Wednesday, September 2, 2009

චැනල් 4 සහ සෝල්හයිම්

තුවක්‌කුවක්‌ අතින් ගත් මිනිසකු තවත් මිනිසුන් දෙදෙනකුට වෙඩි තබන වීඩියෝ පටයක්‌ මේ දිනවල බ්‍රිතාන්‍යයේ චැනල් 4 නමැති රූපවාහිනි සේවාව ඔස්‌සේ ප්‍රදර්ශනය කරනු ලැබේ. මේ රූප පෙළ ඉතා අපැහැදිලි ය. කෙසේ වුවද මේ දර්ශනවල පැහැදිලි එකම කාරණය වන්නේ වෙඩි පහරට ලක්‌වන මිනිසුන් දෙදෙනාගේ සිරුරේ සම සුදු පැහැති බව පමණි. බ්‍රිතාන්‍ය රූපවාහිනිය කියන්නේ තුවක්‌කුව අතින් ගත් මිනිසා යුද හමුදා සෙබළකු බවත් වෙඩි කන මිනිසුන් දෙදෙනා කොටි සාමාජිකයන් දෙදෙනකු බවත් ය. පළමු කොට මේ කතාව පල් බොරුවකි. වෙඩි කන කොටි දෙදෙනාගේ සම සුදු පැහැ නම් ස්‌ථිර වශයෙන්ම ඔවුන් සුදු කුලී හේවායන් දෙදෙනකු විය යුතු ය. දැන ගන්නට ඇති පරිදි මේ රාජෙද්‍ර`හී, ජාතිෙද්‍ර`හී දර්ශන පෙළ සපයා, රට බෙදනු දැකීමට කැමැත්තෙන් සිටි "සිංහල කොටි සංවිධානයක්‌" බවට කට කතාවක්‌ පැතිර යයි. අපේම එකා අප නසන්නට හදන විට පිට එකා මොනවා කළාම මොකද? සුදු සම ඇති යුරෝපීය හා ස්‌කැන්ඩිනේවියානු ජාතීන්ට අයත් කුලී හේවායෝ ලොව පුරාම යුද ගැටුම්වලට කුලියට ආත්මය සපයති. එල්.ටී.ටී.ඊ. සංවිධානය පැවැති කාලයේදී දෙමළ නොවන ජාතීන්ට අයත් කුලී හේවායන් සහ ගුවන් නියමුවන් එම සංවිධානය වෙනුවෙන් කුලියට වැඩ කළ බව ඉතා ප්‍රසිද්ධ කාරණයකි. අප හා බද්ධ වෛරයකින් පසුවන බ්‍රිතාන්‍යය, නෝර්වේ වැනි රටවල් අපට පහර දීම සඳහා මෙම අවස්‌ථාව පාවිච්චි කරති.

ප්‍රභාකරන් ඝාතනය වී, කොටි සංවිධානය දූවිලි බවට පත් වී, දෙමළ ඩයස්‌පෝරාවට උන්හිටි තැන් නැති වී, කේ. පී. කූඩු වී සිටින මෙකල බලවත් ශෝකයෙන් හා වේදනාවෙන් සිටි නෝර්වේ රටේ ජාත්‍යන්තර සම්බන්ධතා සංවර්ධනය පිළිබඳ ඇමැති එරික්‌ සෝල්හයිම් (මෙය කැබිනට්‌ ඇමැති තනතුරක්‌දැයි නො දනිමු.) පෙර කී වීඩියෝව දැකීමෙන් බලවත් සතුටට පත් වූ බවත් පෙනෙන්නට තිබේ. ශ්‍රී ලංකාව තුළ යුද අපරාධ සිදු වී ඇති බවත්, මිනිසුන් දුසිම් ගණන් මැරුම් කා ඇති බවත්, මිනිසුන් අතුරුදන් වී ඇති බවත් කියන ඔහු මේ ගැන පරීක්‍ෂණයක්‌ පවත්වන ලෙස එක්‌සත් ජාතීන්ගේ සංවිධානයෙන් ඉල්ලයි. ඊළමට, ප්‍රභාකරන්ට සහ කොටි සංවිධානයට මෙවැනි ඉරණමක්‌ අත්වේ යෑයි ඔහු සිහිනයකින්වත් සිතුවේ නැත. කෙසේ හෝ ඊළම ලබා දෙන බවට ඔහු ප්‍රභාකරන්ටත්, වෙනත් බලවත් රාජ්‍ය කිහිපයක වෙසෙන දෙමළ කණ්‌ඩායම්වලටත් පොරොන්දු විය. මේ සියලු දෙනා ඔහුට මුදල් දෙන්නට ඇති බවට අප තුළ සැකයක්‌ තිබේ. එහෙත් සැකයේ වාසිය විත්තියට නිසා අවශ්‍යතාව පරිදි එම සැකය නැති කර ගැනීමට අප සූදානම් ය. කෙසේ වුව ද සෝල්හයිම් කරන චෝදනා ගැන විමසා බැලීම වැදගත් ය. ශ්‍රී ලංකාව තුළ මිනිසුන් දුසිම් ගණන් මියගිය බව වැරදි සංඛ්‍යාත්මක දත්තයකි. පසුගිය වසර 30 තුළ කොටි ත්‍රස්‌තවාදය නිසා මිනිසුන් දුසිම් ගණන් නොව දස දහස්‌ ගණනින් මිය ගියහ. ප්‍රේමදාස මහතා ජනාධිපතිව සිටි කාලයේදී කොටින් සමඟ සටන් විරාමයක්‌ ඇති කර ගත්තේ ය. හිටි ගමන් මේ සටන් විරාමය නිමාවට පත් කළ කොටි නැගෙනහිර පළාතේ සියලුම පොලිසි වසා දමා ඒවායේ සිටි පොලිස්‌ නිලධාරීන් සහ කොස්‌තාපල්වරුන් අත්අඩංගුවට ගෙන එක්‌ තැනකට රැස්‌ කර වෙඩි තබා මැරූහ. එසේ මරා දැමීමට පෙර ඔවුන්ගේ මිනී වළවල් කපන ලෙස ඔවුන්ටම අණ කරන ලදී. ඒ වළවල් ඉදිරිපස එක පෙළට සිටුවන ලද නිරායුධ පොලිස්‌ නිලධාරීන්ට වෙඩි තබා මරණ ලදී. මේ සිද්ධිය ද තමන් විසින් කළ හැම මෙහෙයුමක්‌ මෙන් ම වීඩියෝගත කිරීමට කොටි පියවර ගත්හ. සමහර විට විස්‌කි වීදුරුවක්‌ අතැතිව බදින ලද මාළුවකු කමින් සෝල්හයිම් ද මේවා නරඹන්නට ඇති. අනුරාධපුර ශ්‍රී මහා බෝධීන් වහන්සේ වැඳ නමස්‌කාර කිරීමට 1985 දී ගිය බොදුනුවන් සමූහයක්‌ කොටින් විසින් සංහාරය කරනු කොටින් විසින් ම වීඩියෝගත කරනු ලැබ අන්තර්ජාලයට මුදාහැර ඇත.

සෝල්හයිම් කියන පරිදි මිනිසුන් අතුරුදන් වූ බව ද සැබෑවි. යුද්ධයට ගිය සිය සැමියා නැවත ගෙදර එන තුරු බලා සිටින බිරියන් දහස්‌ ගණන් මේ රටේ වෙසෙති. උතුර - නැගෙනහිර වනයට මෙයට වසර කිහිපයකට පෙර දර කැඩීමට ගිය වැසියන් සිය ගණනක්‌ තවමත් පැමිණ නැත. ඔවුන් දර කැඩීමට ගියේ ඇමේසන් වනයට නොව මුලතිව් කැලයට ය. මේ කැලය මැදින් යන අයට අදටත් මිනී ඇටසැකිලි දකින්නට ලැබේ.

මේ රටේ යුද අපරාධ සිදු වූයේ සටන් විරාම ගිවිසුම පැවැති කාලයේදී ය. මේ සටන් විරාමයට සෝල්හයිම් ද සම්බන්ධ ය. එ බැවින් යුද අපරාධ සිදු කිරීමට කොටින්ට සහාය දීම ගැන එරික්‌ සෝල්හයිම් ද විත්ති කූඩුවට ගෙනා යුතු ය. සෝල්හයිම් නැතිව යුද අපරාධ නඩුවක්‌ නැත.

(දිවයින - 09/09/03)

ටිප්පණිය - මෑත දී මාධ්‍ය ලේබලයට මුවා වී ත්‍රස්තවාදය රෝපණය කළ පුද්ගලයෙකුට මේ රටේ අධිකරණය සිර දඩුවම් නියම කළේ ය. එම චූදිතයාට එක්තරා සංවිධානයක් සම්මානයක් ලබා දුන් අතර තවත් රටවල් කිහිපයක් ප්‍රකාශ නිකුත් කර තිබේ. ඒ සියලු රටවල් සහ සංවිධාන සිය ක්‍රියා කළාපය මගින් මේර ටේ ජනතා ස්වාධිපත්‍ය සමච්චලයට ලක් කර තිබේ. බල්ලෙකු පය සැපූ කල පෙරළා ශිෂ්ටයෝ බල්ලා සපා නොකෑව ද ඊට නිසි ප්‍රතිකර්මයක් කළ යුතු ය. දඩාවතේ යන බල්ලන්ට බෙහෙත් විදිමින් කාලය නාස්ති කරනවාට වඩා අපට බෙහෙත් විදගෙන පරිස්සම් වීම ම යෙහෙකි.

3 comments:

chaarmax said...

http://asiantribune.com/news/2009/08/31/channel-4-tv-must-eat-its-digits-%E2%80%93-fake-execution-video-exposed

creed - Uchitha said...

Erik Solheim is the Minister of the Environment and Minister of Development Cooperation. Please try to get at least the basic facts right when telling something in public.

නාමල් උඩලමත්ත said...

ආ... මට නම් සොල්හයිම් උන්නැහේ නෝර්වේ මොන ඇමති ද කියන එක එච්චර අදාළ නැහැ. මෙහි කතුවැකියේ සාකච්ඡා වන දේ හා ඒ ඇමතිකම අතර සම්බන්ධයක් ද නැත. කෙසේ වුව ද නොර්වේ නිල රාජ්‍ය වෙබ් අඩවියේ සඳහන් වන්නේ මෙම කතුවැකියේ සඳහන් ලෙස ය. ඔබ සඳහන් කළ ආකාරයට විකිපීඩියාවේ සඳහන් වෙයි. මේ අතරින් නිවැරදි කුමක් ද?
http://www.regjeringen.no/en/dep/ud/about_mfa/minister-of-international-development-er.html?id=85897
http://en.wikipedia.org/wiki/Erik_Solheim

 
සිය රට දේ සිරි සැප දේ !