ජනාධිපතිවරයෙක් ඉවත් වෙද්දි ඔහුගේ වාහන, ඔහු යටතේ වැඩකළ නිලධාරීන්ගේ සහ ඔහු යටතේ ක්‍රියාත්මක වූ ආයතනවල වාහන භාර දෙනවා.
ඒවා කවුරුවත් ගෙදර අරන් යන්නේ නෑ. ඒ වාහන ඊළඟ ජනාධිපතිවරයාගේ කාර්යමණ්ඩල භාවිතයට ලබා ගන්නවා. අලුතින් උපන් facebook දේශපාලන උගත්තු නොදැන හිටියට 2005, 2015 වගේම 2019ත් මේක මේ විදිහටම වුණා.
එහෙම නැතිව වර්තමාන ජනාධිපතිවරයාගේ කාර්ය මණ්ඩලය හෙට ඉඳලා බස් එකේ එන්නේ නෑ. කෝච්චියේ එන්නෙත් නෑ. ත්‍රීවිල්වල එන්නෙත් නෑ. කරත්තවල එන්නෙත් නෑ.
ඊයේ වීඩියෝ කරලා මහා අපරාධයක් විදිහට ප්‍රදර්ශනය කළ වාහන වර්තමාන ජනාධිපතිතුමාගේ කාර්ය මණ්ඩලය අද හෙට අරන් යනවා. ඒ අයට රාජකාරි කරන්න තමයි, මේ වාහන ඇනිය තියෙන්නේ.
2019 බලයට ආ ගෝඨාභය ජනාධිපති කාර්ය මණ්ඩලය 2500 ඉඳලා 250ට අඩු කළා. වාහන සිය ගණනක් නැවත මුදල් අමාත්‍යංශයට භාර දුන්නා. හැබැයි ඒවා වීඩියෝ කරලා ප්‍රදර්ශනය කළේ නම් නෑ.
No comments:
Post a Comment