තිස්ස ජනනායක විසින් අරවින්ද දිසානායක නොහොත් අනුර දිසානායක පිළිබඳ සිදුකරන ලද හෙළිදරව්වක් නිසා ජවිpay බැතිමතුන් පිරිස සුරතාන්තයට පත්ව සිටිති. ජනනායක පවසන්නේ, අනුර දිසානායක කිසිදු දවසක විශ්වවිද්‍යාල දේශන සඳහා සහභාගී නොවූ බවත් දහවල නිදාගෙන රාත්‍රීයට දේශපාලනය කළ නිශාචරයකු වූ හෙතෙම විභාග ආසන්නයේ දී කිසිවෙකුගෙන් ලබා ගන්නා ගන්නා සටහන්වල ෆොටෝ කොෆි පාඩම් කර විභාග සමත් වූ බවත්ය. ඔහු නේවාසිකාගාරයට ජනේලයෙන් පැන පැමිණීමට පුරුදු වී සිටි බවත් ජනනායක සඳහන් කරයි.
මෙම පුවත සමග අනුර දිසානායක ඇරිස්ටෝටල්, ප්ලේටෝ, අයින්ස්ටයින් වැනි යෝධයෙකු සේ මවා ගෙන ෆේස්බුකියේ ඩෙඟා නටන ජවිpay බැතිමතුන් පිරිස අවම වශයෙන් විශ්වවිද්‍යාලයට වැස්සකට හෝ ගොඩනොවූ පිරිසක් බව නොකියා ම බැරිය. විශ්වවිද්‍යාලයේ දේශන මගහැර වළ බසිමින් පිස්සු කෙළ, අවසානයේ කෙසේ හෝ යන්තම් විභාගය ගොඩ දමන අය ඕනෑ තරම් අප දැක තිබේ. එය විශ්වවිද්‍යාලයට ගිය අයෙකුට මහ අරුම පුදුම දෙයක් නොවේ. එය මහා විශ්වකර්ම වැඩක් ද නොවේ. මෙවැනි ගිරා උපාධි ගන්නා අයකු රටක පාලනයට නොව ආයතනයක රැකියාවක් සඳහා පවා සුදුස්සකු නොවේ.
මේ රටේ ජනතාව සිය බදු මුදල් ලක්ෂ ගණන් වැයකර විශ්වවිද්‍යාල වරම් ලබා දෙන පිරිසට අයත් සිසුවෙකු එම අවස්ථාව මගහැර යාම රටට කරන අපරාධයකි. විභාගය යනු කිසියම් කාල පරිච්ඡේදයක් තුළ සිසුවා උගත් දෙය පරික්ෂා කරන දුර්වල කෝදුවක් විනා පරිපූර්ණ මිනුම් දණ්ඩක් නොවේ. එහි දී යම් විෂයක් උගන්වා ඉන් තෝරාගත් ඉසව් කිහිපයකින් ප්‍රශ්න කිහිපයක් අසන්නේ සිසුවා සමස්ත විෂය ඉගෙන ඇති දැයි පරික්ෂා කිරීමටය. එහෙයින් කිසිදු දේශනයකට සහභාගී නොවී දේශන සටහන් කටපාඩම් කර යන්තම් විභාගය ගොඩදාගත හැකි වුව ද ඔහු නියම අධ්‍යාපනයක් ලද අයකු නොවේ.
මෙය එක් අතකින් තහනම් උත්තේජක භාවිත කර තරඟ ජයග්‍රහණය වැනි ක්‍රියාවකි. පසුගිය සමයේ විශ්වවිද්‍යාල දේශනවලට සහභාගී වීම ඉහළ නැංවීම සඳහා විවිධ වැඩසටහන් දියත් කළේ එහෙයිනි. විශ්වවිද්‍යාලයට පැමිණ කිළිටි ඇඳුම් ඇඳගෙන රැවුල් නොකපා සෙරෙප්පු දෙකක් දා ගෙන සැරිසැරීම වීරකමක් ලෙස සලකන ජවිpay බැතිමතුන් පිරිස බොහෝ දෙනාගේ ජීවිත කතාව ද අනුර දිසානායකගේ කතාවට වෙනස් වන්නේ සුළු වශයනෙි. ඔවුන් විශ්වවිද්‍යාලයට ගිය ද එහි නියම පල නෙළා ගන්නේ නැත.
බාහිර උපාධිධාරියෙකු මෙන් සටහන් කට පාඩම් කර විභාග සමත් වීම, ඇතැම් විට විෂයන් අසමත් වෙවී අවුරුදු ගණන් පසු වී උපාධිය ලබා ගැනීම ද මොවුන් අතර දැකගත හැකිය. පෝස්ටර් ඇලවීම, උද්ඝෝෂණ කිරීම, නවකවධය දීම, අරක්කු සිගරට් ගංජා ගැසීම ආදිය මිස කිසිදු කුසලතාවක් ප්‍රගුණ නොකරන පුස්තකාලයට ගොඩනොවදින මේ උපාධිකාරයින්ගේ ඊළඟ නවාතැන රැකියා විරහිත උපාධිධාරීන්ගේ සංගමයයි. ලිප්ටන් වටරවුමේ කාලයක් ගතකර ආණ්ඩුවේ රැකියාවකට රිංගා ගෙන වෘත්තිය සමිතියක් අටවා ගැනීම ඊළඟ පියවරයි. අනුර කුමාර වැනි නායකයින් පක්ෂය විසින් දිගු කාලීනව නඩත්තු කරයි.
අපගේ විශ්වවිද්‍යාල පද්ධතියේ ඛේදවාචකය මොනවාට විදහාපාන අනුර දිසානායක පුවත අසන විට සැබවින් ම අප හඬා වැටිය යුතුය. මේ රටේ ජනතාව උපාධිධාරියෙකුට ලක්ෂ 10-12 මුදල් වැය කරන්නේ නෝට් එකක් කටපාඩම් කර යන්තම් විභාගය සමත්ව උපාධි ලෝගුවෙන් වසා එළියට දමන පුස්සකු වෙනුවෙන් වීම කෙතරම් ඛේදවාචකයක් ද? මේ රටේ අධ්‍යාපන ක්‍රමය වහාම වෙනස් කළ යුතු බවට අරවින්ද දිසානායකගේ උපාධිය ද කිසිවක යහපත නොදකින ඔහුගේ සර්ව අශුභවාදී දුෂ්ටිය ද රටට ලබා දෙන පණිවිඩයයි.
පමා වූ හෝ මෙම හෙළිදරව්ව සම්බන්ධයෙන් තිස්ස ජනනායකට ස්තූති කරමින් මෙම සටහන ආරම්භ කරමි.
No comments:
Post a Comment