Thursday, October 1, 2015

දැන් ළමා අපචාර දෙකයි!

පස් හැවිරිදි සේයා දැරියි දූෂණය කර මරා දැම්මේ යැයි දා හත් හැවිරිදි පාසල් සිසුවෙකු අත් අඩංගුවට ගත් කොටදෙනියාව පොලිසිය ඔහුට නිරුවත් කර පහර දී තිබේ. තරුණයාගේ නිරුවත් ඡායාරූප ද ගෙන තිබේ. දැරිය මිය විට ෆේස් බුක් ඔස්සේ ප්‍රචාරය වූ ඇගේ ඡායාරූපයක් පාසල් සිසුවාගේ දුරකතනයේ තිබී ඇත. එසේ ම ඔහුගේ පරිගණකයේ නිල් චිත්‍රපට තිබිම ද මෙලෙස ඔහු අත් අඩංගුවට ගෙන පහර දෙමින් චෝදනා පිළිගන්නා ලෙස බල කිරීමට හේතු වී ඇත. එහෙව් පොලිසිය ලබා දුන් තොරතුරු සුවිශාල කර රටට කුණු රසය බෙදා සිය ගුවන් කාලය සහ පත්තර ටික විකුණා ගත්තේ මෙරට ජඩ මාධ්‍යයයි. කොණ්ඩයාගේ පාපොච්චාරණය හමුවේ වුව ද මේ තරුණයාට බුරුලක් නො ලැබිණි. පසුව DNA සාම්පල වෙනස්වීම ඔහුට නිදහස ලැබිණි.
මෙසේ බලන කල කොණ්ඩයා නමැති මැරයෙකු තනිව ම සේයා දැරිය දූෂණය කර මරා දමද්දි පොලිසිය නමැති රාජ්‍ය ආයතනය සියලු රාජ්‍ය වරප්‍රසාද ලබමින් තවත් දරුවෙකු දූෂණය කර නොමරා මරා තිබේ. ෆේස්බුක් ඔස්සේ පාසල් සිසුවාගේ දුරකතනයේ තැන්පත් වූ සේයාගේ ඡායාරූපය නිසා පාසල් සිසුවා අත් අඩංගුවට ගත් පොලිසිය, තරුණියකට අමානුෂික ලෙස පහර දෙන තරුණ පොන්නයින් දෙදෙනෙකු ඇතුළත් වීඩියෝව තවම නුදුටුවේ ද? ඒ තරුණ පොන්නයින් දෙදෙනා සහ අසරණ තරුණියට පහර දෙන ආකාරය වීඩියෝ ගත කළ පොන්නයා අත් අඩංගුවට ගැනීමට පොලිසියට තවත් සාක්ෂි අවශ්‍ය ද? ඊට එරෙහින නීතිය ක්‍රියාත්මක වී ද? පොලිසිය අසරණ තරුණයෙකුට කළ අසාධාරණයට එරෙහිව නීතිය ක්‍රියාත්මක වන්නේ ද?
නො එසේ නම් මෙලෙස නීතිය වල් වැදීමට දෙන්නේ ප්‍රධාන ජාතිය තුළ ම සිදූ වූ ළමා අපචාරයක වරදකරුවෙකුට කාන්තා හිංසනයක වරදකරුවෙකුට එරෙහිව නීතිය ක්‍රියාත්මක නොවන ගෝත්‍රික රටක සුළු ජාතීන්ට සිදු වන අසාධාරණයක් හමුවේ එරට නීතියේ සරණ පැතීම නිශ්ඵල බව සනාථ කර ඇමරිකන් අධිකරණයේ යුධ අපරාධ නඩු ඇසීම සාධාරණීකරණය කිරීමට ද?

No comments:

 
සිය රට දේ සිරි සැප දේ !