ඕෂල හේරත්ගේ තාත්තා බොරැල්ල පල්ලියට, නාරාහේන්පිට ඉස්පිරිතාලෙට වගේ ම බෙල්ලන්විල රජ මහා විහාරයටත් බෝම්බ තිබ්බේ ජාතික ආරක්ෂාව යහපාලනාණ්ඩුව කාලේ වගේම දුර්වලයි කියන මතය සමාජගත කරන්න නෙමෙයි.
ජීවිත කිහිපයක් බිලි ගෙන රටේ මහජන කැළඹීමක් ඇති කරල, වාර්ගික ගැටුමක් නිර්මාණය කරන්නත් නෙමෙයි. රට අරාජික කර බලය ඩැහැගන්න බලා ඉන්න අවස්ථාවාදීන්ට ඒ ගැටුමින් සුරුට්ටු දල්වා ගෙන ගොඩ යන්න තල්ලුවක් දෙන්නත් නෙමෙයි.
බෝම්බ පුපුරුවමින් බලයට පත් ආණ්ඩුව, දැන් බෝම්බ පුපුරුවමින් ජනතාව පීඬාවට පත් කරන සැබෑ ප්‍රශ්න යට ගහනවා කියන චෝදනාව නඟන්න පසුබිම හදන්නත් නෙමෙයි. කොටින් ම කාදිනල්තුමාට මාධ්‍ය හමු තියල රටට අඬබෙර ගහන්න තවත් මහ මොළකරුවකු නිර්මාණය කර දෙන්නත් නෙමෙයි. එතුමා එහෙම නෝටි බබෙක් නෙමෙයි.
ඒ වයෝවෘද වෛද්‍යචාර්යතුමා බොරැල්ල පල්ලියට බෝම්බේ තිබ්බේ 1970 පැවැති තමන්ගෙ‍ෙ විවාහයට පල්ලිය උදේ කාලයේ ඉඩ නොදුන් නිසයි. ඉස්පිරිතාලේට බෝම්බ තිබ්බේ තමන්ගේ බිරිඳ එම රෝහලේ දී මරුමුවට පත් නිසයි.
හැබැයි තව ම බෙල්ලන්විල රජ මහා විහාරයට බෝම්බ තිබ්බ හේතුව එතුමා හෙළි කළේ නෑ. මම නම් හිතන්නේ බෙල්ලන්වල පන්සලේ ඇත් පැටවට වධ හිංසා කළ නිසා තමයි බෝම්බේ ගැහුවේ. නැත්නම් එයාගේ බිරිඳට බෙල්ලන්විල හාමුදුරුවෝ අරියාදුවක් කරල ඇති.
ඉතින් ඔයාල හිතන විදිහට බෙල්ලන්විල පන්සලට වෛද්‍යතුමා බෝම්බයක් තිබ්බ හේතුව කමෙන්ට්ස් කරගෙන යන්න..
1 comment:
ගුනදාස අමරසේකර මහතාගේ "ගල් පිලිමය හා බොල් පිලිමය" කෙටිකතා පොතේ එන "හොරා පොලිස් " නම් කෙටිකතාව බලන්න .මේ සිදුවීම ගැන අදහසක් ගන්න පුලුවන් .
Post a Comment