Tuesday, November 10, 2009

වැඩ කරන හැම දිනක් ම අකුරට වැඩ කරන දිනක් වේවා!

මේ පහුගිය දින කිහිපයේ ජනතාව සිටියේ පුදුම සතුටකිනි. ඔවුන්ගේ මුහුණු සතුටින් බලාපොරොත්තුවලින් පිරී තිබිණි. ඒ අන් කිසිවක් නිසා නොව අද සිට ඇරඹෙන වරාය විදුලි සහ ජල සේවකයින්ගේ අකුරට වැඩ කිරීමේ තුන් දින මහා ශීල ව්‍යාපාරය නිසා ය. රටේ ජනතාව මේ සේවකයින් හැමදාම අකුටර වැඩ කරනවා නම් ඉතාම කැමති ය. ඒ තම රාජකාරිය ඉතා ඉක්මණින් ඉටුකරගෙන මෙකී ආයතනවලින් ගැලවී යා හැකි බැවිනි. කෙසේ වුවත් අවුරුද්දකට දින තුනක් හෝ තම ශක්ති ප්‍රමාණයෙන් මෙසේ අකුරට වැඩ කිරීම ගැන රටේ ජනතාව තුළ බලවත් ප්‍රසාද‍යකි.

ඇන්ටන් ජෝන් කලාකරුවා ගයන 'කන්තෝරුව කන්තෝරුව මම වැඩ කරන' ගීතය සාමාන්‍ය රාජ්‍ය සේවකයෙකුගේ කාර්යාලීය දින චරියාව මැනවින් විවරණය කරයි. ඔහු සාමාන්‍ය වැඩ ඇරඹෙන වේලාවට පැයකට ‍එකහමාරකට පසු කාර්යාලයට එන විට තේ බොන වේලාව ළඟ ය. තේ බී මිතුරන් සමග මදක් පිළිසඳර කතාවේ නිමග්න වී සිටිත් ම නොදැනිම දිවා ආහාර විවේකය ගැනීමට සිදුවෙයි. පෙර කී පිළිසඳර කතාව කරගෙන යමින් ම දිවා ආහාරය ගෙන දවසේ පුවත්පත් කිහිපය උඩින් පල්ලෙන් පෙරලා අසල මාර්කට් එකෙන් නිවසට ගත යුතු බඩු කිහිපයක් මිල දී ගෙන එන කල කල හවස තේ සුදානම් යැයි පියන් කොලුවා මොර දෙයි. ඉතින් මේ සියලු කරදර අහවර කර දවසේ වැඩ අරඹන්නට සුදානම් වෙත් ම කාර්යාලයේ කවුළු පියන්පත්, විදුලි පංකා එක දෙක වැහෙමින් දැන් ගෙදර යන වේලාව ළංවී ඇති බව අඟවයි.

මේ දෙලොවට ම නැති කම්මැලි මුස්පේත්තු දින චරියාවට රාජ්‍ය සේවකයින් කොහෙත් ම කැමති නැත. ඔවුහු එදා සිට දිවි හිමියෙන් ඊට විරුද්ධව සටන් කළහ. ඊට වෛර කළහ. එහෙයින් ඔවුන් මෙසේ දින තුනක් හෝ අකුරට වැඩ කිරීමට තීරණය කිරීම හොඳ ආරම්භයක් බව ජනතාවගේ අදහසයි. හැකි නම් වසරේ සියලු වැඩ කරන දින අකුරට වැඩ කරන දින කරන ලෙස නියෝග කර සංගාඥාවක් පනවැන්නැයි ද සමහරු ඉල්ලා සිටියහ.

ජනතාව පවසන පරිදි ඔවුන් මේ දින තුනේ නියමිත වේලාවට වැඩට එනු ඇත. නියමිත වේලාව වැඩ කරනු ඇත. කෑම පැය විනාඩි හැටේ එකක් වනු ඇත. වෙනදා තිස් පැයේ ම පිරී ඉතිරි යන ආපනශාලාව තේ වේලාවට කෑම පැයට පමණක් කාර්යබහුල වනු ඇත. වැඩ ඇරී ගෙදර යන ගමන් මාර්කට් යනු ඇත. මහ දවල් කඩපිල්වල තදබදය අඩු වනු ඇත. එහෙයින් මේ ආයතනවලට යන ජනතාවට සිය වැඩකටයුතු ඉක්මණින් කරගත හැකි වනු ඇත. අවසාන වශයෙන් මේ දින තුනේ රටට පලදායි යමක් බිහිවනු ඇත.

එහෙයින් වැඩ කරන හැම දවසක් ම අකුරට වැඩ කරන දවසක් වේවායි! පස්වනක් ප්‍රීතියට පත් රටේ ජනතාව උදේ හවා මේ සේවක මහතුන්ගේ දෙමාපියන් ද සිහිකරමින් පතනු ඇත. වැඩ කරන ජනතාව දිනේවා! කම්කරු විප්ලවය දිනේවා!

3 comments:

Ramachandra said...

ice gehuwath nethath daadiya dageana varaye katta kana minissu
jeevithe paraduwata thiyala light wire ekka weda karana minissu ekadipathiya wenuwen kuliyata kahina divaina paththarakarayata wada nam ratata wedak karanawa

නාමල් උඩලමත්ත said...

අනේ මේ යන්න ඔයා. කවුද ආණ්ඩුවට කඩේ ගියේ. මම කීවේ අකුරට වැඩ කළා ම ලැබෙන ප්‍රතිඵල ගැනනේ. ඊයේ දවස රටේ කිසි ම අර්බුදයක් නැතිව ගෙවුණා. ඒ කොහොම ද? අපේ සේවක මහත්වරු අකුරට ම තමන්ගේ වැඩේ කළ නිසානේ. හා නැද්ද මං අහන්නේ?

Ramachandra said...

@ namal

ah mata weraduna.meka divaina editorial ekak novana bawa mama danui dekke.samanyen meke palawenne divaina editorials nisa mama hithuwe ehemai.anawadanaya nisa una athapasuweemata samawenna.
hebei eken divaina paththarakaraya anduwata kahinawa kiyana eka nam prathikshepa wen nehe:D

 
සිය රට දේ සිරි සැප දේ !