පෙරේදා අතුරුගිරිය පිරවුම්හල අසල පොලිසිය සමග ගැටුමට මුල් වූයේ එහි ඉන්ධන ලබා ගැනීමට සිටි අයකු නොව පිටතින් පැමිණි පුද්ගලයකු බව සිද්ධිය වූ අවස්ථාවේ එහි සිටි අයකු මාධ්‍යයට කියනවා.
මාස්පොත පිරවුම්හල අසල ගැටුම නිර්මාණය කළ පුද්ගලයා එහි හැසිරෙන ආකාරය මට එකවර ම සිහිපත් කළේ කූඹියෝ ටෙලි නාට්‍යය.
ඔහුගේ දෙබස් හැසිරීම් සියල්ල තෙල් ලබා ගැනීමට පෝලිමේ සිට වෙහෙසට පත්ව සිටින සාමාන්‍ය ජනතාව සංවේදී කර ඔවුන් කෝප ගන්වා පොලිසිය සමග ගැටුමක් නිර්මාණය කර ගැනීම උදෙසා ම ඉතා ම සැලකිල්ලෙන් පුහුණු කළ රංගනයක කොටස් බව එම සිද්ධිය ඊයේ රාත්‍රියේ ප්‍රවෘත්ති විකාශය ඔස්සේ නැරඹූ මගේ නිරීක්ෂණයයි.
මෙම ගැටුම්වලට නායකත්වය දෙන ගැටුම අවුළුවන පුද්ගලයින්ගේ හැසිරීම් මේ රටේ බුද්ධි අංශවල සුවිශේෂ නිරීක්ෂණයට යොමුවිය යුතුයි. එම සිද්ධිවලට අදාළ CCTV දර්ශන සමීපව නිරීක්ෂණය කළ යුතුයි. මොවුන්ගේ දේශපාලන ළැදියන් ඇතුළු සියල්ල ගැඹුරින් පරික්ෂාවට ලක්විය යුතුයි.
එමගින් අදාළ පිරිස මෙහෙය වන කණ්ඩායම හඳුනාගත හැකිය.
එසේ ම ජනතාව ද තමන්ගේ ආරක්ෂාව තමන්ම සලසාගත යුතු නිසා මෙවැනි ගැටුම් නිර්මාණය කර තමන් කබලෙන් ළිපට ඇද දැමීමට සැරසෙන පුද්ගලයින්ට අනවශ්‍ය ගැටුම් ඇති කිරීමට එරෙහි විය යුතුයි. ගැටුම් නිර්මාණයට අර අඳින පුද්ගලයින්ට සාමුහිකව එරෙහි විය යුතුයි. ඔවුන්ගේ පටු අරමුණුවල ගොදුරක් වෙන්න එපා.
නොඑසේ නම් මෙම නාඳුනන හනුමා කල්ලිය ගිනි අවුළුවා එතැනින් අතුරුදන් වනු ඇති අතර පැය ගණනක් පෝලිමේ සිට තෙල් ලීටරයක් දෙකක් ලබා ගැනීමට පැමිණි අසරණ ජනතාව අවසානයේ එහි ගොදුරක් වනු ඇත. අැතැම් විට ජීවිතවලින් වන්දි ගෙවන්නට සිදුවනු ඇත. පිරවුම්හල ද වසා දමනු ඇත.
සියලු තෙල් පිරවුම්හල් වෙත යුද හමුදා අාරක්ෂාව ලබා දීම මේ වන විට අත්‍යවශ්‍ය වුව ද ආණ්ඩුවට ඒ ගැන වගේ වගක් නැත. සමහර විට අශ්වයා පැන ගිය පසු ඉස්තාලය තදින් වසා දමනු ඇත.
No comments:
Post a Comment