2015 ගාමිණී වියන්ගොඩ බුද්ධ දේශනාවක් ප්‍රංශ බසින් උපුටා දක්වමින් රටට දේශනා කළේ ගෙයින් එළියට පැන කරන දේ පිළිබඳ නොසිතා ගිනිගත් ගෙයින් එළියට පනින ලෙසය.
එදා මැතිවරණයෙන් ද මෙදා අරගලයෙන් ද ජනතාව ගිනිගත් ගෙයින් එළයට පැන ඇත. මැතිවරණයක් පැමිණෙන තුරු නොසිටින ලෙසත් ජනතාව සූදානම් නම් තමන් සූදානම් බවත් මාස හයෙන් රට හදන බවත් කී අනුර දිසානායකලා ද පාර්ලිමේන්තුව තුළ අර්බුදයට විසඳුම් නැතැයි කී කුමාර් ගුණරත්නම්ලා ද දැන් එකතු විය යුතුය.
එකතු වී රට පාලනය කිරීමේ ක්‍රමවේදයක් නිර්මාණය කර ගැනීමට මූලිකත්වය ගතයුතුය. මෙම දෙපාර්ශ්වයට රට ගොඩගත හැකි යැයි මම නොසිතුව ද හැකි යැයි සිතන පිරිසක් ද ඇත. "දුන්න හැම එකාම රට කෑවා. ජවිපෙටත් එක පාරක් දීලා බලමු." යැයි කියන්නෝ එමටය.
.jpg)
එහෙයින් රාජ්‍ය පාලනය මෙම දෙපාර්ශ්වය භාරගත යුතුය. සෙසු පක්ෂ ඔවුන්ට අවශ්‍ය සහය ලබාදිය යුතුය. අනුරලට පාර්ලිමේන්තුවේ සිටින හොඳ යැයි ඔවුන් සිතන පිරිසක් ආණ්ඩුවට සම්බන්ධ කරගත හැකිය.
අවශ්‍ය නම් කේ.ඩී. ලාල්කාන්ත, සුනිල් හඳුන්නෙත්ති, රංජන් ජයලාල්, නාමල් කරුණාරත්න, කුමාර් ගුණරත්නම්, දුමින්ද නාගමුව, පුබුදු ජයගොඩ ඇතුළු පිරිසට ඉඩ දී 225න් පිරිසක් ඉවත් විය යුතුය.
ඊළඟ ආණ්ඩුව ආඬි හත් දෙනාගේ කැඳ හැලියක් බවට පත් නොකර තමන්ගේ කොටස නොමසුරුව ආණ්ඩුව නම් බඳුනට දැමීමට අනුරලා කුමාර්ලා තීන්දු කළ යුතුය.
එසේ නොකර වර්ජන, විරෝධතා ඔස්සේ පත්වන ආණ්ඩුවක කකුලින් ඇදීම ද රට අරාජික වන්නට ඉඩ හැරීම ද ඔවුන් කෙරෙහි පවතින ජනප්‍රසාදය නාය යාමට හේතු වනු ඇත. බල්ලා පිදුරු කන්නෙත් නෑ.. කන ගොනාට දෙන්නෙත් නෑ ..කියා කතා හදන්නට ද ඉඩ දිය යුතු නැත.
No comments:
Post a Comment