Monday, July 5, 2010

රනිල් මහතා මෙවරත් රට බේරා ගනියි!

ලොව භයානකම ත්‍රස්ත සංවිධානය යැයි බටහිර අටවල් විසින් ම නම් කළ කොටි, ලංකා හමුදාව විසින් පරාජය කරද්දි, ඒ අහලකවත් නැති තාලීබාන්වරුන් ඉදිරියේ ලොව තවත් රටවල් 29ක් සමඟ දණ ගසන්නට සුද්දාට සිදු වී තිබේ. මේ නවනිංගිරාවෙන් සුද්දා ගලවාගත හැකි කදිම මගක් තිබේ. එනම් ඇෆ්ගනිස්ථානයේ සුදු සමත්වරු තාලීබාන්වරු හමුවේ දණ ගැසුවේ, ඒ සුදු මහත්වරු සියලු යුද නීති සම්මත අකුරට ක්‍රියාත්මක කළ නිසා බවත්, ලංකා හමුදාව යුද්ධය දිනුවේ ඒ නීති උල්ලංඝනය කර බවත් පෙන්වීමෙනි. මේ උදව්ව කිසිවෙකුට කළ හැකි නම් ඒ වෙනුවෙන් ප්‍රති-උපකාර කිරීමට ඉහත රටවල් නොපසු බසිනු ඇත.

කොෆී අනන් සහ බුත්‍රෝස් බුත්‍රෝස් ගාලි මෙන් වරකින් දෙකකින් ගෙදර නොයා එක්සත් ජාතින්ගේ ලේකම් පුටුව රත්කිරීමට බලා සිටින්නෙකි බෑන් කී මූන්. මේ අවස්ථාවේ ඇමරිකාව ප්‍රමුඛ බටහිර හොඳ හිත දිනා ගතහොත් තම අභිලාෂ ඉටු කරගත හැකිවෙතැයි ඔහු සිතයි. එහෙයින් තමන්ට කිසිදු බලයක් නැති වැඩ කරන්නට වුව ඔහු පසු නොබසියි. අපේ රට ගැන උපදෙස් දීමට යැයි ඔහු කමිටුවක් නමින් පතෝල මැස්සක් ඇටෙව්වේ සිය හාම්පුතාගේ අරමුණු ඉටුකර එමගින් සිය අරමුණු ඉටු කර ගැනීමේ පටු අදහසිනි.

මේ කෙහෙල් මල් කමිටුවට අපේ රටේ පස් පාගන්නට ඉඩ නොදීම ගැන අපි ආණ්ඩුවට අපේ සතුට ප්‍රකාශ කරමු. ඒ තීරණය වෙනුවෙන් පෙනී සිටිමු. අවසනාවකට ඔවුන්ට මේ රටට ඒමට ඉඩ දුන්නා නම් රටේ මානව හිමිකම් උල්ලංඝනය කර ඇතැයි ද එක්සත් ජාතීන් වහාම මැදිහත් විය යුතු යැයි ද මේ ඊනියා කමිටුව නිර්දේශ කරනු ඇත.

එවිට අපේ යුද ජයග්‍රහණයේ දැලි ගා ඇෆ්ගනිස්ථානයේ විඳින්නට සිදුව ඇති විළිලැජ්ජාව වසා ගැනීමට සුදු හාම්පුතාට අවස්ථාව ලැබෙනු ඇත. ඇතැම් විට මූන්ට තව කලක් ලේකම් පුටුව රත් කිරීමට ද අවස්ථාව උදාවනු ඇත. ලංකාව ආසියාවේ ඉරාකය කොට, රනිල් වික්‍රමසිංහ එහි නායකයා කර ඇමරිකන් රූකඩ ආණ්ඩුවක් ද පිහිටුවන ඇත.

සමාවෙන්න. මට වැරදුනි. 2003 රනිල් වික්‍රමසිංහ මහතා බලයේ ඉද්දි ජාත්‍යන්තර යුද අධිකරණවලට ලංකාව යටත් කිරීමට ගෙනා යෝජනාවට ඒ උතුමා අත්සන් කර නැත. ඒ උතුමාටත් උතුමාගේ මාපිය පාර්ශවවලටත් පිං සිදුවන්නට ලංකාව නැවත යටත්විජිතයක් වීමේ අවධානමෙන් මිදුණි. දැන් ඉතින් සුද්දාට හුළං තමා. ලංකාවට අතතැබීමට සක්කරයාගේ පුතා වයිමාටවත් බැරිය. කොහොමද වික්‍රමසිංහ උන්නැහෙගේ මොලේ.

4 comments:

විහඟ ගීතය said...

දු‍ටුවිට බොරදියේත් නොලැබෙන අවකාසේ
මිටිකොට රනිල් සතුරන් සමඟයි වාසේ
රටකට විපතෙදී පෙන්වා මදහාසේ
ගෙදරට මර ගාතේ ලෝකෙට පරකාසේ

නාමල් උඩලමත්ත said...

රට උගසට තබා ලබනට වරදාන
සතුරන් හා දැයේ ළෙන්ගතුකම්පාන
ලූලා නැති වළේ පණ්ඩිත අසමාන
දුදනෝ අහෝ! රට මත හෙණ ඇදබාන

නාමල් උඩලමත්ත said...

රට උගසට තබා ලබනට වරදාන
සතුරන් හා දැයේ ළෙන්ගතුකම්පාන
ලූලා නැති වළේ පණ්ඩිත අසමාන
දුදනෝ අහෝ! රට මත හෙණ ඇදබාන

නාමල් උඩලමත්ත said...

ldkdffjgg

 
සිය රට දේ සිරි සැප දේ !