රටේ සුළු පිරිසකට වරප්‍රසාද ලබා දීමේ අරමුණින් කටේ කිරි සුවඳ යන්නත් කලින් බහුතර දරුවන් අසමතුන් කරන අතර සියලු දරුවන්ගේ ළමා කාලය ද අහිමි කරන ශිෂ්‍යත්ව විභාගය පිළිබඳව ද මට ඇත්තේ කිසිසේත් ප්‍රියමනාප හැඟීමක් ද නොවේ. මෙම විභාගය ඇතුළු සියලු විභාගවලින් රටට සිදුවන හානිය අවසන් කළ හැක්කේ තරඟ විභාග නොමැති අධ්‍යාපන ක්‍රමයක් රටට හඳන්වා දීමෙනි. එහි දී මුලින් ම අහෝසි කළ යුත්තේ ශිෂ්‍යත්ව විභාගයයි.
එවැනි පසුබිමක වුව ද පසුගියදා පැවැති ශිෂ්‍යත්ව විභාගයේ දී සිසුන් පිරිසකට ආසාධාරණයක් වූ බවට නැඟෙන චෝදනා පිළිබඳ අවධානය යොමු නොකර සිටිය නොහැකි ය. මෙම චෝදනා එල්ල කළේ හිතාමතා කිසියම් පිරිසක් අපහසුතාවට පත්කිරීමේ අරමුණින් එවැනි කටයුතු කරතැයි විශ්වාස කළ නොහැකි කුඩා දරුවන්ගෙනි.
නියමිත වේලාවට විභාගය ආරම්භ නොකළ බව ද නියමිත කාලය ලබා නොදුන් බව ද සිසුහු සඳහන් කළේ හඬමිනි. එසේ ම කටුසටහන් සඳහා කොළ ඉල්ලූ විට බැණ වැදුණු බවත් මුස්ලිම් සිසුන් සඳහා ඒ ගුරුවරුන් උත්තර කියා දුන් බවත් මේ දරුවෝ පවසති. හය හතර නොදත් දරුවන් බොරු කියන්නේ යැයි කිව නොහැකි ය. එසේ ම මෙම අවසාන චෝදනාව ඉතා ම බරපතළ එකකි.
මේ චෝදනාවලින් ගුරු වෘත්තියෙහි පිරිහීම පමණක් නොව මානව ගුණධර්මවල පිරිහීම ද ප්‍රකට වෙයි. කොවිඩ් වසංගතය නිසා පාසැල අහිමිව නිවසේ රැඳෙමින් සූම් ඔස්සේ උගනිමින් ඉතා ම දුක සේ විභාගයට සූදානම් වූ දරු පැටවුන්ට මේ ගුරුවරු යැයි කියා ගන්නා පිරිස සලකා ඇති ආකාරය කිසිසේත් අනුමත කළ නොහැකි ය. මෙරට විභාගවල දී සුළු වාර්ගික කොටස් විභාග නීති උල්ලංඝනය කරමින් සිදුකරන අපරාධය ද මෙහි දී නැවතත් සමාජයට නිරුවත් වෙයි. විභාග ශාලාවේ දී සිය වර්ගයේ සිසුන්ට පිළිතුරු කියා දෙන මේ ගුරුවරු උත්තර පත්තර ඇගයීමේ දී එසේ නොකරනු ඇතැයි කිව හැක්කේ කාට ද?
මෙරට මුස්ලිම් දෙමළ සිසුන් සාතිශය බහුතරය දෙමළ බසින් විභාග සඳහා පෙනී සිටින අතර තම ශාලාව වෙත ලැබෙන පිළිතුරු පත්‍ර කවර පළාතක් නියෝජනය කරන සිසුන්ගේ දැයි දැන ගැනීමට මෙම කණ්ඩායම් සඳහා බැරිකමක් ද නොමැත.
සිංහල සිසුන්ගේ ප්‍රශ්න පත්තර සියලු නීති රීතිවලට යටත්ව ද අනෙක් අයගේ ප්‍රශ්න පත්තර මෙලෙස වාර්ගික සානුකම්පිත පදනම මත ද බැලීම ඉතා ම අසාධාරණ තත්ත්වයකි. එසේ ම විභාග ශාලාවේ දී පවා සිය කාලය පවා කොල්ලකමින් සිදුකරන අක්‍රමිකතා පිළිබඳ නොතකා හැරීමට කිසිසේත් හැකියාවක් නොමැත. එය අධ්‍යාපන ක්ෂේත්‍රයෙහි සිදුවන වාර්ගික ශුද්ධකරණයකි.
මෙතරම් බරපතළ චෝදනා නැඟෙන පසුබිමක ලංකා ගුරු සංගමයේ ලේකම් ජෝෂ්ප් ස්ටාලිං සඳහන් කළේ ගුරුවරුන්ට චෝදනා කිරීම වැරදි බව ය. වැරැද්ද කළ එකා මහ බඹා වුව ද ඌට චෝදනා නොකර වෙන කිසිවෙකුට චෝදනා කරන්නේ කවර කැකිල්ලේ නීතියක් අනුව ද? දරුවන්ගේ යහපත වෙනුවෙන් යැයි කියමින් මාස ගණනක් ඉගැන්වීම් නතර කර දමා සිය පඩි වැඩි කරගත් ස්ටාලිංන් වැනි ආලාපාළුවෙකුගෙන් ඊට වැඩි යමක් බලාපොරොත්තු විය හැකි ද?
එහෙයින් කළ යුත්තේ මෙම චෝදනා පිළිබඳ වහා ම පරීක්ෂණයක් පවත්වා එම අපරාධකාරයින් ගුරු වෘත්තියෙන් නෙරපා දැමීම ය. නමුත් විය හැක්කේ විනය පරික්ෂණ පවත්වන බව කියමින් කුමක් හෝ බොරුවක් කිරීම පමණි. අර අසාධාරණයට ලක්වූ සිසුන්ට සාධාරණයක් කිරීම ද කාලයේ වැලි තලාවට යට වනු ඇත.
No comments:
Post a Comment