙන් වහං කොරන්නට බැරි විය. කුඹුර පුරා ඇති වං ගෙඩි සලකුණු ඇසින් දුටු සාක්ෂිය.

ගමරාළ ගමේ එවුන්ට නියෝගයක් පැනවූවේය. "උඹලාගේ වංගෙඩි තමා රෑට රෑට මගේ කුඹුරට පැනලා මේ ආසනාසි කොරන්නේ. අද ඉඳලා රෑට ඔක්කොමලා තම තමන්ගේ වංගෙඩි පිලේ කණුවේ බැඳලා තියන්න ඕනැ. මයේ අණ පිළි නොපදින එවුන් ඔක්කෝම දඬු කඳේ ගහනවා"

කුඹුර පාළු කොළාම ගෙදර තියෙන මුව හමට තඩි බානවා කියන්නේ ද මේ වගේ වෙලාවටය. ආඳා යවා තබා වළපත අල්ලා ගත්තා සේ යයිද අශ්වයා ගියාම ඉස්තාලය වැහුවා සේ වැනි යයි ද සමහරු කියති. බඩුත් හාන්දුන්නේ නඩුත් හාන්දුන්නේ යැයි ද ගැමියෝ මේ වැනි අවස්ථාවල දොඩති. අන්තිමට කීමට ඇත්තේ වැටත් නියරත් ගොයම් කා නම් කාට පවසම් ඒ අමාරුව කියාලය.

Saturday, November 12, 2011

සිංහල දිසාපති එපා – දෙමළ ජාතික සන්ධානය

මන්නාරමට සිංහල දිසාපති කෙනෙකු එපා යැයි බෙදුම්වාදීහු උඩුබුරති. මේ පිළිබඳ අපට නම් එතරම් පුදුමයක් නැත. මන්නාරම වැනි ‍බහුතර දෙමළ ජනතාවක් ජීවත් වන ප්‍රදේශයක සිංහල දිසාපතිවරයෙකු ගොස් ඒ ජනතාව වෙනුවෙන් සිය රාජකාරිය මැනවින් ඉටු කළ හොත් සිංහල ජනතාව පිළිබඳ සාමාන්‍ය දෙමළ ජනතාව මත මේ බෙදුම්වාදී රැළ පටවා ඇති ප්‍රලාප බිඳ වැටෙනු ඇත. ඊළම පිළිබඳ සිහින පුස් වනු ඇත. සාමාන්‍ය ජනතාව මනාපය නොව පොලු මුගුරුවලින් මුන්ට පහර දෙනු ඇත. එහෙයිනි ඔවුන් මීට විරුද්ධ වන්නේ.

මම හිතන්නේ මේ රටේ සාමය, ජනවාර්ගික සමගිය ඇති කරන්න නම් දැන් අපි එච්චර කල්පනා කරමින් විසඳුම් සෙවිය යුතු නැහැ. මන්ද මේ ඒ කටයුත්ත මේ බෙදුම්වාදී රැළ භාර ගෙන තිබේ. ඒ තිරසාර සාමයක් ඇති කරන්නට නොව රට නැවත බෙදුම්වාදය වෙත තල්ලු කිරීමටය.

දැන් රජය කළ යුත්තේ යම් වැඩපිළිවෙළක් ක්‍රියාත්මක කර ඒ පිළිබඳ TNA හෙවත් ඊළාම් රංචුවේ ප්‍රතිචාරය ලැබෙන තුරු සිටීම පමණි. එවුන් විරුද්ධ ‍වන්නේ කුමකටද එය ජාතික සමගිය රටේ ඒකීයත්වය ශක්තිමක් කිරීමට හේතු වන්නකි. එහෙයින් එය වහාම ක්‍රියාත්මක කළ යුතු ශක්තිමත් කළ යුතු කාර්යයක් ලෙස ප්‍රමුඛතා ලැයිස්තුවේ මුලින්ම ලියාගත යුතුය.

එවුන් පක්ෂ වන්නේ යමක් ද එය වහාම දෙවරක් නොසිතා නතර කළ යුතු භයානක වැඩපිළිවෙළකි. ඒ වැඩපිළිවෙළ තුළ අපට නොපෙනී වුව ද බෙදුම්වාදය, ඊළම පෝෂණය කරන රුදුරු විෂබීජ අන්තර්ගත වී තිබේ. නැතහොත් එය එවන් විෂ බීජ නිර්මාණය කිරීමට හේතුකාරක වන වැඩපිළිවෙළකි.

මේ රටේ තිස් වසරක යුද සමය කෙළවර දැන් සාමයේ අරුනැල්ලෙන් රට තොට අස්වැද්දෙයි. සිංහල දෙමළ හිත්වල පැවති තරහ අමනාපකම් පහවී යයි. මිතු දම් අලුත් වෙයි. සිංහල වෛද්‍යවරු උතුරු නැගෙනහිර ජනතාවගේ සුවදුක් විමසයි. විශ්වවිද්‍යාලවල සිසුහු එකට උගනිති. එය බෙදුම්වාදීයාට නයාට අඳුකොළ පෙනෙන සේ පෙනීම පුදුමයක් නොවේ.

උතුරුට සිංහල දිසාපතිවරු යැවීමෙන් මේ වැඩපිළිවෙළ කෙළවර කළ යුතු නැත. දෙමළ ජනතාවට සේවය කිරීමට සිංහල ගුරුවරු, වෛද්‍යවරු, පරිපාලන නිලධාරීන්, හෙදියන්, ඉංජිනේරුවන් යැවිය යුතුය. TNA ආසිරි ගී මැද කොටි උතුරින් පන්නා දැමු සිංහල ජනතාව නැවත ඒ ප්‍රදේශවල පදිංචි කළ යුතුය.

එපමණක් නොව දැනටමත් දකුණේ සිංහල ජනතාව වෙනුවෙන් ‍සේවය කරන දෙමළ වෛද්‍යවරු, දිසාපතිවරු, පරිපාලන නිලධාරීන්, ඉංජිනේරුවන්, නඩුකාරයින් තව තවත් වැඩි කළ යුතුය. 1983 සක්කිලි UNPකාරයින් විසින් කොල්ල කෑ දෙමළ ජනතාවගේ දේපළ හඳුනාගත හැකි වේ නම් ඒවා වහාම සැබෑ අයිතිකරුවන්ට ලබා දිය යුතුය.

මේ රටේ තිරසාර සාමය ඇති කළ හැක්කේ බෙදුම්වාදී කොටි රංචුව විරුද්ධ වන දේ ක්‍රියාවට නැ‍ගීමෙන් බව ‍ඓතිහාසිකව සනාථ වූ සත්‍යයකි. මොවුහු කොටි යුදමය වශයෙන් පරාජය කිරීමට විරුද්ධ වුහ. රජය යුද කොට කොටි වනසා රට එක්සේසත් කළේය.

එහෙයින් කළ යුත්තේ ජාති ආගම් භේදයකින් තොරව රටේ ඕනෑම තැනක ජීවත් විය හැකි රැකියාව කළ හැකි රටක් අනාගතය උදෙසා ගොඩ නැගීම මිස බෙදුම්වාදීන්ගේ කඳුළු පිසීම නොවේ.

Friday, November 11, 2011

නිවාඩුවට ගෙදර ගිය සිරකරුවන් ආපහු ඇවිත් නෑ

දින 7ක් නිවාඩු ලබා සිය නිවෙස්වලට ගිය සිරකරුවන් 632 දෙදෙනෙකුගෙන් 21දෙනෙක් ආපසු පැමිණ නැතැයි වාර්තා වී තිබේ.

මුලින් ම මේ සිරකරුවන් JVPට හෝ LTTEට සම්බන්ධ අය නොවන බව කිව හැකිය. මන්ද එසේ වී නම් ප්‍රවෘත්තියේ මෙඩිම සරසන්නේ ඒ කොටස බැවිනි.

ඒ අනුව මොවුන් ජනතා විමුක්ති පෙරමුණේ හිටපු ප්‍රාදේශීය සභා මන්ත්‍රීවරයෙකුගේ ලොකු අම්මාගේ සැමියාගේ අයියාගේ බාල නැගණියගේ පුත්‍රයාගේ ලේ ඥාතියෙක්වත් නොවන අය විය යුතුය. එසේ වී නම් මෙසේ පළා ගොස් ඇත්තේ 888/89 සමයේ අපරාධවලට සම්බන්ධවූවන් යැයි පැවසීමට මාධ්‍ය බිය වන්නේ නැත.

එසේම මොවුන් දෙමළ ජාතිකයින්ද නොවිය හැකිය. මන්ද පෙර කී වර්ගයේ නෑකමකින් මොවුන්ට දරුණු ගණයේ කොටි සාමාජිකයින්ය යන ලේබලය ඇලවීම අපේ මාධ්‍යකරුවන්ට මහ ලොකු කජ්ජක් නොවන හෙයිනි.

මෑතදී මහනුවර හිටපු නගරාධිපතිතුමාට ජනාධිපති සමාව යටතේ නිදහස ලැබිණි. ඒ උතුමා සිරබත් කෑවේ සමුළුවකට යන පවසා ආණ්ඩුවේ මුදලින් රට ගොස් සමුළුව මගහැර බිරිඳ සමග සාප්පු සවාරි ගියේ ය යන සුළු චෝදනාවටය.

එතුමා සිය බිරිඳ සමග පිට රට සාප්පු සවාරියක නිරත වීම මේ රටේ බොහෝ දේශපාලකයින්ට ආදර්ශයක් විය යුතු බව මගේ අදහසය. මන්ද බොහෝ දේශපාලකයින් මෙසේ ජනතා මුදලින් පිට රට සාප්පු සවාරි යන්නේ සිය හොර බිරින්දෑවරු සමග හෙයිනි. එහෙයින් මෙරට දුලබ ගණයේ දේශපාලකයෙකු වන එතුමාට මගේ ප්‍රණාමය පුද කිරීමට මම මැලි නොවෙමි.

එසේම තම හෘද සාක්ෂිය නමැති අධිකරණය හමුවේ උක්ත වරදට වරදකරුවන් වන මැති ඇමතිවරු සිරගත කළහොත් වෙනම ඔවුන් සඳහා බන්ධනාගාරයක් වෙන් කිරීමට සිදුවනු ඇත. ඒ බව දත් ජනාධිපතිතුමා පහළ තැනින් ගලන වතුරට කොටු වූ අහිංසකයා මුදා හැරියේ ය.

මේ නිසා මට නම් නිකමට මෙන් හිතුණේ මේ පිරිස ජනපති දෑත ශක්තිමත් කොරන්නවත් හිතුවාදෝ කියා ය. මහින්ද රත්නතිලක සුසන්නත පුංචිනිළමේ මෙසේ සිරගෙට නොගොස්ම ආණ්ඩුව ශක්තිමත් කිරීමේ භාග්‍ය ලද්දෝය.

එසේ ම නැවත එජාප ආණ්ඩුවක් ආවොත් (රටේ අවාසනාවට) රනිල් වික්‍රමසිංහ මහතාගේ දෑත ශක්තිමත් කොරන්නද අද ආණ්ඩුවේ සිට පිස්සු කෙළින අය පොරකනු ඇත. එහෙයින් මේ වැදගත් දේශපාලන සම්ප්‍රදායට ඇඟිල්ල දිගු කරන්නට ප්‍රධාන පක්ෂ දෙකේම බැතිමතුන්ට බැරිය. එහෙත් රට දැය සමය පක්ෂය කොට ගත් එකෙක් වේ නම් ඔහුට ඒ වෙනුවෙන් කතා කළ හැකිය.

Tuesday, November 8, 2011

සරසවිවලට ගන්නා කලා සිසුන් අඩු කරනවා – එස්.බී.

එස්.බී. දිසානායකගේ බොහෝ වැඩකටයුතු සහ අදහස් පිළිබඳ මට පැහැදීමක් නැහැ. ඒ වුණාට එයා එක්ක මට පෞද්ගලික ප්‍රශ්නයක් නැහැනේ. ඒ නිසා මම මේ අදහසට එකඟ වෙනවා.

දැන් කැම්පස් එන්නේ ඉගෙන ගන්න නෙමේ රැකියාවට සුදුසුකම් හදාගන්න. 99%ක් සිසුන්ගේ එකම පැතුම ඩිග්‍රිය පෙන්නලා පැන්ෂන් තියෙන රජයේ රැකියාවක් ගන්න එක. නැත්නම් උසස් රැකියාවක් කරන එක. ඒ කියන්නේ උපාධිය කියන්නේ රැකියා සුදුසුකමක් තත්ත්වයට පිරිහෙලා.

අනිත් ක්‍ෂ්ත්‍රවලට කෙසේ වෙතත් කලා විෂය ධාරා හැදෑරිය යුත්තේ ඥාන ගවේෂණය සඳහා. භාෂා, දර්ශනවාද, ආගම් හදාරලා මේ අය හොයන රැකියා ගන්න බැහැ. අවසාන වශයෙන් අදාළ විෂය ධාරාවලට මේ අයගෙන් ලැබෙන දේකුත් නෑ. ඒ නිසා කළ යුත්තේ මෙයමයි.

ඇත්තට ම ශාස්ත්‍ර පීඨවලට එන්න ඕන යම් විෂය ක්‍ෂ්ත්‍රයක් ඉහළට ඉගෙනීමේ අවශ්‍යතාව ඇති අයයි. ඒ අයට අවශය පහසුකම් ලබා දිය යුතුයි. එහෙම නැතිව ගුරුවරුයි ලිපිකරුවොයි බෝ කරන්න ශාස්ත්‍ර පීඨ ඕන නැහැ. කොහොමත් කැම්පස් ගුරුවරුන්ට වඩා පීඨ ගුරුවරු දක්ෂයි. හැබැයි වැඩි ලකුණු අරන් කැම්පස් ගිය අය තමා අදක්ෂ ගුරුවරු වෙන්නේ.

හැම එකට ම විරුද්ධ වන විරුද්ධ පක්ෂය සහ එල්ලෙන්න වැල් නැති ජවිපෙ මේකෙ එල්ලේවි. මෙයාලාට පෙළපාලි යන්න, පොලිසිය එක්ක ගැටුම්වලට යවන්න පුළුවන් පිරිස් නිෂ්පාදනය කරන තිඹිරි ගෙය තමා ශාස්ත්‍ර පීඨ. ඒ නිසා එහෙයියෝ බෝ කරන එක අඩු කරනවාට ජවිපෙ විරුද්ධ වෙනවා සිකුරුයි. අනෙක ඉතිහාසයේ තමන් ගනිපු එකම ඥානවන්ත තීරණ දෙකත් අත්වැරදීම් කියලා අනුර කුමාර උන්නැහේ ළඟදී කීවානේ. (2004 සන්ධානගත වී ආසන 41ක් දිනා ගැනීම සහ 2005 ජනවරම ගොඩනැගීමට නායකත්වය දීම)

මීටත් වඩා හොඳයි කොරියන් විභාගය රට පුරා තියලා කොරියා යැව්වා නම්. මොකද අවශ්‍යතාව සල්ලි නම් එය තමා විකල්පය. නිකරුනේ අවුරුදු 2ක් ගත කරලා මාසෙකට 20 000-25 000ක ජොබ් එකක් කරනවාට වඩා නරකද කොරියන් ගිහින් 150 000-200 0000ක් හොයා ගන්න එක මාසෙකට.


Friday, November 4, 2011

සෙවනගල සීනි කර්මාන්ත ශාලාව බලෙන් අල්ලා ගනී

හරක් හොරු දැන් කම්හල් මංකොල්ලා කන්න පටන් අරගෙනද? කම්හල් පාඩු නම් ඒවා රජයට පවරා ගත යුතුයි. ඒ වගේ ම රනිල් වික්‍රමසිංහ තම හිතවතාට මේ කම්හල දීපු මිල කීයද? ඒකේ තක්සේරු වටිනාකම කීයද? කියලාත් කියන්න ඕන. මේවා රටේ සම්පත්. රනිල්ගේ හරි මහින්දගේ හරි දේපළ නෙමේ.

සීනි කම්හල තියෙන්නේ අරක්කු පෙරන්න නෙමේ. ඒ නිසා මේ කම්හල කොච්චර සීනි හැදුවාද? අරක්කු කොච්චර හැදුවාද කියලත් කියන්න ඕන. සීනි කම්හලේ අරක්කු පෙරලා ලාභ පෙන්නලා වැඩක් නැහැ.

ඒ වගේ ම දයා ගමගේ යූඇන්පී වුණු පලියට මේවා රජයට පවරා ගන්න එක වැරදයි. රටේ සම්පත් මේ විදිහට කුණු කොල්ලයට කොල්ල කාපු එවුන් ආණ්ඩුවෙත් ඉන්නවා. එහෙනම් උන්ටත් විරුද්ධව නීතිය ක්‍රියාත්මක වෙන්න ඕන. එතකොටනේ නීතියේ ආධිපත්‍ය ආරක්ෂා වෙන්නේ.

ඒ වගේ ම ඕනම දෙයක් කරන පිළිගත් ක්‍රමවේදයක් තියෙනවා. එකෙන් ගස් බඳිනවා. කනට ගහනවා. තව එකෙක් මිනිස් දඩයමේ යනවා. මිනී මරනවා. තව එකෙක් කොල්ල කනවා. මේ රටේ නීතිය කොහෙද තියෙන්නේ. කතාවක් තියෙනවා ඔබ කොච්චර උස වුණත් නීතිය තියෙන්නේ ඔබට උඩින් කියලා. ඒක අපේ රටේ නම් නීතිය තියෙන්නේ බලය තියෙන එකාට යටින් කියලා කියන්නයි වෙන්නේ. දැන් නීතිය තියෙන්නේ විරුද්ධවාදීන්ගෙන් පළිගන්න පාවිච්චි කරන වේවැලක් විදිහට. නැත්නම් හරක් දක්කන කෙවිටක් විදිහට.

මේ තත්ත්වය හරි භයානකයි. මේවා දැක්කම ජනතාව නීතිය කෙරෙහි කලකිරෙනවා. අධිකරණ විශ්වාස නොකර යනවා. ජනතාව නීතිය අතට ගන්නවා. රිය අනතුරක් වුණාම රියදුරා අහු වුණොත් මරනවා. වාහනය ගිනි තියනවා. මිනිමැරුමක් වුණාම මිනීමරුවාට දඬුවම් දෙන්නේ ජනතාව. ඒ මිනීමරුවාගේ දේපල ගීනි බත් කරලා. මොකද වරදකරුට දඬුවම් ලැබෙන්නේ නැහැ කියලා ජනතාව තේරුම් අරගෙන.

මේ විදිහට ජනතාව නීතිය අතට ගැනීම කිසිසේත් අනුමත කරන්න බැහැ. ඒ වගේම නීතිව වල්වැදීම අනුමත කරන්නත් බැහැ. මේ විදිහට තැන තැන සිදුවන සිදුවීම්වලට මුල්වන ජනතාව අත්අඩංගුවට අරන් දඬුවම් කරලා පලක් නැහැ. ඒක අතීසාරයට අමුඩේ ගහනවා වගේ වැඩක්. කළ යුත්තේ නීතිය සැමට දාධාරණ සේ ක්‍රියාත්මක කළ යුතුයි. මේ හැම අයුතු අශිෂ්ට ක්‍රියාවක්ම ආණ්ඩුවේ ආයුෂ අඩු කරන බව යුතුමයි.

Thursday, November 3, 2011

ආණ්ඩුව වට්ටන්න බටහිර ඔත්තු සේවයක් ශ‍්‍රීලනිප ප‍්‍රබලයන් මෙහෙයවයි-පුවතක්

මේ ලෝකේ සිද්ධ වෙන දේවල් දිහා ඇස් ඇර ගෙන බලා ගෙන ඉන්න ඕන. එතකොට තේරෙනවා කොහොමද රටකට විනාශය ළඟා වෙන්නේ කියලා. කැලේ නහන්න කැලේ ගහක් ඕන වගේ අපි විනාශ කරන්න අපේ එකෙක් ඕන. ඒ වගේම විදෙස් අත පෙවීම් සාධාරණීකරණය කරන්න අවශ්‍ය පසුබිම මේ රටේ හැදීමට කිසි ඉඩක් නොතැබීම ආණ්ඩුවේ වගකීම. ඒ කියන්නේ විපක්ෂයේ අයට බටහිර කුමන්ත්‍රණකාරයෝ කියලා හංවඩු ගහන්න මාධ්‍ය සංදර්ශන පවත්වන එක නෙමේ.

මේ රටේ ප්‍රජාතන්ත්‍රවාදය නැහැ, යහපාලනය නැහැ, මානව අයිතිවාසිකම් නැහැ, කියලා චෝදනා ගොනු කළ හැකි පසුබිම සකස් කරන, ආණ්ඩුවේ ඉඳගෙන ආණ්ඩුවේ වළකපන එවුන්ගෙනුත් ආරක්ෂා විය යුතුයි. කතාවක් තියෙනවා දුර සිටින හතුරාගෙන් නොව ළඟ සිටින මිතුරාගන් පරිස්සම් වෙන්න කියලා. ළඟ සිටින මිතුරාගෙනුත් පරිස්සම් වෙන්න ඕන නම් මිතුරු වෙසින් ළඟින් සිටින හතුරාගෙන් කෙතරම් පරිස්සම් විය යුතුද?

මේ රටේ කාලකන්නි විපක්ෂයට කළ හැකි දෙයක් නැහැ. මේ ආණ්ඩුව විනාශ කිරීමේ ලොකුම වැඩ කොටස කරන්නේ, ඒ කියන්නේ විපක්ෂය බලයට ගෙන ඒමේ කාර්ය කරන්නේ ආණ්ඩුවේ සිටින අයමයි. ඔවුන්ගේ වංචා, දූෂණ, හොර මැරකම් නිසා ජනතාවට ආණ්ඩුව එපා වෙනවා.

ඊට පස්සේ විපක්ෂය හොඳ නිසා නෙමේ, උන් අරගත්තත් හොඳක් නොවන බව නොදන්න නිසා නෙමේ, මේ තක්කඩින්ට පාඩමක් උගන්වන්න ඕන කියලා හිතලා ජනතාව විපක්ෂයට ඡන්දය දෙනවා. එහෙම වුණු දාට මේ රට අපායට ගිහින් තමා නතර වෙන්නේ.

ඒ නිසා වහාම මේ ආණ්ඩුවේ ඉන්න වැදගත් අවංක දෑ හිතකාමී සුළුතරය මේ බල්ලන් බැඳ දැමීමමට කටයුතු කළ යුතුයි. එහෙම නොවුණොත් එදා මහින්ද රාජපක්ෂගේ දෑත ශක්තිමත් කොරන්න දුවගෙන ආපු පිම්මට ම හෙට රනිල් වික්‍රමසිංහගේ දෑත ශක්තිමත් කොරන්නත් දුවන්න බලාගෙන ආණ්ඩුවේ පිරිසක් ඉන්නවා.

එහෙම නොවී වංචා දූෂණ මැරකම් ඉහළ ගියොත් ඒක විවිධ විදෙස් අත පෙවීම්වලට අනුබල දීමක් වේවි. අපේ රටේ ප්‍රජාතන්ත්‍රවාදය, යහපාලනය ස්ථාපිත කරන්න බටහිර මිනිමරුවෝ මේ හිල්වලින් රටට රිංගන්න බලාවි. අශ්වයා ගියාම ස්ථාලය වසා පලක් නැහැනේ. ඒ නිසා දැන් දැන් සුදානම් විය යුතුයි.

Tuesday, November 1, 2011

දේශපාලන විසඳුමක් ඕනෑමයි, නැතිනම් සාමයක් නෑ – සම්බන්ධන්

ලෝකයේ දෙමළ ජනගහනයෙන් 75%ක් වාසය කරන්නේ තමිල්නාඩුව හෙවත් දෙමළ රටේය. ලංකාවේ ප්‍රතිශතය 4%කි. එයින් 2%කට වඩා දෙමළ ජනතාවක් දකුණේ සිංහල ජනතාව සමග ඉතාම සහෝදරත්වයෙන් ජීවත්‍ වෙති. කිසිදු සිංහලයෙකු දකුණේ ඉඩම් සිංහලයින්ට පමණකැයි නොකියන අතර දෙමළ පුරවැසියන්ට තමන් රිසි පරිදි රිසි තැනක වාසය කිරීමේ නිදහස සලසා තිබේ.

එසේ නම් ලෝක දෙමළ ජනගහනයෙන් 2%ට අඩු ප්‍රතිශතයක් ජීවත් වන උතුරු නැගෙනහිරට දෙන ඊනියා දේශපාලන විසඳුමකින් සමස්ත දෙමළ ජනතාවට සැලසෙන සෙත කුමක්ද? කිසිදු සෙතක් ජනතාවට නම් නැත. එහෙත් පීඩිත දෙමළ ජනතාව දඩමීමා කරගෙන පාදඩ දේශපාලනයක නියැළෙන ජාතිවාදී පාහරයින්ට සුරසැප විඳීමට නම් ඉන් මහඟු සෙතක් අත්වෙයි.

ජාතිවාදී පාහරයින් පතන ආකාරයේ කිසිදු බලය බෙදීමට මෙරට දේශ මාමක ජනතාව කිසිදා එකඟ නොවනු ඇත. ජන වර්ගය, ආගම, භාෂාව පදනම් කරගත් සෑම බෙදීමක් ම ඉතා ම භයානක සර්පයෙකි. මේ සර්පයාට කිරි පොවා ඇති දැඩි කිරීමට ජනතාව ආණ්ඩුවට බලය ලබා දී නැත. 2001 රනිල් වික්‍රමසිංහගේ ආණ්ඩුව අඩු ආයුෂින් ගෙදර ගියේ එසේ කිරි පොවන්නට ගොස්ය.

ප්‍රජාතන්ත්‍රවාදය යනු ටැමිල් ඩයස්පෝරාවේ සහ ජාතිවාදී පාහරයින්ගේ මතය නොව මේ රටේ ජීවත් වන සිංහල දෙමළ මුස්ලිම් ජනතාවගේ මතයයි. ඒ මතය පිළිනොගන්නා පාහරයින් ප්‍රජාතන්ත්‍රවාදයට නින්දා නොකර මහලු මඩම්වලට යා යුතුය. මේ රටේ ජනතාවට අවශ්‍ය ජාති ආගම් භේදයකින් තොරව සාමයෙන් සතුටින් ජීවත්වීමට මිස නාකි දේශපාඥයින්ගේ අවලංගු දේශපාලන මතවාද පඩංගු වෙනුවෙන් සටන් කිරීම නොවේ.

දෙමළ ජනතාවට අවශ්‍ය දේශපාලන විසඳුම අපේ හමුදාව විසින් ලබා දී තිබේ. දැන් දෙමළ ජනතාවට බියෙන් සැකෙන් තොරව ජීවත් විය හැකිය. සිය දරුවන් පාසැලට ගොස් නැවත නොඑතියි බිය විය යුතු නැත. ඔවුන්ට අවශ්‍ය යටිතල පහසුකම් සපයා තිබේ. අඩුපාඩු ඇත්නම් ඒවාද සපුරාලිය යුතුය. ඒ අතර ම ජාතිවාදී පාහරයින් වෙනුවට රටට ආරදය කරන තරුණ දෙමළ නායකත්වයක් උතුරු නැගෙනහිරෙන් බිහි කර ගත යුතුය. දේශපාලන කනත්ත පෙනෙන මානයේ සිටින ජාතීවාදී පාහරයින්ගේ ගමන කෙළවර කළ හැකි පහසු මෙන් ම ප්‍රඥාගෝචර මාර්ගය එයයි.

Sunday, October 30, 2011

මුං ඇට, කව්පි, කුරක්කන් වවන්න යල-මහ දෙකන්නයට අතරමැද කන්නයක් - පුවතක්

ඔන්න කරනවා නම් වැඩ. හැබැයි කටින් බතල හිටවලා වැඩක් නැහැ. ඒ නිසා කිව්වා නම් ඒක කරන්න ඕන. මොකද ඔයාලා කියන දේවල් දැන් ජනතාවට නිකන්ම අමතක වෙනවා අඩුයි. ඊළඟ පාර ඡන්දේ ළංවෙන කොට ජනමාධ්‍ය මේ ඔක්කෝම පොරොන්දු නැවත ජනතාවට සිහිපත් කරනවා.

වවන්න ඕන. හැබැයි මේ පොළව හූරං කාලා විනාශ කරන එක හරි නැහැ. අපි අපේ ඊ ළඟ පරම්පරාවටත් මේ පොළව පාචිච්චි කරලා මොනා හරි වවාගෙන කන්න ඉඩ තියන්න ඕන.

ඒ නිසා මේ භූමිය ආරක්ෂා කරගෙන ඉන් ප්‍රයෝජන ගැනීම අපේ යුතුකම. කොහොමද ඒක කරන්නේ. ඒක අපේ මුතුන් මිත්තෝ අගේට කළා. පරිසර හිතකාමී ගොවිතැන. වස බෙහෙත් නෑ. වස පෝර නෑ.

ඒ නිසා තමා අපට අදත් කරදරයක් නැතිව ‍ගෙදර වත්තේ හරි මඤ්ඤොක්කා නට්ටක් පොළවට යට කරලා තියලා අලයක් කන්න පුළුවන් වෙලා තියෙන්නේ. ඒ නිසා තමා අදත් මේ පොළව කාන්තාරයක් නොවී තියෙන්නේ.

ඒ නිසා මේ වගාවන් සම්පූර්ණයෙන් ම කාබනික පොහොර භාවිතයෙන් කරන්න දිරිමක් කරන්න. ඒ සඳහා අවශ්‍ය ආධාර දෙන්න. එහෙම කළොත් අපි පොළවෙන් යමක් ලබා ගෙන පොළවට කෘතගුණ සැලකුවා වෙනවා. අනාගත පරපුර වෙනුවෙන් ලොකු ආයෝජනයක් කළා වෙනවා.

නැත්නම් ඉතින් දවසට රත්තරන් බිත්තරයක් දාන කිකිළි‍ මරලා ඔක්කෝම බිත්තර එක පාර ගන්න ගිය මිනිහාට වෙච්චි දේ තමා වෙන්නේ. ඇමතිතුමා රත්තරන් බිත්තර දාන කිකිළි මරන්න නෙමේ නේද යන්නේ?

Thursday, October 27, 2011

ප‍්‍රභූ ආරක්‍ෂාවට වෙනම නිළ ඇඳුමක්-පුවතක්

මේ කට්ටියගේ මේ යෝජනාව ඇතුළේ තව කොටසක් තියෙනවා. ඒ තමා මැරයින්ට පොලිස් ඇඳුම අන්දන්න බෑනේ. ඒත් ප්‍රභූ ආරක්ෂක ඇඳුම හෝ ඊට සමාන ඇඳුමක් ඇඳගන්න කරදරයක් නෑනේ. ඉතින් දැන් මේ හදන්නේ කබරයා තලගොයා කරගෙන කන්න නේ. මොනවා වුණත් මුන් සුදානම් නැහැ වටේ ඉන්න ‍පතාළ සෙට් එක අයින් කරන්න. ඒක තමා ප්‍රයෝගික ගැටලුව.

පොලිස් නිලධාරීන්ට තරම්වත් දැන් දේශපාලකයන්ට ජනතාව සලකන්නේ නැහැ. පොලිසිය ජනතාවගෙන් දුරස් වුණේ දේශපාලකයින් පොලිසිය තමන්ට ඕන විදිහට නටවන්න පටන් ගැනීම නිසා. පොලිසිය දේශපාලනීකරණය වීම නිසා. දේශපාලකයින් ජනතාවට එපා වුණේ එවුන්ගේ හොර, මැර, වංචා, දූෂණ නිසා. මහජන මුදල් කාබාසිනියා කරන නිසා.

දැන් කොටි තර්ජන නැහැ. කොටි හිටියත් ඔය කියන ප්‍රභූන් වෙනුවෙන් උන් උණ්ඩයක් වියදම් කරන්නේ නැහැ. මේ රටේ ආරක්ෂාව ඕන ප්‍රභූවරු මේ පොලිස් ඇඳුමට බය වෙන්නේ නැහැ. ඒත් හීනමානෙන් පෙළෙන එවුන්ට වාහන 10-12ක් නැතුව වටේ මැරයෝ 20-30 නැතුව පාරේ යන්න බෑනේ.

හොඳ පතාළය නරක පාතාළය කියලා බෙදීමක් නොකර, ආණ්ඩුවට පක්ෂ පතාළය සහ එසේ නොවන පතාළය කියලා බේධයක් නැතිව පතාළය මර්දනය කරලා සියලු අවි ආයුධ රජය භාරයට ගැනීම තමා කළ යුත්තේ. උතුරු නැගෙනහිර දැන් කිසි සද්දයක් නැත්තේ ඒ අවි ආයුධ බහුතරයක් රජය භාරයට ගත් නිසානේ. දකුණෙත් කළ යුත්තේ එයමයි.

මේ රටේ පතාළය සම්පූර්ණයෙන් දේශපාලකයෝ තමා පෝෂණය කරන්නේ. තමන්ට ආරක්ෂාව සැපයූ දේශපාලකයා රෝහල්ගත කළ සැනින් කරාටේ ධම්මික පළා යනවා. ඒත් පළක් නැහැ. මිනිහා ඉස්සුවා. ඒත් මේච්චර කල් කොළඹ ඉඳලත් උස්සන්න බැරි වුණු මිනිහා. පොලිසියට අල්ලන්න බැරුවුණු මිනිහා.

ජනාධිපතිතුමාට මේ නීතියත් හකුළගෙන, එහෙම නැත්නම් තමන් කියන හැම දේම හිස් මුදුනින් පිළිනොගන්න එවුන්ට විතරක් මේ නීතිය අකුරට ක්‍රියාත්මක කරලා රටට ලොකු ආදර්ශයක් දෙන්න පුළුවන්. ජනාධිපතිතුමා වටේ ඉන්න මේ තක්කඩි හැත්ත නිසා ආණ්ඩුව කෙරෙහි බුර බුරා නැගෙන ජනතා අප්‍රසාදයට තව පිදුරු ටිකක් දාන්නත් පුළුවන්.

බිරිඳ ගෘහ මූලිකයා විය යුතුයි – විජිත් විජයමුණි - පුවතක්

අපේ රටේ කවුරුත් පිරිමි හිතා ඉන්නේ ගෙදර රජා තමන් කියලා. ඇත්තට ම ගෙදර ගෘහමූලිකයා කාන්තාව තමා. සියලු තීරණ ගන්නේ එයා. මොනවා කතා කළත් අවසානයට සිද්ධ වෙන්නේ එයාලට ඕන දේ එයාලට ඕන විදිහට.රණ්ඩුවෙලා හරි, චාටුනේ හරි 64 මායමෙන් හරි එයාලාගේ අරමුණ ජය ගන්න විදිහ එයාලා දන්නවා.

හැබැයි පිරිමියා ගෘහ මූලික වෙන තැනකුත් තියෙනවා. ඒ තමා ඡන්ද හිමි නාම ලේඛනය. ඒක හරියට විලියම් ගොපල්ලවගේ ජනාධිපතිකම වගේ. නිකන් ගරු තණතුරක් විතරයි.

ඇත්තට ම ගෙදර සබ්බ සකල මනාවක් වැඩ කෙරෙන්නේ ඇගේ අතින්. පිරිමි ඉස්සර ගෘහ මූලික වුණේ රැකියාව කළේ එයා නිසා. දැන් දෙන්නාම රස්සා කරනවා. සමහර පවුල්වල බිරිඳ රට. සැමියා ගෙදර වැඩ සහ දරුවන්ගේ වැඩ කරනවා.

දෙන්නාම රස්සා කරන පවුල්වල බිරිඳ රැකියාවට අමතරව ගෙදර සියලු වැඩත් කරනවා. බොහෝ විට සැමියා මත පැටවෙන බර අඩුයි. ඔහු පවුලේ අඩු වගකීමක් දරන්නේ.

ඥාතීන් සමග සබඳතා පැවැත්වීම වගේ දේවල් කෙරෙන්නේ ඇගේ ප්‍රධානත්වයෙන්. විවාහයෙන පස්සේ දෙදෙනා සමීප වෙන්නේ සැමියාගේ පවුලට නෙමේ බිරිඳගේ පවුලට. දරුවෝ පවා වඩා සමීප වෙන්නේ බිරිඳගේ පවුලට. මේ තත්ත්වය වෙනස් වෙන්නේ ඉතාම කලාතුරකින්. මමත් අයිති එහෙම පවුලකට.

ඒ නිසා මට නම් හිතෙන්නේ මේක අලුතින් කළ යුතු දෙයක් නෙමේ. දැනටමත් බිරිඳ තමා ප්‍රධානියා. ඒක සමහරු පිළිගන්නේ නැහැ. සමහරු පිළිගන්න කැමති නැහැ.

ස්වභාවයෙන් ම ගැහැනිය නම්‍යශීලියි. ඇය පිරිමියා තරම් දරදඩු නැහැ. ඒ නිසා ඇයට පහසුයි සිය ආධිපත්‍ය රැක ගන්න. හිනාවෙන්, චාටුවෙන්, කඳුලින්, තොදොල් බසින් මේ ආධිපත්‍ය ඇය රැගෙන යනවා. අපි ඒකට කැමති නැත්නම් අපි ඒක පිළිනොගෙන ඉමු. හැබැයි අපි පිළිනොගත්තා කියලා ඉර වටේ පෘථිවිය කරකැවෙන එක නතර නේනේ නැහැ. පෘථිවිය වටේ ඉර කැරකෙන්නෙත් නැහැ. හැබැයි බැලූ බැල්මට අපි වටේ ඉර කැරකෙනවා නේද?

Wednesday, October 26, 2011

විශ්ව විද්‍යාල ආරක්‍ෂාවට යළිත් ‘මාෂල්වරුන්’ - පුවතක්

ඇත්තටම පහුවෙලා හරි මොලේ පෑදිච්ච එක ලොකු දෙයක්. අද වෙන කොට විශ්වවිද්‍යාල ආරක්ෂක සේවය කියන්නේ මහලු මඩමක්. සමහර ආරක්ෂක නිලධාරී සියාල ආච්චිලා ගෙදර ඇ‍‍දේ තියා ගෙන ඇප උපස්ථාන කරන්න ඕන වයසේ අය. යකඩ ගේට්ටුව තල්ලු කරද්දි දුක හිතෙනවා මේ මිනිස්සු. මේ මිනිස්සු කොහොමද විශ්වවිද්‍යාල ආරක්ෂා කරන්නේ. ළමයින්ගේ විනය ආරක්ෂා කරන්නේ.

හම්පඩ කලිසම් ඇඳලා කිළිටි කමීස යට කරලා සෙරෙප්පු දාලා එකම පිස්සුවක්. කො‍ල්ලෙක් හිටියොත් ඌත් මහ විහිළුකාරයෙක්. කිසිම පෞරූෂයක් නෑ. මේ ආරක්ෂක සේවා ඇත්තට ම විශ්වවිද්‍යාලවලට නින්දාවක්. ඒවායේ පෞරුෂයට හානියක්.

විශ්වවිද්‍යාල ආරක්ෂක සේවය කියන්නේ මොකුත් කර ගන්න බැරි අයට ජොබ් දෙන තැනක් වෙලා. ඒ මිනිස්සුන්ට කැම්පස් ආරක්ෂා කරන්න තියා තමන්ගේ ආරක්ෂාව සලස ගන්නවත් බැහැ. හැබැයි මේක මේ අහිංසක මිනිස්සුන්ගේ වරද නෙමේ. මේ ආයතනවල තීරණ ගන්න අයගේ වැරදි.

ඒ නිසා මේ සඳහා නැවත මාෂල් ක්‍රමය ගෙන ඒම කලෝචිතයි. මනා පෞරූෂයක් ඇති උගත් තරුණයින් බඳවා ගත යුතුයි. ඔවුන්ට හොඳ පඩියක් තියෙනවා. මේ සඳහා විශ්වවිද්‍යාල උපාධිධාරීන්ම බඳවා ගත හැකි නම් වඩාත් හොඳයි. මොකද ඔවුන් රැකියාවට එනකොට විශ්වවිද්‍යාලය පිළිබඳ ලොකු අත්දැකීමක් තම සරසවි ජීවිතයේදී ලබන නිසා.

මනා ශරීර සෞඛ්‍යයක් ඇති අය බඳවා ගත යුතුයි. එහෙම නැතුව ඒකටත් පන්දම්කාරයොයි ගංජාකාරයොයි කසිප්පුකාරයොයි බඳවා ගත්තොත් ලංකා පාර්ලිමේන්තුව වගේ තැනක් වේවි.

Thursday, October 20, 2011

කහ ඉරෙන් පාර පනින්න උගන්වන්න පොලිසියෙන් පන්ති - පුවතක්

නීතිය සැමට සාධාරණ විය යුතුය යන්න සම්මතයකි. නීතියේ දෙවඟන දෑස රෙදි කඩකින් වසා ගෙන තරාදිය දරා සිටිනුයේ එහෙයිනි. එහෙත් මේ වන විට නීතිය හැඳි දෙකකින් බෙදන්නට පටන් ගෙන තිබේ. ඒ ආණ්ඩුවේ මැති ඇමතිවරුන්ට සහ කොන්දේසී විරහිත හිතවතුන්ට විශේෂ හැන්දකින් ද සාමාන්‍ය ජනතාවට සහ විපක්ෂයට සාමාන්‍ය හැන්ද ද වශයෙනි. එහෙයින් මේ අලුත් නීතිය ක්‍රියාත්මක වන විට ඇති විය හැකි කාරණායක් ගැන මෙසේ ලියා තබමි.

කහ ඉරිවලින් පිට පාර පනින එක වැරදියි. හැබැයි ඒක අදාළ විය යුත්තේ විපක්ෂයේ අයට සහ සාමාන්‍ය ජනතාවට පමණයි. ආණ්ඩුවේ ලොක්කෙක් එහෙම පාර පැනලා වාහනයක හැප්පුණොත් ආණ්ඩුව වහාම රජයේ සියලු ම කටයුතු නවතා එතුමා ගැන සොයා බැලිය යුතුයි. රජයේ ආරක්ෂක ප්‍රධානින් රෝහල්වලට යා යුතුයි. සියලු උපරිම ප්‍රතිකාර ඇමරිකාවෙන් හරි ගෙන ආ යුතුයි. වෛද්‍යවරු පිට සක්වලින් හෝ ගෙන ආ යුතුයි. රොහලේ කාර්ය මණ්ඩලය සැක නම් ඉවත් කරලා වෙන අය දැම්මත් කමක් නැහැ.

රජයේ ජඩ මාධ්‍ය ප්‍රකාශකලා ආරක්ෂක මාධ්‍ය ප්‍රකාශකලා වහාම ප්‍රවෘත්ති සාකච්ඡාවක් කැඳවා ඇත්ත පැවසිය යුතුයි. මෙන්න මේ විදිහට.

“ඇත්තම කියනවා නම් මේ කහ ඉර ඇඳලා තියෙන්නේ වැරදි තැන. අපි වගකිව යුතු රජයක් විදිහට මේ ආයතන දැනුවත් කළා කිහිප වරක්ම. මේ අපේ මන්ත්‍රීතුමා පැනපු තැනින් කහ ඉර අඳින්න කියලා. ඒත් මේ යල් පැනපු නිලධාරීවාදය ඔඩු දුවපු රාජ්‍ය සේවය ඒක කළේ නැහැ.අතිගරු ජනාධිපතිතුමා කුෂ්නීම්භුතවෙලා බලා හිටියා මේ සිද්ධිය ඇහුව ගමන්."

"ඒ නිසා අපි වහාම කොමිටියක් පත් කරනවා. මෙතන වැරදි විදිහට කහ ඉර ඇඳපු කම්කරුවාට තරාතිරම නොබලා අපි උපරිම දඬුවම් දෙන්න පසුබට වෙන්නේ නැහැ. අපිට දැනටමත් ආරංචිවෙලා තියෙනවා මේ රටේ ඇතැම් විපක්ෂ කණ්ඩායම් මේ අක්‍රමික ලෙස කහ ඉරි ඇඳීම පිටුපස ඉන්නවා කියලා. අපි ඉදිරියේ දී ඔවුන්ගේ නම් ගම් හෙළි කරන්න සුදානම්."

"ඒ වගේ ම මේ කහ ඉරි අඳින්න තින්ත ගනිපු සමාගමේ නිලධාරීන්ගේ දූෂණ වංචා සොයලා ජනතාව ඉදිරියේ නිරුවත් කරන්න අපි දෙපාරක් හිතන්නේ නැහැ. මේ විදිහට බහුජාතික සමාගම්වලට මේ රටේ ජාති මාමක ජනතාව විසින් පත් කරපු ආණ්ඩුවට, තිස්ව වසරක යුද්ධය නිමා කරපු ආණ්ඩුවට විරුද්ධව කුමන්ත්‍රණ කරන්න ඉඩදීලා අපට නිහඬව බලා ඉන්න බැහැ. අපි ඒ වෙනුවෙන් දිවි පුදා සටන් කරන්න සුදානම්. "

"එදා අපි දීපු උපදෙස් මේ නිලධාරීන් ඇහුවා නම් රටක් වටින මන්ත්‍රීතුමාට මේ විදිහට කරදරයකට මුහුණ දෙන්න වෙන්නේ නැහැ. මේ අකරතැබ්බය නිසා එතුමාගේ සේවය ලබපු ජනතාව දැන් සිහිසුන්වෙලා ඉන්නේ. ඒ තරුණයෝ උමති වෙලා මන්ත්‍රීතුමාගේ සරණ සොයනවා. කවුද දැන් ඒ තරුණයින්ට පිහිට වේනේ?

"මේ වගේ දූෂිත රාජ්‍ය නිලධාරීන් වහාම රාජ්‍ය සේවයෙන් ඉවත් කළ යුතුයි. වඩා කාර්යක්ෂම අය පත් කළ යුතුයි. අපි ළඟ තියෙනවා ලිස්ට් එක. අපට හරියට දතක් හාර ගන්න බැරි දැහැටිවලින් වැඩක් නැහැ. ඒ නිසා අපි මේ රටට ආදරය කරන සියලු දේශ මාමක ජනතාවගෙන් ඉල්ලා සිටිනවා, ඒකාවන්ව පෙළ ගැසී ආණ්ඩුව ශක්තිමත් කරන්න කියලා. ජනාධිපතිතුමාගේ දෑත ශක්තිමත් කරන්න කියලා”

Sunday, October 16, 2011

පස්සේ ආ අඟ ලොකු වීමේ වරද !!!

මැකෝ සම්මානලාභි (ශ්‍රී ලංකා ජනසන්නිවේදකයින්ගේ සංගමය), දේශාභිමාන දේශ ශක්ති ජනරංජන (ජාතික සාම සම්මේලනය), ජනාභිමානී දේශමාන්‍ය ලංකාපුත්‍ර (ශ්‍රී ලංකා අමරපුර මූලවංශික මහා නිකාය), ගෞරව සම්මානලාභි (සුරකිමු ලංකා මාතෘභූමි සංවිධානය), කොළොන්නාව ප්‍රධාන සංවිධායක (ශ්‍රීලනිප), සභාපති (ජාතික ජිම්නාස්ටික් සම්මේලනය‍, බස්නාහිර මේස පාන්දු සම්මේලනය, කොළඹ දිස්ත්‍රික් සැහැල්ලු පන්දු සම්මේලනය), ආරක්ෂක අමාත්‍යංශ ගරු අධීක්ෂණ මන්ත්‍රී දුමින්ද සිල්වා මැතිතුමා භාරත ලක්ෂ්මන් ප්‍රේමචන්ද්‍ර මහතා මහ මග මරා දමා දැන් දින කිහිපයකි. එහිදි තුවාල ලද එතුමා පූර්ණ රාජ්‍ය අනුග්‍රහය සහ අධීක්ෂණය යටතේ ප්‍රතිකාර ලබමින් සිටියි. රටේ සමස්ත ජනතාවගේ එකම පැතුම වන එතුමා සුවපත් වේවාය යන පැතුම හදැතිව අපි මේ සටහන ආරම්භ කරමු.

භාරත ලක්ෂ්මන් ප්‍රේමචන්ද්‍ර මහතා මහත්මා ගාන්ධි මග ගිය අන්නා හසාරේ කෙනෙකු නොවන බව අපි දනිමු. එහෙත් ඔහුගේ ජීවිතය උදුරා ගැනීමට අයිතියක් ඇත්තේ කාටද? පව්කාර ස්ත්‍රීයට ගල් ගසා මරන්නට පිරිසක් ගල් අමෝරා ගෙන සුදානම් වෙද්දි එහි සපැමිණි ජේසුතුමා පැවසුවේ කිසිදා පවක් නොකළ අයෙකු පළමු ගල ගැසිය යුතු බවය. එසේ නම් භාරතට පළමු ගල ගැසිය යුත්තේ ද කිසිදා පවක් නොකළ අයෙකු මිස පව්කාර දණ්ඩෙකු නොවේ. ඔහුට ළමා අපචාර චෝදනා, ස්ත්‍රී දූෂණ චෝදනා, ස්ත්‍රීන් පැහැර ගෙන යාමේ චෝදනා නොතිබුණි. ඔහු පෞද්ගලික දේශපාලන දොළ පිදේනි වෙනුවෙන් පක්ෂ මාරු කළ අයෙකු ද නොවේ. ඔහුට කුඩුකාරයින් සමග සබඳතා නොතිබුණා මෙන්ම ඔහු ඊට විරුද්ධව සටන් කළේය.

භාරත වසර 30-40ක් දේශපාලනය කළේ කොළොන්නාව ප්‍රදේශයේය. ඔහු ඒ ජනතාව සමග ඉතාම සමීප සබඳතාවක් ගොඩනගා ගෙන තිබූ බව පැහැදිලිය. එහෙයින් ආණ්ඩුවේ වගකීම විය යුතුව තිබුණේ ඔහුට එම ආසනයේ සංවිධායක තනතුර ලබාදීමය. එහෙත් වූයේ අනෙකකි. එහි ප්‍රතිඵලය ලෙස දැන් ඔහු සතර රියනක් යට සැතපෙයි. බිරිඳට සැමියෙක්ද දරුවන්ට පියාද ප්‍රදේශයේ ජනතාවට සිය ආදරණීය නායකයා ද අහිමි වී තිබේ.

මෙවර පලාත් පාලන මැතිවරණ සමයේ කොළොන්නාව ගරු සංවිධායක දුමින්ද සිල්වා මහතා සිය පතාළ මැරයින් සමග එක්ව ප්‍රදේශය පුරා මහත් භීෂණයක් වැපිරුවේය. එදා දහවල් පැෆරල් සංවිධානය සිය නිරීක්ෂකයින් ඔස්සේ එය සනාථ කළේය. ඔහු තම අපේක්ෂයින් වෙනුවෙන් හොඳින් හෝ නරකින් මනාප රැස් කිරීමේ මෙහෙයුමක් අරඹා තිබිණි. දුමින්ද, භාරතගේ ප්‍රධාන අනුගාමිකයා වන ප්‍රසංග සෝලංගආරච්චිගේ කාර්යාලය වෙත කඩා පැන ඔහුගේ බිරිඳගෙන් විමසුවේ ඡන්දය දුන්නේ කාටද කියාය. එවිට ඈ පවසා ඇත්තේ සිය සැමියා වන ප්‍රසංග සෝලංගආරච්චිට බවය. එහිදී තොපි ඔක්කොම මරනවා යැයි කියා මේ ගරු සංවිධායක මහතා සෝලංගාරච්චි මහත්මයට පහර දී ඇති බව මට අසන්නට ලැබුණේ ගුවන්විදුලියේ හඩ්සන් සමරසිංහ මහතාගේ ම මුවින් බැවින් එය අසත්‍යයැයි සිතන්නට කිසිදු කාරණයක් නොමැත. ඒ අනුව සැමියා වෙනුවෙන් බිරිඳට ඡන්දය දීමේ අයිතිය දිනා ගන්නට ආසියාවේ මුලින්ම සර්වජන ඡන්ද බලය ලද රටේ රට වැසියාට දැන් සිදුව තිබීම කවර නම් ඛේදවාචයක්ද?

අනෙක් අතට මෙවර මැතිවරණය සඳහා ගරු සංවිධායක දුමින්ද සිල්වා මහතාගේ අනුගාමිකයින් මෙන්ම භාරතගේ අනුගාමිකයාද ඉදිරිපත් විය. ආසන සංවිධායක ලෙස ද පාර්ලිමේන්තු මන්ත්‍රිවරයෙකු ලෙස ද ආරක්ෂක අමාත්‍යාංශ අධීක්ෂණ මන්ත්‍රී ලෙස ද ගරු දුමින්ද සිල්වා මහතා ලද ජන ප්‍රසාදය ප්‍රතිඵලය මගින් මොනවාට පිළිබිඹු වෙයි. භාරත සහාය පළ කළ සෝලංගආරච්චි මනාප ඡන්ද 42 000ක් ලබා ගනිද්දි දෙවැන්නාට හිමිව ඇත්තේ මනාප ඡන්ද 8000කි. ඒ අනුව ආයතනය දිනාගත්තද ආසන සංවිධායක අන්ත පරාජයකට ලක්ව තිබේ. සෝලංගාරච්චි මහතාට ලබා දුන් සියලු මනාප ගරු දුමින්ද සිල්වා මහතාට විරුද්ධව ලබා දුන් ඒවා බව කිව යුතු නොවේ. මින් හෙළිවන අනෙක් ප්‍රධාන කාරණය ප්‍රදේශයේ ජනතාව සැබවින්ම සිය සංවිධායකයා, නායකයා ලෙස සලකා ඇත්තේ භාරත බවය.

මෙමගින් ආණ්ඩුව අවබෝධ කරගත යුතු වැදගත්ම කාරණය ජනතාව මත බලෙන් නායකත්වය පැටවිය නොහැකි බවය. නායකත්වය ජනතාව තුළින් මතුව ආ යුතුය. මහින්ද සහ රනිල් අතර වෙනස ද එයයි. රනිල් තමාගේ ජ්‍යෙෂ්ඨ නායකයින්ගේ අභාවයේ පිනෙන් පහළ වෙද්දි මහින්ද ජනතාව සමග උරෙනුර ගැටී දේශපාලන කරමින් මතුව ආවේය. මෙවර දුමින්දගේ කුඩුකාර අනුගාමිකයින්ට සහාය පළකිරීම සඳහා ගෝඨාභය රාජපක්ෂ මහතා පැමිණි බවට භාරත සිය අවසන් කතාවේදී චෝදනා කළේය. එසේ පැමිණිය ද ඔහුට ජන මතයට බලපෑම් කළ නොහැකි වූ බව පැහැදිලිය. ජනතාව එය සතයකට මායිම් කොට නැති බව ප්‍රතිඵල මගින් සනාථ වෙයි.

ඔවුන් සිය අසමසම නායකයා ලෙස සලකා ඇත්තේ භාරතය. හිටපු ආසන සංවිධායක භාරතය. ඔවුන්ගේ ගමේ එකාය. ඔහුට රත්මලාන ආසනය භාර ගන්නැයි ජනපති කීවද ඔහු සිය ජනතාව අතැර නොගියේ මේ ළෙංගතු බැඳීම නිසා ම නොවෙද? ඔහු තනතුරුවලට වඩා සිය ප්‍රදේශයේ ජනතාව සමහ හදවතින් බැඳී දේශපාලනය කළ බව පැහැදිලිය. අනෙක් අතට මේ රටට අසමාන මෙහෙවරක් කළ ගෝඨාභය රාජපක්ෂ මහතාට සරත් ෆොන්සේකා මහතාට මෙන් මේ රටේ ජනතා හදවත්වල ඇති ගෞරවය විනාශ කර ගන්නට ඉඩ නොතැබීම පරිණත දේශපාලඥයකු වන මහින්ද රාජපක්ෂ මහතාගේ වගකීමයි.

දුමින්ද සිල්වා සහාය පළ කළේ පතාළයේ නම ගිය කරාටේ ධම්මික නමැත්තෙකුගේ ඥාති පුතෙකුට බව දිවයින පුවත්පතේ සඳහන් විය. එසේ නම් උතුරේ ත්‍රස්තවාදය අවසන් කිරීමෙන් පසු රටේ පතාළය විනාශ කරන බවට සපථ කළ ගෝඨාභය රාජපක්ෂ මහතා හෝරාගේ අම්මාගෙන් පේන අහන්නට දුමින්ද ළං කර ගත්තේද? අනෙක් අතට භාරතගේ ආසන සංවිධායකකම දුමින්දට ලබාදීමෙන් ප්‍රදේශයේ ජනතාව ලැබුවේ කුමක්ද? 2005 වසර වන විට 16ක් ව පැවති කුඩු තිප්පොළවල් ගණන 570ක් වීමද? ප්‍රදේශයේ තරුණියකට රැයට තබා දහවලටවත් මහ මග යා නොහැකි වීමද? ප්‍රදේශයේ තරුණයින් කුඩුකාරයින් බවට පත්වීමද? මැරයින් පතාළ කාරයින් වැහි වැහීමද?

මැතිවරණ ප්‍රතිඵලවලින් පැහැදිලි වන්නේ ජනතාව බුද්ධිමත් සහ සාධාරණ තීන්දුවක් දී ඇති බවය. ඔවුන් සිය මනාපය දුමින්දට ඇති අමනාපය ප්‍රකාශ කිරීමට භාවිත කර තිබේ. ඔහුගේ සියලු නීති විරෝධි ක්‍රියාවලට විරුද්ධව භාවිත කර තිබේ. කොළඹින් දුමින්ද සහාය පළ කළ ජීහාන් හමීඩ් මහත්මිය ද පරාජයට පත්ව තිබේ. ආණ්ඩුව සහ පොලිසිය, දුමින්ද ආරක්ෂා කළ ද ජනතාව භාරත ආරක්ෂා කර තිබේ. භාරත සිය අවසන් කතාවේදී සපථ කරන අයුරින්ම සෝලංගාරච්චි ලංකාවේ වැඩිම මනාප ලාභියා බවට පත් කළේ ප්‍රදේශයේ සංවිධායක, පොලිසිය, ආණ්ඩුව හැම විටම දුමින්ද සිල්වාට සහාය දක්වන පසුබිමකය. එහෙත් ඒ ජයග්‍රහණය භුක්ති විඳින්නට භාරතට වරම් නොලැබිණි.

මේ ආණ්ඩුවට පදනම් වූ ජනමතය විනාශ කරන කඳ පණුවා කවුද? මේ රටේ බෙංගාසි කැරලිකරුවන් නිර්මාණය කරන ප්‍රධාන ගර්භාෂය කුමක්ද? යන ප්‍රශ්න දෙකටම අපට ඇත්තේ එක පිළිතුරකි. ඒ 2005 ජනවරමට විරුද්ධව වැඩ කොට එහි ජයග්‍රහණය වළක්වාගත නුහූ තැන කපන්න බැරි අත සිඹින්නට පැමිණි පිරිස බවය. මොවුන් පවසන්නේ තමන් ජනපති දෑත ශක්තිමත් කරන බවය. එහෙත් මොවුන් පාලනය කරන සියලු ආයතන ජනතාව මේ ආණ්ඩුවට විරුද්ධව පෙළ ගස්වන තැනට කටයුතු කරන බව අපට පෙනේ. මේ කිසිවෙකු 2005 ජනවරමට හිස නමා එය පිළිගෙන පැමිණියා නොව හුදු පෞද්ගලික ලාභ ප්‍රයෝජන උදෙසා පැමිණි අයය. අනාගත එජාප ආණ්ඩුවක් පහළ වන ලකුණු දැනට නැතද ආශ්චර්යකින් පහළ වුවහොත් එහි මුල් පුටු හොබවනු ඇත්තේ ද මොවුන්මය.

ආණ්ඩුවට මේ සිද්ධියෙන් උගත හැකි පාඩම් බොහෝය. නායකයින් නිර්මාණය කරන්නේ ජනතාව මිස ආණ්ඩු නොවන බව පැහැදිලිව මතක තබා ගත යුතුය. සැබෑ ජන පදනමක් ඇති නායකයින් වෙනුවට පැරෂුට්කාරයින් බැස්සවීමෙන් සුදුවන්නේ විනාශයක් පමණි. එහෙයින් කොළොන්නාවට පමණක් නොව රටේ ඕනෑම ආසනයකට නායකයින් පත් කරන විට භාරත - දුමින්ද සිද්ධිය පරමාදර්ශයක් කර ගැනීම ආණ්ඩුවේ පරමායුෂ තීරණය කරන සාධකය වනු ඇත.

හොඳ ත්‍රස්තවාදය සහ නරක ත්‍රස්තවාදය කියා දෙකක් නැත යන ජනපති ප්‍රකාශය අනුව ම හොඳ පතාළය සහ නරක පාතාළය කියා ද දෙකක් නැති බව අවබෝධ කරගත යුතුය. නිහතමානී සිය වැරදි නිවැරදි කරගත යුතුය. ජනමතයට කන්දිය යුතුය. එසේ නොවුණ හොත් මේ රටේ දේශමාමක ජනතාව මහත් වැරවෑයමින් ගොඩනැගූ 2005 ජන වරමද ත්‍රස්තවාදය විනාශ කොට ලද ජයග්‍රහණයද ගඟට කැපූ ඉණි සේ බවට පත්වනු ඇත. එපමණක් නොව ඉස්සෙල්ලා ආ කනට වඩා පස්සේ ආ අං ආණ්ඩුවට ලොකු විය හැකි වුව ද ජනතාව නම් ලොකු නැති බව නම් තරයේ සිහිපත් සිහියේ තබා ගත යුතුමය.

Tuesday, October 4, 2011

ලංකාවට සිංහ නාද කරන පොලිසියක් අවශ්‍ය වී තිබේ

මෙරට සිටින නිල පතාල කල්ලිය පොලිසිය යැයි කිසිවෙකුට සාධාරණ චෝදනාවක් එල්ල කළ හැකි තරමට ලංකා පොලිසිය දිනෙන් දින පිරිහෙමින් තිබේ. නීතියට මුවා වී රට පුරා අහිංසකයින් මරා දැමීම මොවුන්ගේ විනෝදාංශය බවට පත්ව ඇතැයි සිතෙන තරම්ය. මුහුදට පැන වැඳ වැටෙන අහිංසකයෙකුට පොලුවලින් පහර දී මරා දැමූ පොලිසිය ඊට පසු අඟුලානේ දී තරුණයින් දෙදෙනෙකු වෙඩි තබා මරා දැමුවේය. සුපුරුදු පරිදි දොම්පේ පොලිසියට රැගෙන ගිය තරුණයෙකු දිනකට පසු මල මිනීයක් බවට පත්ව තිබිණි.

මෙසේ මාධ්‍ය ඔස්සේ වාර්තා වන දෑවලට අමතරව පොලිසියේ නේක අඩම්තේට්ටම්වලට වධ බන්ධනවලට ගොදුරු වන මිනිසුන් ප්‍රමාණය අතිමහත්ය. ඒවා තිත්ත කුණුහරුපයෙන් කරන බැණ අඬ ගැසීම්වල සිට අත පය කැඩෙන තුරු කරන දරුණු පහර දීම් දක්වා ගලා යයි. මෙවන් තත්ත්වයක් තුළ පොලිස් නිලධාරියෙකු තමාට දෙනෝදහක් මැද කුණු හරුපයෙන් බැණ වැදීම ජනතාව සලකන්නේ තමන්ට සිදුවන හිංසනයක් ලෙස නොව ගෞරවයක් ලෙසය. මන්ද අතක් පයක් කඩා නොගෙන පොලිස් නිලධාරියාගෙන් මිදීමට හැකිවීම ගැන ඔවුන්ට උදම් ඇනිය හැකිය.

මේ අතර අලි සංගණනයට ගිය නිලධාරීන් දෙදෙනෙකු ග්‍රීස් යකුන් යැයි පල්ලියක සිර කර ගත් මැර කල්ලියක් අභියස වැඳ වැටෙන ඉහළ පොලිස් නිලධාරියෙකු මාධ්‍ය ඔස්සේ රටට ම දක්නට ලැබිණි. ඔහු අර මැර රංචුව ඉදිරියට විත් තමා මරා දමන්නැයි ද අහිංසක නිලධාරීන් දෙදෙනා නිදහස් කරන්නැයි ද ඉල්ලා සිටියේ ය. මේ පොලිස් නිලධාරියා මෙසේ වැඳ වැටුණේ, ආයාචනා කළේ රටේ නීතිය අතට ගෙන ක්‍රියා කළ මැර රංචුවක් ඉදිරියේ ය.

ඊට පසු දිනක කොල්ලුපිටියේ පවත්වා ගෙන නීති විරෝධි පන්සල් කඩයක් වෙත පැමිණි මහා සංඝ රත්නය හමුවේ එහි පැමිණි උසස් පොලිස් නිලධාරියෙකු හැසිරුණු ආකාරයෙන් සාමාන්‍ය ජනතාව සමග මොවුන් ගනුදෙනු කරන ආකාරය කෙතරම් බිහිසුණු විය හැකි දැයි අවබෝධ කර ගත හැකිය. මේ කඩය පිළිබඳ කිහිප වරක් සිය විරෝධය පළ කළ ද ඊට එරෙහිව කිසි පියවරක් නොගත් පොලිසිය, එහි පැමිණි මහා සංඝ රත්නය හමුවේ හැසිරුණේ මේ පන්සල් කඩය පවත්වා ගෙන ගියේ අර පොලිස් නිලධාරියාගේ නැන්දාම්මා යැයි ඒ දුටු අයට සිතෙන තරම් පහත් ලෙස ය.

නීතිය කාටත් එකය. නීතිය අතට ගැනීමට කිසිවෙකුට ඉඩ දිය නොහැකි යැයි කෙනෙකු තර්ක කළ හැකිය. එහෙත් නීතිය කාටත් එක නම් පෙර කී නිලධාරීන් මැර රංචුවක් අබියස වැඳ වැටී නිරායුධ මහ සඟ රුවන ඉදිරියේ කුලප්පු වී උඩ පැනීම අප අවබෝධ කරගන්නේ කෙසේද?

මහ සඟ රුවන ඉදිරියේ සිංහ වේශයෙන් පෙනී සිටි මේ පොලිස් නිලධාරියා එකී පන්සල් කඩය ආරක්ෂා කිරීමට ක්‍රියාත්මක වූ දේශපාලන හස්තය හෝ මොනයම් බලවේගයක් හෝ ඉදිරියේ මෙසේ හැසිරුණි නම් නොවෙද, ඔහු නියම සිංහයෙක් වන්නේ? මෙසේ නීතිය ක්‍රියාත්මක කරන්නැයි ඉල්ලා සිටින බලවේග නිහඬ කිරීමෙන් සිදුවන්නේ රටේ තව තවත් අපරාධ බහුල වීම නොවෙද? ආගම්වලට මුවා වී මිනිසුන් ගසා කමින් ඔවුන්ගේ ජීවිත සමග සෙල්ලම් කිරීමට උඩගෙඩි දීම නොවේද? මිනිසුන් පැහැර ගත් මැර රංචුවකට වැඳ වැටීමෙන් පොලිසිය ලබා දෙන ආදර්ශය කුමක්ද?

මේ සිදුවීම් දකින විට එස්. මහින්ද හිමියන්ගේ කවක් මා සිතට නැඟුණේ නිතැතින්මය.

උස් තැන් දැක හැකි‍ළෙන්නේ
මිටි තැන් දැක පුප්පන්නේ
නිවටුන් බව සිතමින්නේ
මගේ පුතා ලොකු වෙන්නේ

දේශපාලන බලය, මැර බලය, තක්කඩිකම්, පගාව, අල්ලස ඉදිරියේ දෙකට තුනට කුදු වන්නෝ එවන් බලයක් නැති දුබලයින් දුටු කළ සිංහ ගර්ජනා කරන්නට තතනති. එහෙත් ඒ තප්පුලෑමක් පමණි. උඩු බිරීමක් පමණි. නිවට ඇම්බැට්ටයා දුටුවාම එළුවා ද නිකට පානවා යැයි ගැමියන් කීවේ මේ වැනි අවස්ථාවලය. එය සිංහ ගර්ජනාවක් වන්නේ අසාධාරණය, අයුක්තිය, අවනීතිය ඉදිරියේ නැගීමෙනි. සැබෑ වීරයින් නම් කළ යුත්තේ එයයි.

එමෙන්ම සිය රාජකාරිය දේවකාරිය මෙන් සලකන, අවිනීතිය අයුක්තිය, අසාධාරණය හමුවේ දණ නොනමන, විනය ගරුක පොලිස් නිලධාරීන්ට අපි අපේ ගෞරවය පුද කිරීමට ද නොපැකිළෙමු. එහෙත් දැන් දැන් එවන් උතුමන් කළුනික මෙන් දුර්ලභ බව ද ලියා තබමු. රටට අවශ්‍ය එවන් සිංහ නාද කරන පොලිසියක් මිස උඩු බුරන තප්පුලන පොලිසියක් නොවේ.

කරුණු මෙසේ හෙයින් පොලිසියේ සිටින බල්ලන් රංචුව බැඳ දමන ලෙස ද හමුදා නිලධාරීන් මෙන් විනය ගරුක පොලිස් නිලධාරියෙක් තැනීමට කටයුතු කරන මෙන් ද ආරක්ෂක ලේකම් ගෝඨාභය රාජපක්ෂ මහතාගෙන් ඉල්ලා සිටිමු. රටේ පතාළය විනාශ කිරීම පැත්තකින් තබා පොලිස් පතාළය විනාශ කොට දිනාගත් නිදහස භුක්ති විඳීමට රටේ සාමාන්‍ය ජනතාවට අවස්ථාව උදා කර දෙන මෙන් අපි එතුමාගෙන් ගෞරවෙන් ඉල්ලා සිටිමු. එසේ නැතහොත් මේ රටේ නීති සාමය ආරක්ෂා කිරීම බරපතළ අර්බූදයකට යනු ඇත්තේ පොලිසියේ මෙවන් වැරදි දඩමීමා කරගෙන කසිප්පුකාරයින් ගංගා වවන්නන් ස්ත්‍රී දූෂකයින් ජනතාව පොළඹවා ගෙන පොලිසිවලට කඩාපාත්වීම නිසාය. එවිට බටහිර මාධ්‍ය එය වාර්තාකරනු ඇත්තේ ලංකාවේ සිවිල් ජනතාව මහින්ද රාජපක්ෂ පාලනයට එරෙහිව පොලිසිවලට පහරදී සිවිල් නීති කඩකිරීම අරඹයි යනුවෙනි.

Wednesday, September 28, 2011

මහවැලි ගොවීහු පිරිසක්‌ රජයේ පොහොර සහනාධාරය එපා කියති - පුවතක්

ඊනියා කෘෂිකර්ම විද්‍යාඥයින් සහ ආචාර්ය මහාචාර්යයින්ට කෘමි නාශක රසායනික පොහොර නැතිව හුස්ම ගත නොහැකි සමයක මහවැලි බී කලාපයේ වැලිකන්දේ ගිනිගමන ගමේ ගොවීන් පිරිසක් රජයේ පොහොර සහනාධාරය ප්‍රතික්ෂේප කර තිබේ. රසායනික පොහොර භාවිතයෙන් අක්කරකට බුසල් 120ක වී අස්වැන්නක් ලැබූ ඔවුහු කාබනික පොහොර භාවිතයෙන් බුසල් 200ට ආසන්න අස්වැන්නක් ලබති.

සහනාධාරයක් ලෙස සයනයිට් දුන්නද ඒවා ගෙන කා මැරෙන තරමට ජාතිය හිඟන මානසිකත්වයක සිටින යුගයක සහනාධාරයක් ප්‍රතික්‍ෂේප කිරීම ම ප්‍රණාමයට හේතුවකි. අද ලංකා ජාතියෙන් බහුතරය මොනයම් හෝ සහනාධාරයකින් යැපෙන හිඟන රංචුවක තත්ත්වයට පිරිහී තිබේ. එම හිඟන මානසික විසාදියෙන් මිදී සිය සම්ප්‍රදාය මත විශ්වාසය තබා දෙපයින් නැගී සිටීමට මේ කොදෙව්වේ ම අතලොස්සක් වුව තීරණය කිරීම සුබ පෙරමග ලකුණකි.

සැබවින් ම මේ රට පෙරදිග ධාන්‍යාගාරය බවට පත්වූයේ රසායනික පොහොර මුදලාලිලාගේ රන්කැට වන් වස කැට දමා මේ පොළොව කෙළෙසීමෙන් නොවේ. ඔවුන්ගේ වස ඉසීමෙන්ද නොවේ. අපේ සම්ප්‍රදාය පදනම් කරගත් අපේ වී වර්ගවලිනි. වස විස නැති පොහොරිනි. වස විස නැති කෙම්ක්‍රම ආදිය පදනම් කරගත් කෘමි පාලන, වල් පාලන ක්‍රමවලිනි.

මේ රටේ දේශ මාමකයින්ගේ ඡන්දයෙන් බලයට පත් ආණ්ඩුවට ගිනිගමන ගමේ ගොවින් ලබාදුන් පණිවිඩය හමුවේ ගතයුතු ක්‍රියාමාර්ග කිහිපයකි. පළමු වැන්න නම් වස කොම්පැණි සහ රසායනික පොහොර කොම්පැණිකාරයින්ගේ ආධිපත්‍යයට ගොදුරු වී ඇති ගොවියා ඉන් මුදවා ගැනීමයි.

ඒ සඳහා මේ රටේ විශ්වවිද්‍යාලවල කෘෂි පීඨවලින් පිට කරන කෘෂි උපාධිධාරීන්ගෙන් රටට ලැබෙන ඵලය කුමක්ද යන්න සමාලෝචනය කළ යුතුය. උක්ත සමාගම්වලට සේවය කිරීම හැර ඔවුන් කරන දෙයක් නැත. මේ පීඨවලින් අඩු තරමේ ගෙදර කෙහෙල් පඳුරක් හරියට නඩත්තු කරන මිනිහෙක් බිහි කළේද යන්න මට නම් ගැටලුවකි.

එහෙයින් මේ පීඨවල රටේ අවශ්‍යතාව අනුව දේශීය දැනුම සම්ප්‍රදාය නමැති පදනමේ පිහිටා විදෙස් දැනුම සමග ගනුදෙනු කළ හැකි පිරිසක් බිහි කළ හැකි වන පරිදි විෂය මාලා සැකසිය යුතුය.

මෙතෙක් කල් පොහොර සමාගම් මාෆියාව අප හමුවේ වමෑරූ අසත්‍ය ප්‍රචාර දැන් ජනතාව ඉදිරියට ගෙන යා යුතුය. ඒ සඳහා රජයේ මාධ්‍යවල විශේෂයෙන් රූපවාහිනි ගුවන්විදුලි මාධ්‍යවල ප්‍රමාණවත් ඉඩක් වෙන් කිරීම ඉතා වැදගත්ය.

එහෙත් මේ රජය කරන්නේ කුමක්ද? ඉඟුරු දී මිරිස් ගැනීමය. සිගරට් මත්පැන්වලට බදු ගසා ලබා ගන්නා මුදලින් රසායනික පොහොරවලට සහනාධාර දීම වනාහි කැහි ගෑණි දී හොටු ගෑණි ගැනීමේ පිළිවෙතට එහා නොයන්නකි.

එහෙයින් රජය කළ යුත්තේ මේ මංමුලාවෙන් මිදී කාබනික පොහොරවලට වඩ වඩා සහනාධාර දෙමින් එය දිරි ගැන්වීමය. එම අස්වනු මිලයට ගැනීමට පුළුල් වෙළඳ පොලක් සැකසීමය. එය ක්‍රමයෙන් සාර්ථක වන විට රසායනික පොහොර සහනාධාර කප්පාදු කිරීමය. සිය නිවසේ කුණු ටික යළි පොහොර බවට හරවා ගැනීමේ ක්‍රමවේදය දක්වා ජන මනස සැකසිය යුතුය. වසෙන් විසෙන් තොර සෞඛ්‍යාරක්ෂිත ආහාර වේලක් ලබා ගැනීමේ අයිතිය ජනතාව වෙත ලබා දිය යුතුය.

එය නොතකමින් ගෙවතු දශ ලක්ෂයක් නොව විසි ලක්ෂයක් වගා කළද අපේක්ෂිත ප්‍රතිඵල අත් නොවනු ඇත. වගා කිරීම් දිරි ගැන්වීමට සාපේක්ෂව කාබනික පොහොර සහ දේශීය කෘමි පාලන ක්‍රම සහ වල් පාලන ක්‍රම දිරිගැන්විය යුතුය. දේශීය වී වර්ග නැවත නිෂ්පාදනය කළ යුතුය. රෝගවලට ඔරොත්තු දෙන බීජ වර්ග හඳුන්වා දිය යුතුය. එසේ නැතහොත් මේ සියලු වගා දිරිගැන්වීම්වල අවසාන ප්‍රතිඵලය පොහොර මුදලාලිලා සහ වස මුදලාලිලා මිලියන බිලියන ගණනින් සාක්කුවේ දමා ගන්නා අතර ඒ යාන්ත්‍රණයට ගොදරු වන රටේ ජනතාව අලිය ගිල්ල දිවුල් වැනි වනු ඇත.

Tuesday, September 27, 2011

කොළඹ නරගයේ සිඟමනේ යෙදෙන්නන් අත්අඩංගුවට ගැනේ - පුවතක්

මේ රටේ ඉන්න සම-හරක් නොදන්නවා වුණාට හිඟාකෑම නීතියෙන් තහනම්. ඒක ලංකාවේ දඬුවම් ලැබිය හැකි වරදක්. දැන් වෙලා තියෙන්නේ මේ සියලු හිඟන්නෝ වැටුප් ශ්‍රමික‍යෝ වෙලා. ඒ කියන්නේ හිඟන මුදලාලිලා යටතේ සේවය කරන ශ්‍රමිකයෝ. අපි දෙන හැම රුපියලකින්ම වැඩි කොටස යන්නේ මේ හිඟන මුදලාලිට. ඒ අය යන්නේ ප්‍රාඩෝවලින්. කන්නේ හිල්ටන් ගලදාරිවලින්.

මේක මහා පරිමාණ පතාළ බිස්නස් එකක්. ඒ නිසා මේක කොළඹ ට්‍රැපික් ලයිට් ළඟ විතරක් නෙමේ මහ මග, බසයේ, කෝච්චියේ හිඟාකෑම තහනම් කළ යුතුයි. ජීවත් වෙන්න අමාරු අය ඉන්නවා නම් ඒ අයට වෙනම අනාථ නිවාස වගේ දේවල් රජය ක්‍රියාත්මක කළ යුතුයි. මිනීමරු පතාළය වගේ හිඟන පතාළයත් වහා තුරන් කළ යුතුයි.

මීට විරුද්ධව නැගී සිටිය හැකි සිව්වනක් පිරිසක් මම දකිනවා. පළමු පිරිස මේ හිඟන්නන් අන්ත අසරණ මිනිසුන් යැයි සිතාගෙන ඒ පසුපස ඇති මහා ව්‍යාපාරය පිළිබඳ නොදන්න අය. මේ අය සංවේදී මිනිස්සු. වහා හිත උණුවෙන මේ රටේ සිංහල බෞද්ධ සංස්කෘතියෙන් පෝෂණය වුණු මිනිස්සු. එයාලා පක්ෂ භේදවලින් තොරව මේකට විරුද්ධ වෙනවා, තමන්ගේ දැනුමට සාපේක්ෂව.

ඊළඟ පිරිස තමයි දේශපාලන පක්ෂ කසාද බැඳපු අය. මේ අය බැඳපු ගෑණු පතිවෘත්තාව රකින්නා සේ සිය දේශපාලන පක්ෂය වෙනුවෙන් පෙනී සිටින අය. එයාලට විපක්ෂයේ ඉද්දි ආණ්ඩුව කරන සියල්ල වැරදියි. ආණ්ඩු කරද්දි ආණ්ඩුව කරන සියල්ල හරි. මේකත් අනුකම්පා කළ යුතු මන්ද මානසික තත්ත්වයක්. තමන් අවංක දේශපාලන පක්ෂ බැතිමතෙක් වෙන්න නම් දේශපාලන කන්‍යාභාවය ආරක්ෂා වෙන්න නම් ආණ්ඩුව කරන හොඳ නරක හැම දේටම විරුද්ධ වීම තමන්ගේ යුතුකම කියලයි මේ අහිංසක‍යෝ හිතන්නේ.

ඊට පස්සේ ඉන්නේ හිඟන මුදලාලිලා. මේ අයගේ ජීවිකාව ඒ කියන්නේ රස්සාව හිඟන වෙළඳාම නිසා මීට විරුද්ධ වීම සාධාරණයි. මොකද කිසිදු මහන්සියකින් තොරව තමන් විඳින රජ සැප ගලන උල්පත වහන්න යද්දි ඊට විරුද්ධ වීම හරි ස්වභාවිකයිනේ.

මේ අය තමන්ගේ වෙළඳාම සුරක්ෂිත කරගන්න ලොකු දේශපාලන අතුවල එල්ලිලා ඉන්නේ. ඇතැම් මැති ඇමතිලාට ඡන්දවලට අත දිග හැරලා වියදම් කරන්නේ මේ හිඟන මුදලාලිලා. ඉතින් තමන්ගේ ආධාරකාරයින් වෙනුවෙන් ඔවුන් මත යැපෙන ඒ කියන්නේ වක්‍රාකාරව හිඟන්නන් ම යැපෙන දේශපාලන හිඟන්නන් විරුද්ධ වීමත් අසාධාරණ නැහැ.

මේ අය අනුකම්පාව කියන වෙස් මුහුණ දාගෙන තමන්ගේ විළි වසාගෙන අපි අසරණ හිඟන ජනතාව වෙනුවෙන් ජීවිතය පූජා කරලා සටන් කරනවා කියලා කෑ ගහවි. මේ ජීවන වියදමේ හැටියට දැන් රටේ ඔක්කෝම ජනතාවට හිඟා කන්න වෙලා තියෙන්නේ. ජනතාව හිඟා නොකා හිඟා කනවා. නොමැරි ඉන්න කනවා. වේලක් ඇර වේලක් කනවා. ජනතාව හිඟා කාලා හරි ජීවත් වෙන්න ඕන නේද? මේ ආණ්ඩුව නගර අලංකාර කරන්න හිඟන්නෝ මරනවා වගේ දෙකයි පහේ ගොං කතා අහන්න තරම් මෝඩ මිනිස්සු දැන් ලංකාවේ බත් කන මිනිසුස්සු අතර අඩුයි. මේ විදිහට කෑ ගහන්නේ තමන්ගේ බඩ වියත රැක ගැනීම සඳහා කියලා අපි දන්නවා.

ඒ නිසා ජනතාවගේ සංවේදීකම, නොදන්නකම පාවිච්චි කරලා කරන මේ නීති විරෝධී වැඩේ නතර කිරීම වගකිව යුතු රජයක යුතුකම.

Monday, September 26, 2011

රජය දෙමළ ජනයාට වන්දි ගෙවිය යතුයි, හමුදා කඳවුරු ඉවත් කල යුතුයි - ආනන්ද සංගරී

කළ හොඳ පස්සෙන් ඒමට පටන් ගෙන තිබේ. අහක යන නයි රෙද්ද අස්සේ දාගෙන කෑවෝ කෑවෝ කීමට දැන් අපට සිදු වී ඇත. ප්‍රභාකරන් විසින් මේ වන විට මරා දමා වසර ගණනාවක් ගත විය හැකිව තිබූ මේ මිනිසා ආරක්ෂා කළේ සිංහල සෙබලු විසිනි. ඔහු කිසිදු පාර්ලිමේන්තු මන්ත්‍රීවරයෙක් නොවන කාලයේ පවා නිල නිවාස සහ ආරක්ෂාව ලබාදීමට රජය පසුබට වූයේ නැත. දැන් ඔහු සිය කෘතගුණ සැලකීමේ අවස්ථාව මැනවින් ප්‍රයෝජනයට ගන්නා බව පෙනේ. කැලේ මාරු වුණත් කොටියාගේ පුල්ලි මාරු නොවන බව කියන්නේ මේ නිසාය.

සැබවින්ම කොටි බිහි කර කිරි පොවා හදා වඩා ගත්තේ සංගරීලා සහ ඔවුන්ගේ ගුරුවරුය. ප්‍රභාකරන් මොවුන්ට විරුද්ධ වූයේ ඊළම වෙනුවෙන් සන්නද්ධ ක්‍රියා මාර්ගවලට නොපිවිසීම සහ දෙමළ ජනතාවගේ එකම නායකයා ලෙස නැගී සිටීමේ ආශාව නිසාය. එහෙත් තමන්ට ප්‍රභා තර්ජනයක් වන තුරු මේ ඊනියා ප්‍රජාතන්ත්‍රවාදී නායකයෝ ඔහුට ආවැඩූහ. ප්‍රභාගේ ත්‍රස්තවාදය දඩමීමා කරගෙන සිය ඊළාම් අරමුණු දිනා ගැනීමට වෙහෙසුණහ.

එහෙයින් මේ අලුත් තත්ත්වයක් නොව ලූලා නැති වළට පණ්ඩිත කනයා සේ ප්‍රභාකරන් නැති තැන දෙමළ නායකත්වය අරගෙන නැවත රට ඊළම වෙත දක්කා ගෙන යන යෑමට දරන තැතකි. නැවත දෙමළ තරුණයින් යළි අවි අතට ගනී නම් ඒ ගින්නෙන් සුරුට්ටු පත්තු කිරීම හෙවත් ඊළම කරා යෑම මොහුගේ අරමුණය.

සිය ආචීර්ණ කල්පික යල්පිනු දෙමළ ජාතිවාදයේ කර වටක් ගිලි සිටින සංගරීලා ඉන් ගොඩ ගැනීම කළ නොහැකිය. එහෙත් කාලයත් සමග සංගරීලාගේ මේ මතවාදය ඔවුන්ගේ ස්වභාවික මරණයෙන් කෙළවර වනු ඇත. මොවුන් කිසිදා වර්තමාන සමාජ දේශපාලන ක්‍රමයට අනුගත වෙතැයි සිතීම විහිළුවකි. සිංහල ජනතාව සමග සමගියෙන් ජීවත් වීමට එකඟ වනු ඇතැයි සිතීමද මුලාවකි. එය රජය අවබෝධ කරගත යුතුය. එපමණක් මදිය. දෙමළ තරුණයින් ‍මොවුන්ගේ ජාතිවාදී උගුලින් ගළවා ගැනීමට හැකි සෑම ක්‍රියා මාර්ගයක්ම ගත යුතුය.

තමන්ට ස්වභාවික මරණයක් හිමි කර ගැනී‍මට ඉඩ සැලසීම පිළිබඳ කෘතඥ වනු වෙනුවට දැනට රජය උතුරේ සිදු කරන සංවර්ධන කටයුතුවලට සහය වනු වෙනුවට මොහු කරන්නේද සම්බන්ධන්ලා කරන ක්‍රියාවම බව පැහැදිලිය. උතුරේ ජනතාවට වන්දි ගෙවිය යුත්තේ ප්‍රභාකරන්ලා බෝ කළ සංගරීලා සම්බන්ධන්ලා සහ ඔවුන්ගේ ගුරුවරු මිස රජය නොවේ. උතුරේ ජනතාව සහ රට ප්‍රභාකරන් නමැති මෘගයාගෙන් ගළවා ගැනීම පිළිබඳ ජාතිවාදී නොවන දෙමළ ජනතාව රජයට කෘතඥ වනු ඇත.

දැන් රජය කළ යුත්තේ මේ දේශපාලන මහල්ලන්ගේ නරිවාදන්වලට කන් දීම නොව උතුරේ ජනතාවගේ සැබෑ ප්‍රශ්නවලට තවත් ජවය ගෙන විසඳුම් සැපයීමය. ඒ අතර සැබෑ දේශප්‍රේමී දෙමළ නායකත්වයක් උතුරේ ගොඩනැගීමය. නැගෙනහිර මහ ඇමති පිල්ලෙයාන් ද මෑතදී පලාත් සභාවලට පොලිස් සහ ඉඩම් බලතල අවශ්‍ය නැතැයි පිළිගැනීම අප රට දල මහත් ජයග්‍රහණයකි. රජය වහ වහා උතුරේ ද මෙවැනි නායකත්වයක් නිර්මාණය කරගත යුතුය.

පසුගිය පලාත් පාලන මැතිවරණවලදී ආණ්ඩු පක්ෂයෙන් පත්වූ මන්ත්‍රීවරුන් ඒ සඳහා බෙහෙවින් ප්‍රයෝජනවත්ය. එමෙන්ම මෑතදි තම අරමුණ මේ රටේ ජනාධිපති වීම යැයි පැවසූ දෙමළ තරුණයා අපේ මේ අරමුණ මල් පල ගැනෙන බවට සුබ පෙර නිමිත්තකි. රටට අවශ්‍ය ඊළමේ මැති ඇමතිකම් පිළිබඳ දවල් සිහින දකින්නන් නොව ඒකීය ශ්‍රී ලංකාවේ ඉහළම තනතුරු සඳහා සිහින දකින්නන්ය. එවන් නායකත්වයන් පිළිබඳ පරමාදර්ශ අපේ ඉතිහාසයේ අපට ඕනෑ තරම් තිබේ. මෙහිලා එකම කොන්දේසිය සිංහල බෞද්ධ සංස්කෘතිය පිළිගැනීම සහ රටේ ඒකීයත්වය පිළිගැනීම පමණි.

Wednesday, September 14, 2011

හමුදාව අනවශ්‍යයි-ප්‍රදේශය සාමාන්‍ය අතට හැරිලා උතුරට දෙමළ පොලිස්‌ නිලධාරීන් යොදවන්න රොබට්‌ බ්ලේක්‌ගෙන් යෝජනාවක්‌ - පුවතක්

බැලූ බැල්මට හරිම අවංක සාධාරණ යෝජනාවක්. ඒත් බ්ලේක් උන්නැහේ ආයේ වටයකින් රටට ගිනි අවුලන්න කරන යෝජනවක් මේක. මේක මාධ්‍යයට කීවේ බ්ලේක්ගේ කට වුණාට ඕක ඇත්තටම බෙදුම්වාදයේ හඬ. මේ රටේ පොලිසිය සියලු ජාතීන් නියෝජනය කළා. දෙමළ අය පොලිසියෙන් ඉවත්වුණේ කොටි තර්ජන නිසා. ඒ නිසා නැවත පොලිසියට දෙමළ අය බඳවා ගත යුතුයි.

කොටි ත්‍රස්තයින් රට ගිනි තියන්න පටන් ගන්නා විට ලංකා හමුදාව 16000ක් විතර ඇති. නව ආයුධ නැහැ. පුහුණුව නැහැ. ඉතින් කොටින්ට පුළුවන් වුණා ඉන්දියාවේ අවි පුහුණුව ලබලා ඇවිත් රට විනාශ කරන්න. ඒ නිසා හමුදාව කිසිසේත් අඩු කළ යුතු නැහැ. සීමා කළ යුතු නැහැ. පුහුණුවීම්, අභ්‍යාස දිගටම කළ යුතුයි. රටේ සියලු මර්මස්ථානවලට හමුදා ආරක්ෂාව ලබාදිය යුතුයි.

හැබැයි කිසිසේත් මේ රටේ වාර්ගික පදනම මත උතුරු නැගෙනහිර පොලිසිවලට දෙමළ හෝ මුස්ලිම් අය දැමිය යුතු නැහැ. ඒක හරිම භයානකයි. 1980 දශකයේ කොටි ප්‍රහාර අරඹද්දි මේ විදිහට බහුතරයක් උතුරු නැගෙනහිර පොලිස් නිලධාරීන් දෙමළ මුස්ලිම්වීම තමයි ඔවුන්ට ලොකුම ආශීර්වාදය වුණේ. පොලිසිවල අවි ආයුධ කොටි අතට ගියේ ආරක්ෂක රහස් කොටි අතට ගියෙ මේ නිලධාරීන් මාර්ගයෙන්.

නිරායුධ සහෝදර සිංහල පොලිස් නිලධාරීන් 600ක් එක පෙළට තියලා මරන්න උදව් කළේ මේ පොලිසිවලට අනුයුක්තව සේවය කළ ඇතැම් දෙමළ, මුස්ලිම් පොලිස් නිලධාරීන් බව අද රහසක් නෙමේ. ඒ නිසා මේ සියල් නැවත සිහිපත් කළ යුතුයි.

ඒ වගේම කොටි පොලිස්පති වුණේ, පස්සේ දේශපාලන අංශ නායක වුණේ ලංකා පොලිසියේ සේවය කළ පොලිස් කොස්තාපල් කෙනෙක් වුණු නඩේසන් බව අමතක කළ යුතු නැහැ.

ඒ නිසා උතුරු නැගෙනහිර පොලිසිවලට 70%ක් විතර සිංහල නිලධාරීන් යොමු කළ යුතුයි. ඔවුන්ට දෙමළ භාෂාව පිළිබඳ දැනුම ලබා දිය යුතුයි. පොලිසියට බඳවා ගන්න දෙමළ නිලධාරීන් බහුතරය සෙසු පළාත්වලට යොමු කළ යුතුයි.

ඒ මගින් ජන වර්ග අතර අන්‍යෝන්‍ය අවබෝධය වැඩෙනවා. එකිනෙකාට ගරු කරන්න ඉගෙන ගන්නවා. දෙමළ පොලිස් නිලධාරීන්ට ගරු කිරීමට සිංහල ජනතාව ඉගෙන ගැනීම ඉතාම වැදගත්. එතකොට අන්තවාදය යටපත් වෙනවා.

අනෙක් අතට රට පුරා පිහිටුවා ඇති හමුදා කඳවුරු කිසිසේත් ඉවත් කළ යුතු නැහැ. ඒවා තව තව ශක්තිමත් කළ යුතුයි. හමුදා කඳවුරු තර්ජනයක් වන්නේ ත්‍රස්තයින්ට මිස සාමාන්‍ය ජනතාවට නෙමේ. බ්ලේක් එයාලාගේ මැර හමුදාව ගැන මිසක් ලංකා හමුදාව ගැන දන්න බම්බුවක් නෑ. මම නැවතත් කියනවා බ්ලේක්ගේ දිව තොල කට හෙල්ලුණාට මේ ප්‍රකාශය සම්පූර්ණයෙන් TNA එකේ ඊළාම් ගමනට පාර කපන්න කළ ප්‍රකාශයක්.

තමන් කළ හැම යුද්ධයක් ම අනාගෙන හත්පොළේ ගාගෙන එනවා අපට බණ කියන්න. එයාලා ගිය හැමතැනම පරාදයි. අපිට බණ කියන්න නෑවිත් අපෙන් ඉගෙන ගත්තා නම් හොඳයි. අනෙක එයාලා රටවල් මංකොල්ල කන්න යුද්ධ කළාට අපි යුද්ධ කළේ රටේ ත්‍රස්තවාදයට විරුද්ධව. එයාලා තෙල් වෙනුවෙන් යුද්ධ කරද්දි අපි යුද්ධ කළේ ජීවත්වීමේ අයිතිය වෙනුවෙන්.

ලංකාව පුරා සමලිංගික මධ්‍යස්ථාන, මෙහෙයවීම හිටපු පූජකයෙකු විසින් - පුවතක්

මට නම් හිතෙන්නේ ලිංගික ආකර්ෂණය උපදින්නේ අපේ හිත්වල. ඒක කිසිම පුද්ගලයෙකුට පාලනය කළ හැකි දෙයක් නෙමේ. පල්ලියටවත් ලෝකය මවපු දෙවියන් වහන්සේටවත් පාලනය කරන්න බැහැ ඕක.

ලිංගික ආකර්ෂණය අති බහුතරයකට විරුද්ධ ලිංගිකයා කෙරෙහි ඇති වෙද්දි සුලු පිරිසකට ඒක සමලිංගික අය කෙරෙහි ඇති වෙනවා. මේක හරිම ස්වභාවිකයි. ඒ වගේම සුළුතරය ඇතැම් විට විකෘතියක් විදිහට දැකීමත් ස්වභාවිකයි.ලෝකයේ සියලු දේ නිෂ්පාදනය වන්නේ හැමෝටම හුරු දකුණත කියලා හිතාගෙන. නමුත් වමත හුරු අයත් ඉන්නවා. එතකොට වමත්කරුවෝ විකෘතියක්.

මේ වගේ ප්‍රශ්න ආචිර්ණ කල්පික මතවාවලින් පෝෂිත ආගම්වලින් උත්තර හොයන්න බැරි වේවි. කතෝලික පල්ලිය නිල වශයෙන් නම් මේකට එදා ඉඳලාම විරුද්ධයි. ඒ විතරක් නෙමේ සමහර අය කියනවා කන්‍යාවක් විදිහට මිය යාම බොහොම උතුම් කියලත්. බුදුදහම සම ලිංගිකත්වය පිළිබඳ විග්‍රහ කරපු තැන් මම දැකලා නැහැ. දන්න කෙනෙක් මාව දැනුම්වත් කරන්න.

සමලිංගිකත්වය මනුස්සයාට විතරක් නෙමේ සතුන්ටත් පොදුයි. ඒ වගේම සත්වයාගේ ආරම්භයේ සිට අවසානය තෙක් තියෙනවා. සොක්‍රටීස් වගේ අයත් සමලිංගිකයින් කියලා මම කියවලා තියෙනවා. ඒ නිසා වඩා සිංවේදීව සිතා බැලිය යුතුයි මේ ගැන.

මට ගැහැනියක කෙරෙහි ඇති වන ආකර්ශනය බැඳීම පිළිගන්න සමාජයක යමෙකුට පිරියෙකු කෙරෙහි ඇති වන කල පිළිනොගන්නේ ඇයි කියලා ඔහු ඇහුවොත් මම දිය යුතු පිළිතුර කුමක්ද? මම විරුද්ධ ලිංගිකයින් කෙරෙහිත් ඔහු සම ලිංගිකයින් කෙරෙහිත් ආකර්ශනය වන්නේ අපට පාලනය කළ නොහැකි මූලික ආශයන් විදිහට. අපිට බ්‍රහ්මචාරි විය හැකි නම් පමණයි අර සමලිංගිකයාට අපට චෝදනා කළ හැක්කේ? මොකද ඒක ඔහු උපතින් ලද දෙයක් නිසා. ඔහු හිතලා කළ දෙයක් නොවන නිසා.

එහතේ මේ තත්ත්වයන් ව්‍යාප්ත කරන්න හෝ ඊට අනුබල දෙන්න කාටවත් අයිතියක් නැහැ. ඒ අයටත් ජීවිතයක් තිබිය යුතුයි. එය සමස්ත සමාජ පැවැත්මට හර පද්ධතිවලට බලපෑම් කළ යුතු නැහැ. මොකද ලෝකය නිර්මාණය වෙලා තියෙන්නේ බහුතර දකුණත්කරුවන්ට. ඉතින් සුලුතර වමත්කරුවන්ට සිද්ධ වෙනවා බහුතරයට අනුගත වෙලා ඉන්න. ඒකනේ ප්‍රජාතන්ත්‍රවාදය.ලිංගිකත්වය නීති මගින් පාලනය කළ නොහැකි බව නම් සමස්ත ඉතිහාසය විසින් අපට පැහැදිළි කර දි තිබේ.

Tuesday, August 30, 2011

හීනමානය, ආගම සහ දේශපාලන

එක්තරා වෙබ් අඩවියක කතෝලික පල්ලියේ දේශපාලන මතවාදය විවේචනය කර ලියූ ලිපියක් පළවිය. මේ ලිපිය දුටු ඇතැම්හු සාතන් සේ මාරාවේශ වී බුදුන්ටත් බුදුදහමටත් පලුයන්න බැන්නේ කිසිදු විචාරයකින් තොරවය. එකල ඉන් හැඟුම්බර වූ බෞද්ධයෝද පෙරලා එසේ කළෝය. ආගම් සහ ආගමික ශාස්තෘවරුන්ට ගැරහීම ශිෂ්ට නැත. ඒ ගැන මගේ කිසිදු ප්‍රසාදයක් ද නැත. කෙසේ වුවද ආගම සහ දේශපාලන පටලවාගත යුතු නොවේ. පල්ලිය දේශපාලනය විවේචනය කර ලියූ ලිපියට ප්‍රතිචාර පළ කළ යුත්තේ එහි දේශපාලනය පදනම් කරගෙනය. එහි බොහෝ දෙනා නොකළේද එයමය.

එහි තමා 'සත්‍ය' යැයි හණ ගසා ගත්තෙක්ගේ ප්‍රතිචාරය කියවූ මට සන්ෆලවර්ලාගේ 'පිං මාළු වලේ කුසල්හාමි මාලු බානවා' කියන බයිලය සිහිවූයේ නිතැතිණි. මන්ද එහි සියල්ලෝම කරන්නේ තමන්ගේ නමට නොගැළපෙන දේය. මේ පුද්ගලයාද එසේමය. ඇත්ත කියලා හිතාගෙන බොරු කියයි. නොදන්න දෙමළෙට ගිහින් වරිගෙ නහගන්නවා කියන්නේ මෙවැනි වැඩවලටය.

ඔහුගේ ප්‍රතිචාරය මෙසේ සංක්‍ෂිප්ත කළ හැකිය. ඉන්දියාවේ බෞද්ධයින් නැත. ලංකාවේ දෙමළ බෞද්ධ මහ නායක හිමිවරු නැත. හාමුදුරුවරු දුශ්හීලය. සිංහලයා කිසි දෙයක් කළ නොහැකි සුද්දා මත යැපෙන ජාතියකි. සිංහලයින් මල්ටි බැරල් ඒසී මැෂින් හදා නැත. ඔහු අන්තර්ජාලයක් නැත. මේ සියලු කාරණාවලින් පැහැදිලි වන්නේ වර්තමාන වන විට ජාතිය කෙතරම් හීනමානයකින් පෙළෙන්නේද යන්නය. අනෙක් අතට මෙරට පුස්සන් බිහි කරන අධ්‍යාපන ක්‍රමය ජාතියට හෙන ගෙඩියක් වී ඇති බවය.

ඉන්දියාවේ බුද්ධාගම නොමැති බව ඔහුට කීවේ කවුදැයි පැහැදිලි නැත. එයද දෙයියන්නාන්සේ කීවා විය හැකිය. උන්වහන්සේ කිව්වා නම් ඒ ඇත්තකි. මන්ද ඔහු මැවූ පෘථිවිය වටේ ඉර අදද කැරකෙන හෙයිනි. බෲනෝලා, ගැලීලියෝලා බොරු කී බව පසක් වී හෙයිනි. ඉන්දියාවේ බෞද්ධයෝ සිටිති. යුරෝපයේ, ඇමරිකාවේද බෞද්ධයෝ සිටිති. එහෙත් ඒ ඉතා සුළු පිරිසකි. එයට හේතු ගණනාවකි. එය දර්ශනයක් මිස ආගමක් නොවන අතර අවබෝධකර ගැනීම එතරම් පහසු නැත. ප්‍රාථමික මිනිසාගේ නොදැනුම, බය, පදනම් කරගත් මැවුම්වාදය, විශ්වාසය, භක්තිය වැනි දෑවලට එහි ඉඩක් නැත. එම දර්ශනය ඇසුරින් පසුව ආගමක් බිහිවුවද එය ඉතා අවිහිංසාවාදී ආගමකි. එය මිනිසා මත බලෙන් පටවන ආගමක් නොවේ. මිනිස් ජීවිත, රුධිර ගංගා මතින් ව්‍යාප්ත නොකළ එකම ආගම බුදුදහමයි.

තුවක්කු බයිබල් දෑතට ගෙන බටහිර ආක්‍රමණිකයින් කළා දෑ බෞද්ධයෝ කිසි දිනක කළේ නැත. ලංකාවේ දෙමළ ජනතාව බෞද්ධ කිරීමට කිසිවෙක් උත්සාහ නොගනී. බෞද්ධයෝ සිය ආගම බත් පැකට්, සිල්ලර බඩු මලු සමග දෙන්නේ නැත. සුපර්මාර්කට්වල සමහර බඩු සමග තව එකක් නොමිලේ දෙයි. ඇතැම් ආගම් ව්‍යාප්ත කරනට මේ ක්‍රමවේද භාවිත කළද බුදුදහම ව්‍යාප්ත කිරීමට බෞද්ධයෝ එසේ නොකරති.

මෙරට වැසියාට බුදුදහම දෙසීමට පෙර මිහිඳු මහරහතන් වහන්සේ තිස්ස රජු බුද්ධි පරික්ෂණයකට ලක්කළ සේක. ධර්මය දේශනා කළේ ඉන් සමත් වූ පසුය. දහම් අසා පැහැදී බුදුදහම වැළඳ ගන්න අවසර ඉල්ලූ උපාලි ගෘහපතියාට බුදු රජුන් මෙන්න මෙහෙම අවවාද කළා.
"කලබල වෙන්න එපා හොඳට කල්පනා කරලා බලන්න. හෙමිහිට හිතලා බලන්න. පස්සේ තීරණයක් ගන්න. නමුත් ඔබ දිනපතා නිඝන්ඨනාථපුත්ත වෙනුවෙන් ඔබේ නිවසේ ලබාදුන් දානය නතර කරන්න එපා"
ඒ බුදුමග. ඒ මග තමා ධර්මාශෝක රජු ගියේ. බෞද්ධයෝ යන්නේද ඒ මගමය. එහෙත් පෙරකී ෆැසිට්වාදී ක්‍රමය බෞද්ධයින් අනුගමනය කළේ නම් මේ රටේ දෙමළ බෞද්ධයෝ මිසක් හින්දුවරු නැති වනු ඇත. කතෝලිකයින්ද නැතිවනු ඇත. දෙමළ හෝ වෙනත් අය බෞද්ධ වුණා නම් ඒ බුදුදහම හැදෑරිමෙන් පසුවය. ඒ ඉතා සුළුතරයකි. වීරසෝළියම් නම් වියරණය කළේ දෙමළ ප්‍රාදේශීය රජෙකි.
පාළි බසින් බෞද්ධ පොත් ගණනාවක් ලියූ බුද්ධමිත්‍ර හිමි දෙමළ ජාතිකයෙකි. ත්‍රිපිටකයට අටුවු ලියූ මහා විහාරවාසී බදරතිත්ථ ධර්මපාල හිමි, කලක් අභයගිරියේ විසූ වජ්‍රබෝධි, අමෝඝවජ්‍ර හිමිවරුද දෙමළ ජාතිකයෝය. ආනන්ද වනරතන හිමි වෙතින් ත්‍රිපිටකය උගෙන පසුව බෞද්ධ කෘති ලියූ චෝළි දීපංකර හිමි ද දෙමළය. මෙසේ අද ද දෙමළ බෞද්ධයෝ සිටිති. ඒ ඉතා සුළුතරයකි.
ඒ අයට වඩා ක‍තෝලික දෙමළ අය වැඩිය. ඒ මන්දැයි නැවත පැහැදිලි කළ යුතු නැතැයි සිතමි.

මේ රටේ ඕනෑම කෙනෙකුට තමන් කැමති ආගමක් ඇදහිය හැකිය. අපි දෙමළ අයට පන්සල ළඟම කෝවිලක් තනා දී තිබේ. බෞද්ධයෝද එහි යති, එති. දෙපිරිසම එකට ගොස් කතරගම වන්දනා කරති. ලන්දේසි ඇවිත් පෘතුගීසි පල්ලි විනාශ කරන විට බෞද්ධයෝ තමන්ගේ පන්සල් ළඟින් කතෝලික අයට පල්ලි හදාගැනීමට අවසර දුන්හ. අනුරාධපුර යුග‍යේ මේ රටට වෙළඳාම පිණිස ආ ක‍තෝලික වෙළඳුන්ට වන්දනාමාන කරගැනීමට ස්ථාන දුන්හ. මේ රටේ 1505ට පෙර ක‍‍තෝලිකයින් උන්නා යැයි ඉතිහාසය විකෘති කිරීමට දතකන අය අද ඒවා තම පටු අරමුණු වෙනුවෙන් භාවිත කරති.

මේ රටට ‍කෝපි වැවීමට, දුම්‍කොල වැවීමට බටහිර ආක්‍රමණිකයෝ දෙමළ කම්කරුවෝ ගෙන ඒමට කලින් මේ රටට පැමිණි අය පරම්පරා දෙකකින් සිංහල බෞද්ධ වුහ. ඒ නිසා ඒ අයගෙන් පැවත එන අයත් සිංහල මහානායක හාමුදුරුවරු ලෙස මිස දෙමළ යැයි නොහඳුන්වයි. අප ජාතියට විවිධ ජාතීන් පැමිණ සම්මිශ්‍රවීම නතර කළේ අධිරාජ්‍යවාදීන්ය. අප අතර බේද ඇති කළේ ද ඔවුන්ය.

අපේ සංඝ සමාජයේ වැරදි කරන අය සිටිති. එදත් දෙව්දත් සුභද්‍ර වගේ අය සිටියහ. අදත් සිටිති. සමහරු ඇත්තටම චීවරධාරියෝය. මේ අය භික්ෂූහු නොවෙති.එවැන්නෝ හැම ආගමකම සිටිති. ඇතැම් ආගම්වල පූජකයින්ට තරම් බාලාපචාර ‍‍දූෂණ චෝදනා, රටවල් දඩයමේ යන ඇමරිකන් යුරෝපා කුලී හමුදාවටවත් එල්ල වී නැත.

වළගම්බා රජ්ජුරුවෝ මල්ටි බැරල් හංගලා නොතිබුණාට ජාතිකත්වය, රටේ ඒකීයත්වය වෙනුවෙන් සටන් කරන්න අවශ්‍ය ශක්තිය හංගා තිබුණි. ඒ මේ රටේ ජාතිමාමකයින්ගේ සිත්වල. එය මල්ටි බැරල්වලට වඩා ප්‍රබලය. මල්ටි බැරල් හැදු අය ලොව යුද්ධයක් දිනා ඇත්තේ කොහිද? ඔවුන් ගිය හැමතැනම අසාර්ථක වී තිබේ. සෑම රටක්ම විනාශ කළා විනා, ඒ රටවල සම්පත් කොල්ල කෑවා මිසක් ලද දිනුමක් ඇද්ද? එහෙත් අපට ලොවම දිනන්න බෑ කියූ ත්‍රස්තවාදය පරාජය කළ හැකි විය. එහෙයින් දැන් මල්ටිබැරල්කාරයින්ට තම තියරි අලුතින් ලියන්නට සිදු වී තිබේ.

සීගිරිය පමණක් නොව අපේ පැරණි මාළිගා බොහොමයක් වායුසමනය කරලා තිබුණි. එහෙත් ඒ සියලු වාකුහර හිරු එළියට යවට මෙන් රත්වන වීදුරුවලින් වසා සිය දහස් ගණන් මුදල් වියදම් කර විදුලි මැෂින්වලින් නොව, රටේ දේශගුණයට සරිලන සේ වා කවුළු තැබීමෙනි. මැටියෙන් කළ ගඩොලින් පළල බිත්ති බැඳීමෙනි. වහළයට මැටි උළු භාවිතයෙනි. උස් වහළවල් සැදීමෙනි. සිය උද්‍යානවල පරිසරය සිහිල් කරන ගස්වැල් වැවීමෙනි. සුළං හමන දිශානති අනුව ජල පොකුණු තැනීමෙනි. අපේ ඒ පරිසර හිතකාමී ක්‍රමවේදවලට පයින් ගසා නූතනත්වය යැයි අප බදාගත් දෑ දැන් ලෝකයට බරක් වී තිබේ.

පරිගණකය හෝ නව තාක්ෂණ දැනුම ප්‍රතික්ෂේප කිරීම බෞද්ධ සම්ප්‍රදාය නොවේ. එසේ විද්‍යාවට බුදුදහම බිය නොවන්නේ විද්‍යාවේ දියුණුව නිසා බුදුදහමට හොඳක් මිස නරකක් නොවන නිසාම නොවේ. අන්මතවලට ගරු කිරීමට එම දහම තුළ උගන්වන බැවිනි. චින්තකයින්, විද්‍යාඥයින් මරාදමා දැනුමට එරෙහි වූයේ බෞද්ධයින් නොවේ. එසේ ඇතැම් ආගම් නූතනත්වයට විද්‍යාවට එරෙහි නොවන්න පරිගණකය මීට වසර 500-600ට පෙර බිහිවන්නට හොඳටම ඉඩ තිබිණි.

අනෙක් අතට අප කිසිවක් නොකළ ජාතියකැයි ගැරහීම හෝ ප්‍රශ්න කිරීම යකඩ ගිනි ගත් ගේ පුළුං සෙවීමකි. මේ රටවල දැනුම විනාශ කළෝ, පොත්ගුල් ගිනි තැබුවෝ, පොතපත සිය රටවලට රැගෙන ගියෝ කවරහුද? සුද්දා සිය කාර්යාලවල පියන්වරු මෙරට බෝ කරනට ඇති කළ අධ්‍යාපන ක්‍රමයෙන් බිහිවන පුස්සන්ගෙන් එවන් නව දැනුමක් පැතීම වඳ ගැහැනියකගෙන් දරුවන් පැතීමක් නොවන්නේද?

සැබැවින්ම මේ රටට ආදරය කරන මිනිසුන් කළ යුත්තේ අප යා යුතු මග සොයා පාදා ගැනීම මිස පිර රට දේ සුර සැප දේ යැයි සීතාම්බර සළු හැඳ හඬලෑම නොවේ. ආක්‍රමණිකයා ජාතියට මග වැරැද්දු තැන සොයාගෙන නිවැරදිවීමට කාලයයි මේ.

Thursday, August 11, 2011

නෝර්වේට එහෙම නම් අපිට කොහොමද?


නෝර්වේ රටේදී මෑතදී එල්ලවූ ප්‍රහාරය තම අතීත පාපී ක්‍රියාවලියේ ප්‍රතිඵලයකැයි පූජ්‍ය බෙංගමුවේ නාලක හිමියෝ පැවසූහ. මේ පුවත පළවූ එක් අඩවියක පාඨකයෙක් සිය ප්‍රතිචාර දක්වා තිබිණි. නෝර්වේ රටට එසේවී නම් අපට 30 වසරක් කොටි ප්‍රහාරවලට ලක්වීමට සිදුවූයේ මන්දැයි අසා තිබිණි. මෙය නොදන්නාකම නිසා නොව තමන් දන්නේ යැයි සිතාගෙන අසන ලද පැනයකි. මින් ඔහු අන්‍යාකාරයෙන් කීමට උත්සාහ ගන්නේ ලංකාවේ අපට ද භුක්තිවිඳීමට සිදුවූයේ අතීත පාපී ක්‍රියාවලියක ප්‍රතිඵලය බවය. එය අපද පිළිගනිමු. එහෙත් ඔහු කීමට අදහස් කළේ එපමණක් නොව මේ ක්‍රියාවලියට සිංහලයා වගකිව යුතුය යන මාක්ස්වාදී කෙප්පයයි. එහෙයින් එහි සැබෑව විමසීම සහ අනාවරණය කිරීම අපගේ යුතුකමකැයි සිතමු.

පෙරද කී පරිදි අපටද භුක්තිවිඳීමට සිදුවූයේ අතීත පාපී ක්‍රියාවලියක ප්‍රතිඵලයයි. එය හේතුඵල දහමටද එකඟය. එහෙත් ඊට වගකිව යුත්තේ කවුද? මේ ප්‍රශ්නය නිර්මාණය කළේ කවුද? යන්න විමසන කල මම චූදිතයින් තිදෙනෙක් නම් කරමි.
1. ඉංග්‍රීසි පාලකයින්
2. ද්‍රවිඩ ජාතිවාදී නායකයින්
3. එජාප ආණ්ඩුව

ඉංග්‍රීසි පාලකයෝ සිය යටත් විජිත සමයේ සිය පාලනය පහසුවෙන් ස්ථාපිත කොට පවත්වාගෙන යාමට ජාතීන් භේදභින්න කළහ. ඒ සඳහා ඔවුන් කළේ රටේ ප්‍රධාන ජාතියට වඩා අනෙක් ජාතීන්ට පහසුකම් ලබාදීමය. මෙමගින් ප්‍රධාන ජාතිය අනෙක් ජාතීන් දෙස සැකෙන් බැලීමට යොමුවූ අතර ඔවුහු (අනෙක් ජාතීන්) වඩ වඩාත් සිය ස්වාමීන් වෙත ළංවූහ. මේ නිසා රටවල නිදහස් ව්‍යාපාර අඩාල වූ අතර ලිපිකරුවන් බෝකරන අධ්‍යාපන ක්‍රමයෙන් එම රටවල තමන්ට බය පක්ෂපාතී පිරිසක් බිහිකර ගැනීමටද හැකිවිය. යම් දවසක නිදහස ලැබුවද ඒ රටවල් කැබලිවලට කැඩී ගියේය. එසේ කැඩීයාමට සුදු ආණ්ඩුව උදව් කළේය.

පෙර තිබූ ශ්‍රී විභූතිය වියැකි ගිය අතර දේශසීමා ගැටුම් සහ වාර්ගික අරගල සහිත රෝගී රටවල් බිහිවිය. ජාතීන් අතර පෙර තිබූ එකමුතුව නැතිවිය. එය ධනපති රටවලට ආයුධ වෙළඳාමට වෙළඳපොළක් බවට පත්විය. තම ලෝක ආධිපත්‍යයට අභියෝග කළ හැකි රටවල් නිර්මාණය වීම නවතා දැමිය හැකි විය. නිදසුනක් ලෙස භාරතය නිදහස ලබද්දි ඉන්දියාව සහ පකිස්ථානය ලෙස දෙකඩ විය. පසුව පකිස්ථානයේ නැගෙනහිර කොටස බංගලිදේශය නමින් වෙන්විය. ලංකාවේ තත්ත්වයද මෙයට සමානය. මෙරට සිංහල ජාතියට නොමැති
විශේෂ වරප්‍රසාද සුදු ආණ්ඩුව දෙමළ ජනතාවට ලබාදුන්නේය. ලංකාවේ ප්‍රථම වෛද්‍යවිද්‍යාලය ඇරඹුණේ කොළඹ නොව යාපනේය. රජයේ තනතුරුවලට සිංහලයෙකු නොවීම විශේෂ සුදුසුකමක් විය. මෙසේ ජාතීන් අතර අසමානතා ඇති කිරීම අප 30 වසරක් තිස්සේ විඳි ඛේදවාචකයට මුල් හේතුව විය. එය තවමත් නිමා නොවුවකි.

දෙවැන්න සුදු ආණුඩුවේ සටපකට උපාය දෙමළ නායකයින් අවබෝධකර නොගැනීම හෝ එය ආයුධයක් ලෙස පාවිච්චි කිරීමේ ආත්මාර්ථකාමී බවය. තමන්ට වරප්‍රසාද දුන්නේ තමන්ට ඇති ආදරකයට නොව සිය පටු අරමුණු ඉටුකර ගැනීමට බව අවබෝධකර ගැනීමට ඔවුන් අසමත්විය. එහෙයින් ඉංග්‍රීසි ආණ්ඩුව සුළු ජාතීන්ට ලබාදුන් විශේෂ වරප්‍රසාද නිදහසින් පසුද එසේම ලබාගැනීම දෙමළ නායකයින්ගේ අරමුණ විය. එහෙත් එය රටේ ප්‍රජාතන්ත්‍රවාදී ආණ්ඩුවක් බිහිවූ විට ලද නොහැකි බව ඔවුන්ට අවබෝධ විය. ඒ නිසා වෙනම රාජ්‍යයක් තනා
ගැනීම වෙත ඔවුන් ගමන් කළේය. ලංකාව නිදහස ලබද්දී ද දෙමළ ජන නායකයෝ 50/50 ඉල්ලා සිටියේ මේ නිසාය. 1949 ෆෙඩරල් රාජ්‍යයක් වෙනුවෙන් පක්ෂයක් නිර්මාණය කළේ එහෙයිනි. ඒ වෙනම රාජ්‍යයක් වෙත යාමේ ආරම්භය වශයෙනි. 30 වසරක් මේ රටේ ගලා ගිය ලේ ගංගාවට ගිල්වාලූ ඊළාම්වාදී ත්‍රස්තයින්ට මව්පියන් වූයේ මෙකී සුදු ආණ්ඩුව සහ ජාතීවාදී දෙමළ නායකයෝය.

මෙසේ දෙමළ නායකයින් ගෙන ගිය ප්‍රජාතන්ත්‍රවාදී ඊළාම් අරගලය උච්චස්ථානයට ආවේත් එය ජාත්‍යන්තර අවධානයට පාත්‍රවූයෙත් 1983 කළු ජූලිය සමගය. උතුරේදී කොටි විසින් හමුදා නිලධාරීන් 13දෙනෙකු මරාදැමීම සමග සමස්ත දකුණම දෙදරුම් කා ගියේය. ඊට පෙර ආසන්න ඉතිහාසයේ එවන් ඛේදවාචකයක් අත්දැක නොතිබීම එයට හේතු විය. තිස් වසරක් මේ රට විශාලා මහනුවරක් වී නොතිබෙන්නට එම තත්ත්වය අපටද මැනවින් අවබෝධකරගත හැකිවනු ඇත. (දැන් එක්සත් රාජධානීයේ හටගෙන ඇති මහ කැරලිකාරී තත්ත්වයට හේතු වූයේ එක් පුද්ගලයෙකුගේ මරණයයි.) එකල පැවති එජාප ආණ්ඩුව මෙය මහා ජාතිවාදී ගින්නක් දක්වා ඇවිල යාමට අවශ්‍ය පිදුරු පෙට්‍රල් දැමුවේය. එජාප මැරයින්1981 යාපනේ සංවර්ධන සභා ඡන්දය කොල්ලකෑම, යාපනේ පුස්තකාලය ගිනි තැබීම ඉන් කිහිපයකි. අනතුරුව දකුණේ එජාප මැරයින්ට අහිංසක දකුණේ දෙමළ ජනතාව මරා, ස්ත්‍රීන් දූෂණය කර, නේක වද බන්ධනවලට ලක්කර ඔවුන්ගේ දේපොළ කොල්ලකෑමට ඉඩදී ඒ තකතීරු උමතු ආණ්ඩුව නිහඬව සිටියේය. නැතහොත් ඒ මංකොල්ය නතර කිරීමට පොලිසිය නොයොදවා අනියමින් සහය දුන්නේය.

ඊළාම්වාදීන්ට මෙකී එජාප උමතු රංචුව කළ නිහීන අධම වැඩවල වීඩියෝ පිට රටවලට යවා ජාත්‍යන්තර අනුකම්පාව, ආධාර ඇතුව වෙනම රාජ්‍යයක් වෙනුවෙන් සටන් කරන්නට නව පෙරමුණක් නිර්මාණය කරගත හැකිවිය. ද්‍රවිඩ ජාතීවාදීන් මෙලෙස දකුණේ ජනතාව මංකොල්ල කෑ එජාප පිරිස සිය දේශපාලන අරමුණු වෙනුවෙන් උතුරේ දෙමළ ජනතාව සහ ජාත්‍යන්තරයට හඳුන්වා දුන්නේ සිංහල ජනතාව ලෙසය. මෙසේ සිංහල ජනතාව කෙරෙහි බද්ධ වෛරයක් දෙමළ සිත්හි ජනිත කරන්නට එජාපය කළ නිහීන ක්‍රියාව හේතුවිය. ආයුධ අතට ගත් ඒ කල්ලි අතරින් වැල්වැටිතුරේ වෙරළේ හොරබඩු ජාවාරම් කරමින් සිටි ප්‍රභාකරන් නමැති මැරයාට අනෙක් අය පරයා නැගී සිටිය හැකි වූ අතර එජාප ආණ්ඩුව සැපයූ ජාතීවාදී පෙට්‍රල්වලින් ඔහුට වසර 30ක් රට ලේ ගංගාවක් කළ හැකි විය. අදටත් සිංහලයා පිළිබඳ දෙමළ ජනතාව සහ ජාත්‍යන්තරය තුළ ඇති වැරදි ආකල්පවල වැඩි වගකීමක් ගතයුත්තේ එජාපයයි. මන්ද ලංකාවේ ත්‍රස්ත අරගලය මහා පරිමාණයෙන් ව්‍යාප්ත
වීමෙහිලා ආරම්භය වූයේ 1983 කළු ජූලිය හෙයිනි. අද අප මුහුණදී ඇති එක් ප්‍රධාන අභියෝගයක් වන්නේ 1983 නිහීන ලෙස හැසිරුණේ සිංහලයින් නොව එක්තරා පක්ෂයක අන්ධ භක්තිකයින් රැළක් බව දෙමළ ජනතාවට ඒත්තු ගැන්වීමයි.

ඇතම් අරික්කාල් මාක්ස්වාදීන් සහ ඊළාම්වාදීන් තුන්වේලට ජප කිරීම නිසා (ගොබෙල්ස් තියරිය අනුව) දැන් නම් ඇත්තම යැයි සිතන 56 සිංහල රාජ්‍ය භාෂාව කිරීම මෙහිලා බලපෑවේ ඉතාම අඩුවෙනි. එසේ බලපෑවේද එය අසාධාරණයකැයි දෙමළ ජාතීවාදී නායකයින් පැවසීම සහ ඉන් ජාතිවාදය ඇවිස්සීම නිසාය. සිංහලය රාජ්‍ය භාෂාව කළේ දෙමළ බසට විරුද්ධව නොව ඉංග්‍රීසි පාලකයින් සිංහලය නොකතා හැරීම නිසා සිදුවූ අඩුව සපිරීමටය. අනෙක් අතට ඒ නිසා මුස්ලිම් ජනතාවට නොමැති විශේෂ ප්‍රශ්නයක් දෙමළ ජනතාවට ඇතිවිය නොහැකිය. එපමණක් නොව සිංහලය වනාහි 1815 තෙක් වසර දෙදහස් ගණනක් ලංකාවේ රජ බස විය. එහි ඒ නිල තත්ත්වය අහිමිවූයේ ශතවර්ෂ එකහමාරකට අඩු කාලයක් පමණි. 56 සිදුවූයේ නැවත සිංහලයට හිමිවී තිබූ තත්ත්වය ලබාදීම මිස නව වරප්‍රසාදයක් ලබාදීම නොවේ. අනෙක් අතට 56 සිංහල රාජ්‍ය භාෂාව කිරීම නම් හේතුව, එකී හේතුව ඉවත් කළ විට ඵලය එනම් ත්‍රස්තවාදය කෙළවර විය යුතුය. එහෙයින් රජය කල යුත්තේ බැදිවල නොයා සිංහල දෙමළ සහෝදරත්වය ඇති කිරීමේ සංග්‍රාමය, හදවත් යා කිරීමේ සංග්‍රාමය ඇරඹීමයි.

මේ සඳහා රජය ගෙන ඇති පියවර සම්පූර්ණයෙන් පළදරා ඇතැයි කිව නොහැකි වුවද යාපනේ පුස්තකාලය නැවත ගොඩනැංවීම, ඊළාම්වාදය ප්‍රතික්ෂේප කළ දෙමළ නායකත්වය පක්ෂයේ ඉහළ තනතුරුවලට ගෙන ඒම, උතුරේ ප්‍රජාතන්ත්‍රවාදය ස්ථාපිත කිරිම, මහා පරිමාණ සංවර්ධන ව්‍යාපෘති උතුරට ගෙන යාම සාධනීය වෙයි. මේවා කරන අතරතුර රජය සිංහල දෙමළ සහෝදරත්වය, සුදු අධිරාජ්‍යවාදීන් මෙරටට බෝවීමට පෙර තිබූ තත්ත්වයට පත්කළ යුතුය. ඒ වෙනුවෙන් කළ හැකි, කළ යුතු සියල්ල කළ යුතුමය. අප සතුරන් නොව අසල්වැසි සහෝදරයින්ය යන හැඟීම ඇති කළ යුතුය. දෙමළ ජනතාවට අවැසි ඊනියා කාල්මාක්ස්ලාගේ අනුකම්පාව නොව ආදරයේ, ගෞරවයේ, සහෝදරත්වයේ හස්තයයි. එවිට අප,තර විශ්වාස දළුලා වැඩෙනු ඇත. නව ලොව අභියෝගවලට මුහුණදිය හැක්කේත් සෞභග්‍ය කරා ළංවිය හැක්කේත් වෙන්ව නොව එක්ව සිටීමෙන් බව අවබෝධ වනු ඇත. උතුරේ එක් වැසියෙකු වෙනුවෙන් ඒ කාර්යය දකුණේ එක් වැසියෙකුට කළ හැකි නම් සුද්දා අපට දායාද කළ ඉන්පසු ජාතික දේහය පුරා ඔඩුදුවා ගොස් දැන් මදක් සමහන්ව ඇති මහා විසාදිය අප මව්බිමෙන් තුරන්ව යනු ඇත.





 
සිය රට දේ සිරි සැප දේ !