පසුගියදා රූපවාහිනියට කඩා වැදුණු ඩැනීෂ් අලී යනු නාමල් රාජපක්ෂගේ හෙංචයියෙකු බව අරගල ක්ෂමාලාපකයින් පසුගිය සමයේ ප්‍රකාශ කළේ, ඔහු නාමල් රාජපක්ෂ, රෝහිත රාජපක්ෂ සමග සිටින ඡායාරූප රට හමුවේ තබමිනි.
එමගින් ඔවුන් රටට කීවේ මේ පුද්ගලයා නාමල් රාජපක්ෂ අරගලය අල කිරීමට යොදවා ඇති බවය.
අරගලය අල කර රටින් පැන යාමට තැත් කළ අවස්ථාවේ එයාර්පෝර්ට් විරුවන් බැසිල් රාජපක්ෂට රටින් පිටවන්නට ඉඩ නොදුන්නා සේ ම ඩැනීෂ් අලීට රටින් පිටවීම වළකමින් අත්අඩංගුවට ගැනීමට සූදානම් වෙයි.
මා සිතුවේ ඒ අවස්ථාවේ ගුවන් යානයේ සිටි අරගල ක්ෂමාලාපකයින් ප්‍රීතියට පත්ව එයාර්පෝර්ට් විරුවන්ට ඔල්වරසන් දෙනු ඇති බවයි. අරගලයට වින කටින එකෙකු බෙල්ලෙන් අල්ලා අත්අඩංගුවට ගැනීම ගැන බුකියේ කවි ගී ලියනු ඇති බවයි.
එහෙත් එම පිරිස ඩැනීෂ් අලී අත්අඩංගුවට ගැනීමට එරෙහිව විරෝධය පාති. අරගලය අල කළ නාමල්ගේ හෙංචයියා වෙනුවෙන් පෙනී සිටිති. ඩැනීෂ්ලා අරගල කළේ මුළු රට වෙනුවෙන් ම බව කියති. මෙම අත්අඩංගුවට ගැනීම පෞද්ගලික පළිගැනීමක් බවට චෝදනා කරති. මෙිවැනි බොරු කියමින් පිරිසිදු අරගලයට ගොම රිටි දැමීම ද්‍රෝහීකමක් නොවෙද?
මේ ගුවන් යානයේ සිටි පිරිස නාමල්ගේ හෙංචයියෙකු අත්අඩංගුවට ගැනීමට එරෙහි වීම අරගලයට ම එරෙහි වීමකි. අරගලය පාවදීමකි.
මොවුන් නාමල්ගේ ඩොලර්වලට මෙවැනි නින්දිත පාවාදීමක් කිරීම අරගලය වෙනුවෙන් කැප වූ එයාර්පෝර්ට් විරුවන්ට ද කළ බලවත් නින්දාවකි. අර ගල යට ජය වේවා!
No comments:
Post a Comment