පොළොන්නරුවේ සිරිසේන මොනා වුණත් පට්ට ඩෑල්ලෙක. පරාක්‍රම සමුද්‍රේ ඉහත්තාවේ වැව් රක්ෂිතේ ගල් කොරියක් දානවා. වැව් තාවුල්ලේ දහම් කොළුවට ගෙයක් හදනවා. ඩඩ්ලි මලයා වැව් තාවුල්ලත් අල්ලලා අරලිය හෝටලේ වැට ගහනවා. දැන් පරාක්‍රම සමුද්‍රේ නිකං සිරිසේන පවුලේ බූදලයක් වගේ.
ඊට පස්සේ රොෂාන් රණසිංහ මැදිහත් වෙලා වාරිමාර්ගේ, පුරාවිද්‍යාවේ, නාගරික සංවර්ධනේ, නගර සභාවේ අනුමැතිය අරගෙන බර වාහනත් දුවන වැව් බැම්මේ ඇවිදින මංතීරුවක් හදන්න යනවා.
මේ නිසා සාමාන්‍ය ජනතාවට වගේ ම සංචාරකයින්ට විවේක ගන්න, ව්‍යායාම කරන්න, වැවේ අසිරිය විඳින්න තැනක් ලැබෙනවා. වැව් බැම්මටත් අතිරේඛ ආරක්ෂාවක් ලැබෙනවා. නගරාලංකාරයත් ඉහළ යනවා.
ඔන්න ඉතින් මහ ගෙදර තෝම්බුවට වෙන එකෙක් අත තිබ්බා වගේ සිරාට මළ පයිනවා. මුලින් ම මහරාජගේ නාළිකාව ලවා වැඩේ පත්තු කරනවා. ඊට පස්සේ නින්දගමේ හාමුදුරුවෝ ටිකකුයි ගොයියෝ ටිකකුයි වැව් බැම්මට නග්ගනවා.
ඊට පස්සේ ඇවිත් වොයිස් කට් දෙනවා වැව පූජනීයයි. රජ කාලේ වැව් බැම්මට නැග්ගේ සෙරෙප්පු ගලවලා..වැව් බැම්මේ ඇවිදින මංතීරුවක් හදන එක සීගිරියට හෙලිකොප්ටර් බානවා වගේ කියලා.
වැව් ඉස්මත්තේ වැව් රක්ෂිතේ ගල් කොරියක් කරන ගමන් වැව් තාවුල්ලේ පුතාට ගේත් හදල, මල්ලිගේ හෝටල් සාවියට තව කොටහක් කොටු කරගෙන මේ යකා සරමක් ඇඳගෙන මෙහෙම අපට කියනවා.
දැන් පරාක්‍රම සමුද්‍රෙ සිරිසේන පවුලේ නින්දගමේ කොටහක්. ඒක පූජනීයයි. ඒ නිසා සාමාන්‍ය මිනිහෙකුට පයින් යන්නවත් වැවේ ලස්සන බලන්නවත් තැනක් හැදුවොත් පූජනීය වැව කෙළෙසෙනවා.
පූජනීය වැවේ ලස්සන බලන්න ඕන නම් අපේ මල්ලිට ගාණ ගෙවල හෝටලේට වරෙල්ලා. අපේ පුතා පූජනීය වැවෙි ගේ හැදුවට වෙන එකෙකුට වැවි බැම්මෙවත් ඇවිදින්න හොඳ නෑ.
කුහකයොත් දැක්කා.. මේ වගේ කුහතයෙක් නම් කවදාවත් දැක්කේ නෑ. ඊට වඩා මරු බඩු ටික තමයි, වැවේ තියෙන දහම්ගේ ගේත් නොදැක, ඩඩ්ලිගේ හෝටලෙත් නොදැක වැව් ඉහත්තාවෙි රක්ෂිතේ සිරිසේනලගේ ගල් කොරියත් නොදැක, වැව රකින්න ආව පරිසරප්‍රේමි දෑහිතකාමී පරාක්‍රමබාහු රජ්ජුරුවන්ගේ නෑයෝ සෙට් එක. හොඳට අත ගාලා බැලුවා නමි හරි අං පෑදෙනව ද ඔළුවේ කියල.
2 comments:
පරාක්‍රම සමුද්‍රයටත් මාවිල් ආරුවට වගේ සොරුව්වක් ඇති නේද ?
කොයි කවුරුත් තමන්ට වාසි විදියට🤐
Post a Comment