Wednesday, November 21, 2012

ගණිකා වෘත්තිය නීති ගත කළ යුතු ද?

පව්කාරයින්ට පළමු ගල ගැසීමට පෙර ....

නැවතත් ලංකාවේ ගණිකා වෘත්තිය නීති ගත කළ යුතු ද නැද්ද පිළිබඳ සංවාදය මතුව තිබේ. මෙය කලින් කලට උඩ යට යන මාතෘකාවකි. මෙවර සංවාදය හදිසියේ ඉස්මතු වූයේ දකුණු පළාත් සභාවේ එක්තරා මන්ත්‍රීවරයෙකු විදෙස් සංචාරයකින් පසු කරන ලද ප්‍රකාශයක් සමඟය. ඔහු පවසා ඇත්තේ ගණිකා වෘත්තිය නීතිගත කොට එය සංචාරක ව්‍යාපාරය නැංවීම සඳහා යොදා ගත යුතු බවකි.

මේ ප්‍රකාශය සමඟ පරල වී ඇති සුචරිතවාදී උපාසක මහත්වරු අදාළ මන්ත්‍රීවරයාගේ පවුලේ උදවිය මේ සඳහා යොදා ගත යුතු බව පවසති. ඒ අතර අලි පෙරහැරේ ගෙන යාමෙන් සත්ව හිංසාවක් සිදුවන බව පවසන සතුන් මරා බිලි පූජා පැවැත්වීම පිළිබඳ මුණිවත රකින බෞද්ධ විරෝධීහු ද සිටිති. මේ පිරිස අතරට ඉතා ඉක්මණින් පල්ලිය ද ඇතැම් මංමුලාවූ භික්ෂූන් ද හිටපු අකුරැස්ස ප්‍රාදේශීය සභාවේ සභාපතිතුමා ද එක් වනු ඇත. ඔහු බාල වයස්කාරියක් දූෂණය කිරීමෙන් ප්‍රසිද්ධියට පත්විය. තමන් ගැහැනුන් 100ක් සමඟ නිදිවැදී ඇතැයි උදම් ඇනුවේ යැයි මාධ්‍යවල පළ යූයේ එතුමාය.

පල්ලිය මේ සඳහා විරුද්ධ වීම ආගමික කාරණාවකි. ඔවුහු අද එංගලන්තයේ ද නැති වික්ටෝරියානු සුචරිතවාදය ආරක්ෂා කර ගැනීමට වෙර දරති. පල්ලිය මෙන්ම ගණිකා නිවාස ආඥා පනත හා පාදඩ ආඥා පනත අප රටට යටත්විජිතවාදීන් විසින් හඳුන්වා දුන් නීති මිස මෙරට පැවති ඒවා නොවේ. පුරුෂාධිපත්‍ය රජයන ඔවුන්ගේ සංස්කෘතිය තුළ එසේ කිරීම අපට ප්‍රශ්නයක් නැත. සුදු පිරුවටවලට සහ ජාතික ඇඳුමවලට මුවා වී ස්ත්‍රී දූෂණයෙහි, ළමා අපචාරවල යෙදෙන පව්කාරයින් ද මේ සටනට පෙළ ගැසෙනු ඇත. ආගමින් බෞද්ධ සංස්කෘතියෙන් ක්‍රිස්ත්‍රියානි ඕල්කට් බෞද්ධයින් ද සිය සංස්කෘතිය රකින්නට කැති පොලු ගැනීමට ඉඩ තිබේ.

මේ සුචරිතවාදීන් දකින මට සිහිපත් වන්නේ රන්බණ්ඩා සෙනෙවිරත්න ලියූ ළඳුනේ ගීතයයි.

ළඳුනේ ………. ළඳුනේ ………….

ඔබේ දෑස දැක ගත්තෙමි
සැදෑ කලෙක ළඳුනේ .. ළඳුනේ…

දෙනෝ දහක් අත ගත්ත ද
සැමියෙකු නැති ළඳුනේ
නෑයෙක් නෑකම් නො කියන
වීදි සරන ළඳුනේ … ළඳුනේ …

තෙල් මල් ගෙන දෝත පුරා
මුනි කුටියට පිය මනිනා
ඔබේ දෑස දැක ගත්තෙමි
සැඳෑ කලෙක ළඳුනේ .. ළඳුනේ …

බුදුන් දැක නිවන් දකිමැයි
දෙව්රම යන පාර අහන
ඔබ ද පටාචාරාවකි
ඔබ ද කිසා ගෝතමියකි

පිරිමින්ගේ පාප කඳට
දෝස විඳින ළඳුනේ
රහසේ පව් කරන දනා
එලියෙ රවන ළඳුනේ
ලැම පමණක් ලොවට පෙනෙන
ළය නො පෙනෙන ළඳුනේ
කුහුඹුවකුට වරදක් නැති වැරදිකාර ළඳුනේ

පව්කාර ස්ත්‍රියට පළමු ගල ගසන්නට කිසිදු පවක් නොකළ අයෙකුට ඉදිරිපත් වන්නැයි ජේසුතුමා පැවසූයේ මෙලෙස අඳුරේ පව් කොට එළියේ රවන අයටය.

සංචාරක ව්‍යාපාරය ප්‍රවර්ධනය සඳහා ගණිකා වෘත්තිය යොදාගත යුතු බව පවසන ඒ මන්ත්‍රීවරයා මෙන්ම ඒ පව්කාරයාට ගල් ගැසීමට සුදානම් වන ශුද්ධ ආත්මධාරීන් ද නොදන්නා දෙය නම් දැනට සංචාරක ව්‍යාපාරය සමඟ ගණිකා වෘත්තිය ගැට ගැසී ඇති බවය. දැනට ලංකාවේ ගණිකාවන් 40 000ක් පමණක් ඇතැයි පැවසේ. මේ ගණන මීට වඩා බෙහෙවින් වැඩි විය හැකිය. මේ රටේ සංචාරයක ව්‍යාපාරය දියුණු කිරීම සඳහා ගණිකා වෘත්තියට වඩ යොදා ගත හැකි දේ බොහෝය. එහෙත් එය තහනම් කිරීමෙන් ලබාගත නොහැකි ප්‍රතිලාභයක් තහනම ඉවත් කිරීමෙන් ලබා ගත හැකි වනු ඇත.

ගණිකා වෘත්තිය ලොව පැරණිම වෘත්තිය යැයි පැවසේ. එය වරදක් කොට මරණ දණ්ඩනය පැනවුව ද මිහිපිටින් අතුගා දැමිය නොහැකි බව මගේ අදහසයි. අනෙක් අතට අප එය තහනම් කළ යුත්තේ ඇයි ද යන්න ප්‍රශ්න කළ යුතුය. ගණිකා වෘත්තිය මත් පැන් පානය, කුඩු පානය මෙන් මිනිසුන් විනාශ කරන දෙයක් නොවේ. එය තහනම් කිරීම නිසා සිදුව ඇත්තේ ගණිකා වෘත්තිය විවිධ සමාජ රෝග බෝ කරන සමාජ ව්‍යවසනයක් වීම පමණි.

ඒ වෘත්තියට සමාජය ලබා දී ඇති තත්ත්වය නිසා ඔවුන්ට නිසි සනීපාරක්ෂක පහසුකම් ලබා ගැනීමට අවස්ථාව ඇහිරී ඇත. විවිධ දේශපාලන බලවතුන්ගේ උපකාර ඇතිව ගණිකා මඩම් පවත්වා ගෙන යන්නන්ට මේ නිසා එකී කාන්තාවන් දැඩි ලෙස සුරාකෑමට හැකිව තිබේ. ඉතා අඩු මුදලට සිය ශරීරය විකුණා අදාළ මධ්‍යස්ථාන හිමිකරුවන් පොහොසත් කිරීමට ඔවුන්ට සිදුව ඇත. ඔවුන්ගේ අවම ජීවන තත්ත්වය හෝ සහතික කිරීමට කිසිදු මැදිහත් වීමක් නොමැත. සමාජ පිළිගැනීමක් නොමැත.

මේ රටේ ලිංගිකත්වය සඳහා තහංචි තිබුණේ නැත. මේ රටේ සංස්කෘතික ආගමික වශයෙන් දියුණුම යුගය ලෙස සැලකෙන අනුරාධපුර යුගයේ පවා එවන් තහංචි තිබුණේ නැත. එම තහනම හඳුන්වා දුන් අයගේ රටවල ද අද එවැන්නක් නැත. බුදු දහම තුළ එවන් තහනමක් පිළිබඳ සඳහන් වී නොමැත. ඇතැම් සුප්‍රකට නඟර සෝබනියන් බුදු රජුන්ගේ දායිකාවන් විය. බුදු හිමියන් විසින් උඹලා ගණිකාවන් යැයි ඔවුන් එළාව ගත් බවක් හෝ පිළිකෙව් කළ බවක් අප නම් අසා නැත.

පුරාණ නගර සෝබනී තත්ත්වයේ සිට ගණිකා වෘත්තිය අද පවතින ඛේදනීය තත්ත්වයට පත්වූයේ ද මේ විනාශකාරී තහනම නිසාය. සිය දියණිය විනාශ කරන තත්ත්වය මිනිසුන් පත්ව ඇත්තේ ලිංගික ආශාවන් සපුරා ගැනීමට නීතියෙන් මං ඇහිරීම නිසාය. එහෙයින් කළ යුත්තේ අලුතින් නීති ගත කිරීම නොව පනවා ඇති තහනම ඉවත් කිරීමය. ඊට පසු එය  විධිමත් සෞඛ්‍යාරක්ෂිත සේවාවක් කිරීමය.  

3 comments:

මාතලන් said...

සුපිරි අම්බපාලියන් පාර්ලීමෙන්තුවද නියෝජනය කරනා කල්හී. තව කුමන කතාද සොයුර. නීතීගත කර නැතත්. ගාළු පාරේ රාත්‍රි 9 න් පසු තත්වය දන්නෝ දනිති.

දිමුතු said...

සහතික ඇත්ත කොහෙන්වත් ආපු වික්ටෝරියානු සභ්‍යත්වය බදාගෙන මැරෙන්න හදන පුස්සෝ ඉන්නකම් මේ රට මෙතන තමයි (මේක කොට ගවුම් තහනම් කරන්න ගියවරට නේ)

kik said...

mekai awula. ape aya homoma oni deyak balanne sinhala bawudda kiyana hila athulen. a bawuddakama real ekak nemei. ara malani bulathsinhalage song eke inna wargaye budst la thamai a.
//pansalak , bodiyak , pilimayak
dutu thanadi hunasnen nagitimin wadinawa..
Hade nati bhaktiyak watha pura thawaragena adawanwa neth barawa balanawa..//
itin a wagema api culture kiyana duhulen wahagena dagalana rahas than gana katha kirima pawa pawak kiyala apita kiyala denawa podikalema. namuth cult eken wahaganna beri wanara heluwak api laga tiyanawa kiyala apita amathakai. methanadi apiwath nodanna wikurti kamukayek hata gannawa. api eyawath sinhala budsm kiyana tharadiyata obanawa. mulinma api relgn/cult wage patu awastha hitin ain karala katha karamu. ethakotai puluwan mita wada lassana lokayak hadanna puluwan.
@madulupura

 
සිය රට දේ සිරි සැප දේ !