පාසල් උත්සව සඳහා දෙමාපියන්ගෙන් මුදල් අය නොකළ යුතු බවට අධ්‍යාපන අමාත්‍යංශ ලේකම්තුමිය කළ නියෝගය අගය කරමි. ආණ්ඩුවේ එම තීන්දුව ද අගය කරමි.
කෙසේ වුව ද මෙම තීන්දුව මෙයට පෙර ද බොහෝ ඇමැතිවරු ගත්ත ද එය ක්‍රියාත්මක වූයේ නැත. දිගින් දිගටම දෙමාපියන් අපහසුතාවට පත්කරමින් පාසල්වල මුදල් එකතු කිරීම සිදුවිය.
ගුරුවරු ඇතුළු බහුතර රාජ්‍ය සේවක කැමැත්ත දිනා බලයට පැමිණි ආණ්ඩුවෙි මෙම තීන්දුව අනුව කටයුතු කිරීමට ඔවුන් බැඳී සිටියි. එය කඩ කරන්නේ නම් ආණ්ඩුව වහාම ක්‍රියාත්මක විය යුතුය.
.jpeg)
මෙවැනි අකටයුතු සිදුවන්නේ නම් රටේ ජනතාවට ඍජුවම පැමිණිලි කිරීම සඳහා දුරකතන අංකයක් විවෘත කිරීමට හැකි නම් එය තවත් විධිමත් කළ හැකිය. එසේම ආණ්ඩුවේ ප්‍රතිපත්තිවලට එරෙහි වන පිරිසට විනයානුකූලව කටයුතු කළ යුතුය.
කුමන හේතු මවපාමින් පාසල්වල මුදල් එකතු කිරීම නිසා අසරණ වන්නේ දුප්පත් දෙමාපියන්ය. ඔවුන්ගේ දරුවන්ය. එහෙයින් මම ඊට එරෙහිව බොහෝ අවස්ථාවල ලීවෙමි. ඒ වෙනුවෙන් පෙනී සිටියෙමි.
සිස්ටම් චේන්ජ් කළ හැක්කේ මෙවැනි තීන්දු මහ පොළොවේ ක්‍රියාත්මක කර බැවින් වෙනසක් ඉල්ලු සැම ද වෙනසට ලැබුණු ජන වරමට හිස නමා වෙනසට එරෙහි වූ අය ද දැන් ඊට අනුගත විය යුතුය.
No comments:
Post a Comment